Lukas 12:20 - Surat Ralan na'a Vaidida

²⁰ Naꞌuk Ubu nfalak verin ia ne, ‘Hei, oa bwoda urun! Ovan ini lahir, na oa veka mwata, ba iki veka ni munuk mu metan rivun ovi musdovuk roak yai?’

Lukas 12:20 Iomraidhean Croise

Lukas 11:40

Tamata boda averi! Mia mkyaꞌa roak ne, Ubu kaꞌi notu afa ovi rnaꞌa murin a, ovu vali afa ovi rnaꞌa ralan a.

1 Tesalonika 5:3

Naꞌa amar i veka nma yai, na tamata ra rfalak ne, “Tamata ra malinan watan, ba wol vangoa-vanga roak.” Brian munuk, na rtuan susa i dawan ilaꞌa ovu wol rafla talik nala! Ira veka wearira vata i nfarnuang wawaꞌuk naꞌut i mane nrali ia, ba Ubu nukun ira ovu wol rfonak nala tenarira ra.

1 Timotius 6:17

Fwareta tamata ovi rira metan rivun naꞌa lanit ivavan ini, boma deka rfakaratat tenarira ra, te deka rfakloꞌi rira vavaꞌat ra naꞌa kubang, tevek afa avyai veka rmamu watan. Naꞌuk ni lolin a, na tamata avyai rfakloꞌi ralarira ra verin Ubu. Ia aꞌuk saꞌi nala afa ovi rlobang ita naꞌa dida vavaꞌat ra, ma ralad ra lolin watan.

1 Timotius 6:7

Tevek wol tataha akataka tma lanit ivavan a, ovu vali wol tataha akataka naꞌut i tmata.

Yakobus 4:14

Naꞌuk mia wol mkyaꞌa ne, ilyan veka mtyuan afaka. Eka fyikir ma blawat. Bira vavaꞌat wean inba? Bira vavaꞌat wean yafuman ma nvotuk, naꞌuk brian munuk, na nlia roak.