Vakatekivu 12:2 - Vakavakadewa Makawa

² ia ka'u na vakayacori iko mo matanitu levu, ia ka'u na vakalougatataki iko, ka vakarogorogoya na yacamu: ia ko na vu ni veivakalougatataki:

Ai Vola Tabu (Vakadewa Makawa Vakavoutaki 2021)

² Ia ka'u na vakayacori iko mo matanitu levu, ia ka'u na vakalougatataki iko, ka vakarogorogoya na yacamu, ia ko na vu ni veivakalougatataki.

AI VOLA TABU

² ia kaʼu na cakavi iko me matanitu levu, ia kaʼu na vakalougatataki iko, ka vakalevu-levuya na yacamu; ia ko na vu ni veiva-kalougatataki:

Vakavakadewa Vou kei na iVola tale eso

² Au na vakalewevuqataka na nomu kawa, ka na yaco me na matanitu levu. Au na vakalougatataki iko, ka vakarogoya na yacamu, o yaco kina mo vu ni veivakalougatataki.

Ai Vola Tabu Ena Vakavakadewa Vou

² Au na vakalewevuqataka na nomu kawa, ka na yaco me na matanitu levu. Au na vakalougatataki iko, ka vakarogoya na yacamu, mo yaco rawa kina mo vu ni veivakalougatataki.

Vakatekivu 12:2 Iomraidhean Croise

Vakatekivu 13:16

Ia ka'u na vakalewevuqataki ira na nomu kawa me ra vaka na kuvu ni soso: ia kevaka sa wilika rawa na kuvu ni soso e dua na tamata, ena qai wili rawa na nomu kawa.

Vakatekivu 15:5

A sa kauti koya ki tautuba, ka kaya, Mo raici lomalagi mada, ka wilika na kalokalo kevaka ko sa wilika rawa. A sa kaya vua, Sa na vakakina na nomu kawa.

Vakatekivu 17:20

Ia ko Isimeli talega, ka'u sa rogoci iko e na vukuna: Raica, ka'u sa vakalougatataki koya, ka na lewe vuqa mai na luvena, ka'u na vakalevutaki koya vakalevu sara: e le tinikarua na turaga ena vakatubura: ia ka'u na vakamatanitulevutaki koya.

Vakatekivu 18:18

ni na yaco vakaidina ko Eparaama me matanitu levu ka kaukauwa, ena kalougata talega e na vukuna na veimatanitu kecega e vuravura?

Vakatekivu 18:19

ni'u sa kilai koya, ni na vakaroti ira na luvena kei na nona mataqali era na muri koya, era na vakabauta talega na sala i Jiova, me kitaka na ka dodonu, ka ia na lewa dodonu; me vakayacora kina vei Eparaama ko Jiova na ka ka vosa kina vua.

Vakatekivu 19:29

A sa yaco, ni sa vakarusa na veikoro mai na Buca na Kalou, sa nanumi Eparaama na Kalou, ka vakatalai Loti tani mai na veivakarusai, ni sa vakarusa na veikoro ka tiko kina ko Loti.

Vakatekivu 24:1

A sa qase mai ko Eparaama, sa vuqa na nona yabaki: a sa dauvakalougatataki Eparaama ko Jiova e na ka kecega.

Vakatekivu 24:35

a sa vakalougatataka vakalevu na noqu turaga ko Jiova, a sa tubu me turaga yaco: a sa solia vua na qele ni sipi eso, kei na qele ni pulumokau eso, kei na siliva, kei na koula, kei na tamata, kei na vada, kei na kameli, kei na asa:

Vakatekivu 25:11

Ia ni sa mate ko Eparaama, sa vakalougatataki Aisake na luvena na Kalou: a sa tiko ko Aisake mai nai keli-wai ko Leai-roi.

Vakatekivu 26:3

mo tiko vulagi ga e na vanua oqo, ia ka'u na tiko vata kei iko, ka vakalougatataki iko: ni'u na solia vei iko, kei ira na nomu kawa, na veivanua kecega oqo; ia ka'u na vakataudeitaka na noqu bubului vei Eparaama na tamamu:

Vakatekivu 26:4

ia ka'u na vakalewevuqataka na nomu kawa me ra vaka na kalokalo kei lomalagi, ka solia talega na veivanua kecega oqo vei ira na nomu kawa; ena kalougata talega na veimatanitu kecega e vuravura e na nomu kawa;

Vakatekivu 27:29

Me qaravi iko na veimataqali, Ka cuva vei iko na veimatanitu: Mo turaga vei ira na wekamu, Ia me ra cuva vei iko na luve i tinamu; Me cudruvi ko ira era sa cudruvi iko, Ka me ra kalougata ko ira era vosavakalougatataki iko.

Vakatekivu 28:14

ia na nomu kawa ena vaka na kuvu ni qele; ia ko na tete yani vaka ki ra, ka vaka ki na tu-i-cake, ka vaka ki na tokalau, ka vaka ki na ceva; ia ena kalougata vei iko kei na nomu kawa na veimataqali kecega e vuravura:

Vakatekivu 35:11

Sa kaya talega vua na Kalou, Koi au na Kalou Kaukauwa: mo tubu, ka mo lewe vuqa mai; e dua na matanitu, io na matanitu e vuqa, ena tubu maivei iko, ka na lako mai na tolomu na turaga lelevu;

Vakatekivu 46:3

A sa kaya, Koi au na Kalou, na Kalou i tamamu: kakua ni ko rere ni lako sobu ki Ijipita; ni'u na vakamatanitulevutaki iko maikina.

2 Samuela 7:9

ia ka'u a tiko vata kei iko e na vanua kecega ko a lako kina, ia ka'u a muduka tani na nomu meca kecega, ia ka'u na vakarogoya na yacamu, me vaka na yacadra na tamata rogo e vuravura:

1 Tui 1:47

A ra sa lako tale na tamata sa dauqarava na tui, me vosavakalougatataka na noda turaga ko Tevita na tui, a ra sa kaya, Me vakalevuya na yaca i Solomoni na nomuni Kalou me vinaka cake e na yacamuni, ka cakava me uasivi cake na nonai tikotiko vakaturaga e na nomuni tikotiko vakaturaga: a sa cuva ko koya na tui e na nonai mocemoce:

Jope 35:8

Ena ca beka e na nomu i valavala ca e dua na tamata vakataki iko; Ka na yaga beka na nomu caka dodonu vua e dua na luve ni tamata.

NA SAME 107:38

Ka sa vakalougatataki ira talega, ka ra sa vakalewevuqataki vakalevu; Ka sa sega ni vakalailaitaka na nodra manumanu.

Lako Yani 1:7

A ra sa vakaluveni na luve i Isireli, ka tubu vakalevu, ka ra lewe vuqa mai, ka tubu me ra kaukauwa vakalevu sara; a sa tawa sara kina na vanua vei ira.

Lako Yani 32:10

ia oqo, mo laivi au mada, me waqawaqa vei ira na noqu cudru, ia me'u vakarusai ira: ia ka'u na vakamatanitulevutaki iko.

Aisea 51:2

Dou vakaraici Eparaama na tamamudou, kei Sera ka vakasucumi kemudou: sa lewe dua ga ni'u a kacivi koya, ka'u a vakalougatataki koya ka vakalewevuqataki koya.

Isikeli 34:26

Ia ka'u na cakavi ira kei na veiyasana sa tiko volita na noqu ulu-ni-koro me ka ni veivakalougatataki; au na vakatauca talega na uca e na kena gauna; ena tau mai na uca ni veivakalougatataki.

Maika 7:20

O na vakayacora na ka dina vei Jekope, kei na yalololoma vei Eparaama, na ka ko a bubului kina vei ira na neimami qase mai na gauna eliu.

Sakaraia 8:13

Ia ena yaco, me vaka dou a vu ni veivakarusai vei ira na veimatanitu, oi kemudou na mataqali i Juta, kei na mataqali i Isireli; au na vakabulai kemudou, ka dou na yaco vaka talega kina, mo dou vu ni veivakalougatataki; dou kakua ni rere, me kaukauwa ga na ligamudou.

Tiko mai na Lekutu 14:12

Au na yaviti ira e na mate levu, ka vakuai ira, ia ka'u na vakayacori iko mo matanitu e levu cake ka kaukauwa cake vei ira.

Tiko mai na Lekutu 22:12

A sa kaya vei Pelami na Kalou, Mo kakua ni lako vata kei ira; mo kakua ni vatonaki ira na tamata; ni ra sa kalougata ga.

Tiko mai na Lekutu 23:20

Raica, sa vakaroti vei au me'u vosavakalougatataka, A sa vakalougatataka ko koya; ia ka'u sa sega ni vakadaroya rawa.

Roma 4:11

A sa soli vua na veicili mei vakatakilakila, me vakadinadinataka ni sa vakadonui ko koya e na vuku ni nona vakabauta, ni sa sega tu ni cili; me yaco kina ko koya me tamadra kecega era sa vakabauta, ia ka ra sega ni cili; me okati vei ira talega nai valavala dodonu:

Kalatia 3:14

me yaco kina na ka ni veivakalougatataki nei Eparaama vei ira na veimatanitu tani e na vuku i Jisu Karisito: me da rawata kina na Yalo ka yalataki, ni da sa vakabauta.

Kalatia 3:7

O koya mo dou kila, ko ira era sa muria na vakabauta, sai ira ga era sa luve i Eparaama.

Vakarua 26:5

Ia ko ni na qai vosa e na mata i Jiova na nomuni Kalou, ka kaya, A kai Siria na tamaqu, ka sa voleka ni rusa ka sa lako sobu ki Ijipita ko koya, ka tiko vulagi kina ko koya, ko ira talega era lewe lailai, a sa tubu maikea me matanitu levu, sa kaukauwa, ka lewe vuqa: