Filipi 1:17 - Surat Ralan na'a Vaidida

¹⁷ Tamata avyai rfamalik Kristus, tevek rfikir aꞌuk tenarira ra ovu rira fikiran ovi wol lolin ra. Ira ranovak ne, rotu wean inyai, na veka nfalemang ilaꞌa yaꞌa naꞌa buꞌi ralan ini.

Filipi 1:17 Iomraidhean Croise

Lukas 21:14

Mia musti fyangrebat lan ralabira ra, boma naꞌa amar yai, na deka ralabira raruan naꞌa vaivatul ovi veka myala al mlyotar tenabira ra.

Kisah 22:1

Paulus nfalak ne, “Yamang, aꞌang a waring averi, era verin bir tinemun ma mryenar kikyai ma ulotar tenang!”

Kisah 26:1

Agripa nfalak verin Paulus ne, “Utorung ma mungrihi ma mlotar tenam a.” Paulus nala liman a ma al notu faneak, ma nfalak ne,

Kisah 26:24

Paulus nangrihi ma nlotar tenan obin, na Festus netal vain a ma nafwak ne, “Paulus, oa fwoar roak! Mu kakaꞌa dawan daꞌin roak ma notu ma fwoar.”

Roma 2:8

Naꞌuk Ubu veka nangrova urun ovu veka nfaleka inukun i aleman verin tamata ovi rfikir watan tenarira ra, ovu tamata ovi rafena ma rot-orang afa ovi kena ra, naꞌuk rotu watan afa ovi tamata ktufan rotu ra. Tamata ovi baꞌi rotu wean inyai, ira veka rtuan wawaꞌuk ovu susa i dawan urun a. Susa ovu wawaꞌuk avyai veka rkena lan tamata Yahudi ra, beti tamata ovi wol Yahudi ra.

Filipi 1:18

Ira rotu wean inyai, naꞌuk wol akataka verin yaꞌa. Velik ne rdava lingaꞌan liak ovu rira fikiran ovi wol kena ra, te inar ma rlobang yaꞌa, naꞌuk yaꞌa ralang lolin watan. Ralang a lolin watan, tevek rfamalik Ubu Ni vaivatul ra naꞌa Kristus. Ba ralang veka lolin lalawatan,

Filipi 1:7

Wean urun inyai bi ungnanang munuk mia, tevek mnyaꞌa ralang a. Ubu nfaturu Ni rala lolin verin ita ma mlyobang roak yaꞌa ma tkarya ma tfamalik Ni Ivar Lolin a. Myotu wean inyai, naꞌut i unaꞌa buꞌi ralan te naꞌa amar ovi rti roak veli, na ufalyawang verin tamata ovi rfalak sian Ivar Lolin yai, ovu ufaturu lahir ne, Ivar yai kena munuk.

Filipi 2:3

Deka fyakaratat tenabira ra, ovu vali deka myotu ma tamata ra rfadawang mia. Naꞌuk fyakabava tenabira ra ma myalang tamata liak ra ne, ira lolin lia mia.

1 Timotius 2:7

Ba afa avyai, bi Ubu nfili yaꞌa ma eluk Ni rasul. Ia nsinir yaꞌa ma ufamalik vaivatul ovi kena ra verin tamata ovi wol Yahudi ra, boma rorang Yesus. Afa ovi ufalak ini kena! Yaꞌa wol usiklabir!

2 Timotius 2:9

Tamata ra rotu sian yaꞌa ovu rkeak yaꞌa ovu kakeak tmaꞌan, tevek ufamalik Ubu Ni Ivar Lolin ini. Ira rotu yaꞌa wean tamata sian watan. Naꞌuk wol rkeak nala Ubu Ni vaivatul ra.

2 Timotius 4:16

Amar i betfasa ulotar tenang naꞌa fareta, na wol tamata isa vali nma ma nfatuang yaꞌa, naꞌuk rti talik munuk yaꞌa. Era verin Ubu ma deka nukun ira naꞌa afa yai.