Vakatekivu 3:1 - Vakavakadewa Makawa

¹ Ia sa lawaki na gata ka lialia na manumanu kecega ni vanua ka bulia na Kalou ko Jiova. A sa kaya ko koya vua na yalewa, Oi, sa kaya bagi na Kalou mo drau kakua ni kania na vua ni kau kecega e na were?

Ai Vola Tabu (Vakadewa Makawa Vakavoutaki 2021)

¹ Ia sa qaseqase cake na gata mai na manumanu kecega ni vanua ka bulia na Kalou ko Jiova. A sa kaya ko koya vua na yalewa, “Oi, sa kaya bagi na Kalou, ‘Mo drau kakua ni kania na vuanikau kecega e na were’?”

AI VOLA TABU

¹ IA sa vuku na gata ka lialia na manumanu kecega ni vanua ka cakava na Kalou ko Jiova. A sa kaya ko koya vua na alewa, Oi, ka sa kaya bagi na Kalou mo drau kakua ni kania na vua ni veikau kecega e na were, ne?

Vakavakadewa Vou kei na iVola tale eso

¹ Na gata sa manumanu qaseqase duadua vei ira na manumanu kecega a bulia na Kalou o Jiova. A sa kaya na gata vua na yalewa “Sa tukuna li na Kalou mo drau kakua ni kania na vuanikau kecega sa tu ena i teitei?”

Ai Vola Tabu Ena Vakavakadewa Vou

¹ Na gata sa manumanu qaseqase duadua vei ira na manumanu kecega a bulia na Kalou ko Jiova. A sa kaya na gata vua na yalewa “Sa tukuna li na Kalou mo drau kakua ni kania na vuanikau kecega sa tu ena i teitei?”

Vakatekivu 3:1 Iomraidhean Croise

Dauvunau 4:10

Kevaka sa bale e dua, ena tubera cake na kenai sa: ia ena ca vua sa tiko duadua ni sa bale; ni sa sega e dua tale me tuberi koya cake.

Aisea 27:1

E na siga ko ya, ena vakayacora na cudru ko Jiova e na nonai seleiwau gata ka levu ka kaukauwa vei Livaiacani na gata totolo, io vei Livaiacani na gata sa cibini; ia ena vakamatea ko koya na gata levu ka tiko mai na wasawasa.

Maciu 10:16

Raica, au sa talai kemudou yani me vaka na sipi e na kedra maliwa na wolifa: o koya mo dou qai vuku me vaka na gata, ka yalovinaka me vaka na ruve.

Maciu 4:3

A sa lako mai vei koya na dauvere, ka kaya, Kevaka ko sa Luve ni Kalou, mo kaya mada me vuki mei buli madrai na veivatu oqo.

Maciu 4:6

a sa kaya vua, Kevaka ko sa Luve ni Kalou, mo rika sobu: ni sa volai, Ena vakaroti ira na nona agilose ko koya e na vukumu: Ia era na keveti iko e na ligadra, De dua na siga sa tavutu kina na yavamu ki na vatu.

Maciu 4:9

a sa kaya vua, A ka kecega oqori kau na solia vei iko, kevaka ko na cuva sobu ka vakarokoroko vei au.

2 Korinica 11:14

Ia ka sa sega ni ka e veivakurabuitaki oqo; ni sa vakamataliataki koya ko Setani me agilose ni rarama.

2 Korinica 11:3

Ia kau sa rere, de dua na ka ena vakacalai kina na lomamudou mai na kena dina kei na kena savasava vei Karisito, me vaka ka vakacalai Ivi eliu na gata e na nonai lawaki ca.

1 Pita 3:7

Oi kemudou talega na tagane, dou tiko vata kei na watimudou me vaka na tiko vakavuku, mo dou doka na yalewa, me vaka sa ka malumalumu, ni dou sai taukei vata e na loloma ni bula; me kakua ni tarovi na nomudrau masu.

Vakatakila 12:15

Ia na gata levu sa luaraka na wai mai na gusuna e vaka na dobui, me davemuria na yalewa, me vakacirima tani e na waluvu.

Vakatakila 12:9

A sa biu tani na gata levu, na gata makawa, a yacana na Tevoro, kei Setani, o koya sa temaki ira kecega na kai vuravura: a sa biu ki vuravura, a ra sa biu vata kaya na nona agilose.

Vakatakila 20:2

A sa laki taura na gata levu, a gata makawa, o koya oqo na Tevoro, kei Setani, a sa vesuki koya me oti mada e dua na udolu na yabaki,