Vakatekivu 3:6 - Vakavakadewa Makawa

⁶ Ia ni sa kunea na yalewa sa yaga na kau me kakana, a sa ka e via raica na matada, ka sa kau me da gadreva me da vuku kina, sa qai tauca na vuana, ka kania; ka solia talega vua na watina erau tiko kaya, a sa kania talega ko koya.

Ai Vola Tabu (Vakadewa Makawa Vakavoutaki 2021)

⁶ Ia ni sa kunea na yalewa sa yaga na kau me kakana, ka sa ka talei ki na mata, ka sa kau me da gadreva me da vuku kina, sa qai tauca na vuana ka kania; ka solia talega vua na watina erau tiko kaya, ka sa kania talega ko koya.

AI VOLA TABU

⁶ Ia ni sa kunea na alewa ni sa yaga na kau me kakana, a sa ka me gadreva na mata, a sa kau domoni me mai vuku kina, sa qai tauca na vuana, ka kania; ka solia talega vua na watina erau tiko kaya, a sa kania ko koya.

Vakavakadewa Vou kei na iVola tale eso

⁶ Ni sa raica na yalewa na vunikau kei na rairai vinaka ni vuana, ka ni sa rui talei vakalevu na vuana me rawati kina na vuku, a sa qai tauca eso na vuana ka kania. E a solia talega eso na vuana vua na watina, ka sa kania talega.

Ai Vola Tabu Ena Vakavakadewa Vou

⁶ Ni sa raica na yalewa na rairai vinaka ni vunikau kei na totoka ni vuana me laukana, ka vakasama ni sa ka talei na rawati ni vuku, a sa qai tauca eso na vuana ka kania. E a solia talega eso na vuana vua na watina, ka sa kania talega.

Vakatekivu 3:6 Iomraidhean Croise

Vakatekivu 3:12

A sa kaya ko Atama, Na yalewa, ko ni a solia me keirau tiko kaya, ko koya ga sa solia vei au na vua ni kau, ka'u a qai kania.

Vakatekivu 3:17

A sa kaya vei Atama, Ni ko a vakarorogo ki na vosa ni watimu, ka sa kania na vua ni kau ka'u a vakarota vei iko, ka kaya, Mo kakua ni kania: sa cudruvi na qele e na vukumu; ko na kana maikina e na rarawa e na veisiga kece ni nomu bula;

Vakatekivu 39:7

Sa oti na ka oqo, sa dauraici Josefa na wati ni nona turaga; ka kaya, Me daru moce vata.

Vakatekivu 6:2

sa qai raici ira na nodra goneyalewa na tamata ko ira na luve ni Kalou ni ra sa matavinaka; a ra sa la'ki vakawati kei ira kecega oqo era sa vinakata.

2 Samuela 11:2

Ia e na yakavi sa tu cake ko Tevita mai na nonai mocemoce, ka la'ki gade e dela ni vale ni tui: a sa raica ko koya mai na dela ni vale e dua na yalewa sa sisili tiko; a sa matavinaka sara na yalewa.

1 Tui 13:19

Sa qai lesu vata kaya, ka kania na kakana ka gunu wai, e na nona vale.

Jope 31:1

Au sa ia oti na veiyalayalati kei na mataqu; Me'u qai via nanuma vakacava e dua na goneyalewa?

Isikeli 24:16

Ko iko na luve ni tamata, raica, au sa kauta tani vakasauri maivei iko o koya ko sa dauvinakata vakalevu: ia mo kakua ga ni yaso se tagicaka, me kakua talega ni tiri na wai ni matamu.

Isikeli 24:21

Mo kaya vei ira na mataqali i Isireli, Sa kaya vakaoqo na Turaga ko Jiova; Raica, au na vakacacana na noqu vale tabu, o koya na nomudou kaukauwa dou sa dokai kemudou kina, ka sa daumaka kina na matamudou, ka sa daulomana talega na yalomudou; ia na luvemudou tagane kei na luvemudou yalewa, ko ira dou a laiva yani, era na bale e nai seleiwau.

Isikeli 24:25

O iko talega, na luve ni tamata, ena sega beka ni yaco e na siga ka'u sa kauta tani kina vei ira na nodra kaukauwa, kei na nodra marau lagilagi, na ka era sa matalau kina, kei na ka sa lasa kina na yalodra, na luvedra tagane kei na luvedra yalewa,

Osea 6:7

Ia ko ira, era sa vaka na tamata sa vakacacataka na veiyalayalati: ia maikea era sa ia na veivakaisini vei au.

Maciu 5:28

ia koi au, kau sa kaya vei kemudou, O koya yadua ena raica na yalewa me dodomo kina, sa dauyalewa oti kaya e lomana.

1 Timoci 2:14

A sa sega ni temaki ko Atama; na yalewa ga sa temaki, ka sa talaidredre kina.

Josua 7:21

Ni'u a raica sa tu vata kei nai toki ni valu e dua nai tutuvi vinaka mai Sainari, kei na siliva e rua na drau na sikeli, kei na dua na uma koula sa limasagavulu na sikeli na kena bibi, au a qai kocova, ka kauta; ka raica, sa vuni e na qele e na noqu loma ni vale laca, ia na siliva sa no vata era.

1 Joni 2:16

Na ka kecega sa tu e vuravura, na gagadre ca ni yago, na gagadre ca ni mata, kei na dokadokai keda e na ka ni bula oqo, sa sega ni tubu maivei Tamada, mai vuravura ga.

Dauveilewai 14:17

A sa tagi vua ko koya ka bogi vitu, ni sa ia tiko na nodra so levu: ka sa yaco e na kenai kavitu ni siga, sa vakamacalataka vua ko koya, e na vuku ni nona vakasosataki koya: a sa vakamacalataka ko koya na vatavatairalago vei ira na nodra gonetagane na kai nona.