Vakatekivu 2:8 - Vakavakadewa Makawa

⁸ A sa tea e dua na were na Kalou ko Jiova, mai na tu-i-cake mai Iteni, a sa kauta kina na tamata ka bulia ko koya.

Ai Vola Tabu (Vakadewa Makawa Vakavoutaki 2021)

⁸ A sa tea e dua na were na Kalou ko Jiova, mai na tokalau mai Iteni, ka sa kauta kina na tamata ka bulia ko koya.

AI VOLA TABU

⁸ A sa tea e dua na were na Kalou ko Jiova, mai cake mai Iteni, a sa kauta kina na tamata ka cakava ko koya.

Vakavakadewa Vou kei na iVola tale eso

⁸ A sa qai tea na Kalou o Jiova e dua na i teitei mai Iteni, ena tokalau; a sa la'ki vakatikora kina na tamata e a bulia.

Ai Vola Tabu Ena Vakavakadewa Vou

⁸ A sa qai tea na Kalou ko Jiova e dua na i teitei mai Iteni, ena tokalau; a sa la'ki vakatikora kina na tamata e a bulia.

Vakatekivu 2:8 Iomraidhean Croise

Vakatekivu 13:10

A sa ta cake ko Loti, ka raica na Buca taucoko sa volita na Joritani, e na sala vaka ki Soa, ni sa vuqa na kena wai e na veiyasana kecega, ni sa bera na nona vakarusai Sotoma kei Komora ko Jiova, io sa vaka na were i Jiova, sa vaka na vanua ko Ijipita.

Vakatekivu 3:23

sa qai vakatalai koya tani kina na Kalou ko Jiova mai na were ko Iteni, ka me wereca na qele ka buli maikina ko koya.

Vakatekivu 3:24

A sa vakaseva kina na tamata ko koya: a sa lesi rau na Jerupi me tiko mai na were ko Iteni e na yasana ki na tu-i-cake, kei na yameyame ni bukawaqa e vaka nai seleiwau, sa veigoleyaki tiko, me vakatawa na sala ki na kau ni bula.

Vakatekivu 4:16

A sa lako tani mai na mata i Jiova ko Keni, ka la'ki tiko ki na vanua ko Noti, vaka ki na tu-i-cake mai Iteni.

2 Tui 19:12

Na veivanua ka vakarusa ko iratou na noqu qase era sa vakabula li ko ira na nodra kalou? io, ko Kosani, kei Arani, kei Resefi, kei ira na luve i Iteni era tiko mai Tilasari?

Aisea 51:3

Ni na vakacegui Saioni ko Jiova; ena vakaceguya na nona veiyasana lala; ena cakava na nona talasiga me tautauvata kei Iteni, kei na nona veikau me tautauvata kei na were i Jiova: ena kune mai kina na reki kei na marau, na vakavinavinaka kei na domo ni sere.

Isikeli 27:23

Ko Karana, kei Kane, kei Iteni, kei ira na dauveivoli mai Sipa, kei Asuri, kei Kilimati, era dauveivoli kei iko:

Isikeli 28:13

Ko a tiko mai Iteni na were ni Kalou; ko sa ubi ga e na vatu talei kecega na saritiusi, na topasa, na taiamodi, na perili, na onikisa, kei na jasipa, na safaia, na emeralita, kei na rupi, kei na koula: sa mataitaki oti na nomu tibereli kei na nomu bitu-ni-vakatagi sa tu vei iko, ia e na siga ko a buli kina sa vakarautaki tu.

Isikeli 31:16

Ka'u a vakayavalataka na veimatanitu e na kena rorogo ni nona bale, ni'u sa biuti koya sobu ki bulu kei ira era sa lako sobu ki nai keli: sa ra qai vakacegui kina mai na ruku i vuravura na kau kecega ni Iteni, na kau digitaki ni Lepanoni, ka vinaka sara, na kau kece sa gunuva na wai.

Isikeli 31:18

Ko sa qai vakataki cei beka e nai ukuuku kei na kemu levu cake e na kau ni Iteni? ia dou na kau sobu vata ga kei ira na kau ni Iteni ki na ruku i vuravura: dou na koto vata ga kei ira sa sega ni cili, kei ira era vakamatei e nai seleiwau. Sai koya oqo ko Fero kei ira kecega na nona lewe vuqa, sa kaya na Turaga ko Jiova.

Joeli 2:3

Sa kana voli e matadra na bukawaqa; e dakudra talega, sa caudre tu na yameyame ni bukawaqa: sa vaka na were ko Iteni na vanua e matadra, ia e dakudra, sa veikau lala sara; ena sega talega e bula rawa maikina.