Vakatekivu 6:2 - Vakavakadewa Makawa

² sa qai raici ira na nodra goneyalewa na tamata ko ira na luve ni Kalou ni ra sa matavinaka; a ra sa la'ki vakawati kei ira kecega oqo era sa vinakata.

Ai Vola Tabu (Vakadewa Makawa Vakavoutaki 2021)

² sa qai raici ira na nodra goneyalewa na tamata ko ira na luve ni Kalou ni ra sa matavinaka; a ra sa la'ki vakawati kei ira kecega oqo era sa vinakata.

AI VOLA TABU

² sa qai raici ira na nodra gonealewa na tamata ko ira na luve ni Kalou ni ra sa matavinaka; a ra sa laʼki taura na watidra maivei ira kecega era sa digitaka.

Vakavakadewa Vou kei na iVola tale eso

² ka so vei ira na kawa ni lomalagi era sa raica na kedra matavinaka na goneyalewa, era sa mani tauri ira kina era sa digitaka ka vakawatitaki ira.

Ai Vola Tabu Ena Vakavakadewa Vou

² ka so vei ira na kawa ni lomalagi era sa raica na kedra matavinaka na goneyalewa, era sa mani tauri ira kina era sa digitaka ka vakawatitaki ira.

Vakatekivu 6:2 Iomraidhean Croise

Vakatekivu 12:11

Ia ni sa vakarau ko koya me curu ki Ijipita, sa kaya vei Serai na watina, Raica, ka'u sa kila ni ko sa yalewa matavinaka:

Vakatekivu 24:3

ia ka'u na vakabubuluitaki iko mo bubului mada vei Jiova, ko koya na Kalou ni lomalagi, kei na Kalou ni vuravura, ka mo kakua kina ni kauta e dua me watina na luvequ maivei ira na goneyalewa ni Kenani, ko ira ka'u tiko e na kedra maliwa:

Vakatekivu 26:35

ia koi rau oqo sa rarawa kina na loma i Aisake kei Repeka.

Vakatekivu 27:46

A sa kaya vei Aisake ko Repeka, Sa ka rarawa na noqu bula e na vukudra na goneyalewa i Eci: kevaka sa vakawati ko Jekope kei na dua vei ira na goneyalewa i Eci, sa vakataki ira na goneyalewa ni vanua oqo, a cava na kena yaga vei au na noqu bula?

Vakatekivu 3:6

Ia ni sa kunea na yalewa sa yaga na kau me kakana, a sa ka e via raica na matada, ka sa kau me da gadreva me da vuku kina, sa qai tauca na vuana, ka kania; ka solia talega vua na watina erau tiko kaya, a sa kania talega ko koya.

Vakatekivu 4:26

A sa sucu e dua na luve i Seci ka tagane; a sa vakayacani koya ko Inosi: e na gauna ko ya, era qai vakatekivu kina na tamata me vakatokai ira e na yaca i Jiova.

Vakatekivu 6:1

A sa yaco, ni ra sa tubu na tamata me ra lewe vuqa mai e dela i vuravura, a sa sucu na luvedra yalewa,

Vakatekivu 6:3

A sa kaya ko Jiova, A noqu Yalo Tabu ena sega ni veileti tiko kei na tamata me sa sega ni mudu, ka ni sa vakalewe talega ko koya: ia na nona gauna ena dua tale na drau ka ruasagavulu na yabaki.

2 Samuela 11:2

Ia e na yakavi sa tu cake ko Tevita mai na nonai mocemoce, ka la'ki gade e dela ni vale ni tui: a sa raica ko koya mai na dela ni vale e dua na yalewa sa sisili tiko; a sa matavinaka sara na yalewa.

Esera 9:12

O koya oqo mo dou kakua ni solia na nomudou goneyalewa ki na nodra gonetagane, kakua talega ni kauta na nodra goneyalewa vei ira na nomudou gonetagane, se qara na ka me ra vakacegu kina se vakaiyau kina ka tawa mudu: mo dou kaukauwa kina, ka kania na kena vinaka ni vanua, ka laiva vei ira na luvemudou me ra taukena, ka tawa mudu.

Jope 1:6

Ia sa dua na siga era sa lako mai kina na luve ni Kalou me vakaraitaki ira e na mata i Jiova, a sa lako talega mai kei ira ko Setani.

Jope 31:1

Au sa ia oti na veiyalayalati kei na mataqu; Me'u qai via nanuma vakacava e dua na goneyalewa?

Lako Yani 34:16

ko qai kauta na nodra goneyalewa me watidra na luvemu, a sa lako tani ko ira na nodra goneyalewa ka dautagane ni ra muri ira na nodra kalou, ka kauti ira na luvemu tagane me la'ki dauyalewa ni ra muri ira na nodra kalou:

Aisea 63:16

Koi kemuni na tamai keimami; ia ko Eparaama sa lecavi keimami, ka sa sega ni kilai keimami ko Isireli; sai kemuni Jiova, na tamai keimami, na neimami vakabula; sa mailiu sara na yacamuni:

Malakai 2:11

Sa ra cakacaka vakailasu na Juta, ia e dua na ka vakasisila sa caka e Isireli kei Jerusalemi; ni ra sa vakacacana na Juta na ka e tabu me nei Jiova, na ka sa lomana ko koya, ka sa vakawati kei na luvena na kalou tani.

Malakai 2:15

Ia sa sega beka ni cakava ko koya na lewe dua bauga? Ia ka tiko ga vua na vo ni yalo. Ia ka cava me lewe dua bauga kina? Ni sa qara ko Koya na kawa tabu. O koya oqo dou qarauna kina na yalomudou, ia me kakua ni cakacaka vakailasu kina e dua vua ka watina ni sa cauravou.

1 Korinica 7:39

Sa vauca na yalewa na lawa, ni sa bula tiko na watina; ia kevaka sa mate na watina, sa qai tara vua me vakawati tale kei na tagane sa vinakata ko koya; ka me ia ga kei koya sa nona na Turaga.

2 Korinica 6:18

Ia kau na yaco me Tamamudou, Ka dou na yaco me luvequ tagane kei na luvequ yalewa, sa kaya na Turaga Kaukauwa sara.

Vakarua 14:1

Oi kemuni sa luve i Jiova na nomuni Kalou: mo ni kakua ni tavai kemuni, se tasia na yadremuni, e na vukudra na mate.

2 Pita 2:14

a sa sinai na matadra e na dauyalewa, ka sa sega ni mudu rawa ni valavala ca; a ra sa dauvakacalai ira na tamata era sa yalowai: a yalodra sa dauia na kocokoco: era sa luve ni veivakarusai:

1 Joni 2:16

Na ka kecega sa tu e vuravura, na gagadre ca ni yago, na gagadre ca ni mata, kei na dokadokai keda e na ka ni bula oqo, sa sega ni tubu maivei Tamada, mai vuravura ga.