Ibrani 2:6 - Surat Ralan na'a Vaidida

⁶ Ita tkaꞌa afa yai, tevek rfalak roak naꞌa Surat Ralan ne, “Ubu, notu afakinimi mungnanang tamata ra? Tamata ovi rnaꞌa lanit ivavan ini tamata watan ira, na afakinimi msiꞌik tamata yanan a?

Ibrani 2:6 Iomraidhean Croise

Lukas 1:68

Ia nfalak ne, “Mya ma tfadawang Duilaꞌa, Ubu i tamata Israel ra raraning a, tevek nma ma nalola ita ovu nlobang ita, ma nfatalik ita tali dida varvara aleman ra.

Lukas 1:78

Ubu nfaturu Ni rala lolin a ovu Ni silobang a verin ita, bi notu wean inyai. Ia i ntali lanit ratan yai, veka nma wean lera beti ndata.

Lukas 7:16

Tamata rivun avyai rbobar urun, ovu rfadawang Ubu ma rfalak ne, “Nabi dawan nma roak ma nanaꞌa fruadida ra,” ovu “Ubu nma roak ma nlobang Ni tamata ra!”

1 Tesalonika 4:6

Tamata inorang wol bisma rotu wean inyai verin tamata iki watan, ovu nlia tali inyai, na ira wol bisma rotu sian i wean inyai verin terarir-valirira ovi rorang Yesus. Amfalak lan roak verin mia ne, Duilaꞌa veka nukun tamata ovi rotu afa sian avyai.

Ibrani 4:4

Ita tkaꞌa roak ne, Ubu nasusan munuk roak amar verin ita ma tyari ita, tevek rtulis roak naꞌa Surat Ralan ne, “Ubu notu munuk roak afakataka, ba ti naran amar ifitu, beti nyari Ia.”

Ibrani 5:6

Ubu nfalak vali roak naꞌa Surat Ralan ne, “Ufili roak Oa ma meluk Mela Falurut, nata ti wol ni wahan, wean lan a otu vali verin Melkisedek.”

1 Petrus 1:11

Kristus Ni Roh nfalyawang lan roak verin ira naꞌa sian i Kristus veka ntuan a, ovu vali sian yai nlia roak, beti Ubu nfakaratat ilaꞌa Ia. Ira rkiwal ma rkaꞌa ne, wean inba ovu lafira ba afa ovi Kristus Ni Roh nfamalik naꞌa ralarira ra veka rvotuk.