Vakatekivu 11:4 - Vakavakadewa Makawa

⁴ A ra kaya, Tou ia mada, tou tara e dua na noda koro, ka dua na vale cecere, me yacovi lomalagi na delana; tou cakava me rogo kina na yacada, de sa da dui vakasevi yani e dela i vuravura taucoko.

Ai Vola Tabu (Vakadewa Makawa Vakavoutaki 2021)

⁴ A ra kaya, “Tou ia mada, tou tara e dua na noda koro, ka dua na vale cecere, me yacovi lomalagi na delana; tou cakava me rogo kina na yacada, de sa da dui vakasevi yani e dela i vuravura taucoko.”

AI VOLA TABU

⁴ A ra sa kaya, Tou ia mada, tou tara vei keda e dua na koro, ka dua na vale cecere, me yacori lomalagi na delana; tou cakava me rogo kina na yacada, de da sa dui vakasevi yani e dela i vuravura kecega.

Vakavakadewa Vou kei na iVola tale eso

⁴ Era a kaya, “Me da tara mada e dua na koro kei na dua na vale cere i cake, me yaco sara ki lomalagi na dokana. Me da cakava me rogo kina na yacada, ka me da kakua ni veiseyaki kina ena dela i vuravura.”

Ai Vola Tabu Ena Vakavakadewa Vou

⁴ Era a kaya, “Me da tara mada e dua na koro kei na dua na vale cere i cake, me yaco sara ki lomalagi na dokana. Me da cakava me rogo kina na yacada, ka me da kakua ni veiseyaki kina ena dela i vuravura.”

Vakatekivu 11:4 Iomraidhean Croise

Vakatekivu 6:4

A sa tiko e vuravura e na gauna ko ya eso na tamata yagolevu sara; emuri, era sa qai veiyacovi kei ira na nodra goneyalewa na tamata ko ira na luve ni Kalou, a ra sa vakasucu, ia na luvedra oqo era sa yaco me ra tamata kaukauwa, a ra sa tamata rogo eliu.

2 Samuela 8:13

A sa rogo levu na yaca i Tevita, ni sa tale mai na nona mokuti ira na kai Siria e lewe tinikawalu na udolu, mai na Buca ni Masima.

NA SAME 107:26

Era sa lako cake ki lomalagi, era sa lako sobu vakatitobu sara; Sa waicala na lomadra e na nodra tiko vakaca.

NA SAME 92:9

Ni ra na rusa laivi vakaidina, Jiova, ko ira na nomuni meca; Ia ko ira dina na nomuni meca; Era na dui vakasevi tani ko ira kecega na daucaka ca.

Vosavakaibalebale 10:7

A kedrai nanumi na yalododonu sa ka ni veivakalougatataki: Ia na yacadra nai valavala ca ena rusa ga.

Jeremaia 51:53

Kevaka ena cabe cake ki lomalagi ko Papiloni, ia kevaka ena vakaukauwataka na nona tikina cecere sa kaukauwa tu, ena lako ga yani vua maivei au ko ira na dauvakacaca, sa kaya ko Jiova.

Taniela 4:11

Sa tubu na kau oqori me kaukauwa, ia na kena cecere sa yala ki lomalagi, ka sa raici mai nai yalayala kei vuravura:

Taniela 4:22

sai kemuni na tui, ka sa tubu me kaukauwa mai: ni sa tubu na kemu levu, ka sa yala ki lomalagi, kei na nomuni lewa, sa yaco ki nai yalayala kei vuravura.

Taniela 4:27

O koya oqo, na tui, me vinaka kina vei kemuni na noqu i vakavuvuli, ia mo ni muduka mada na nomuni valavala ca ka me kenai sosomi nai valavala dodonu, kei na nomuni caka cala me vakaisosomitaki e na loloma vei ira na dravudravua; de vakadedetaki kina na nomuni tiko vinaka.

Taniela 4:30

Ka sa kaya na tui, Sa sega beka ni ko Papiloni levu oqo, ka'u sa tara koi au me vale levu ni matanitu e na noqu kaukauwa levu, ka me sa rogo kina na noqu lagilagi?

Luke 1:51

Sa kaukauwa na cakacaka ni ligana; Sa dui vakasesei ira na viavialevu ko koya e na vuku ni nanuma ni yalodra.

Joni 5:44

Dou sa vakabauta rawa vakaevei, ni dou sa veivakarokorokotaki tiko vakai kemudou, ka sega ni gadreva na vakarokoroko sa lako mai vua na Kalou duaduaga?

Vakarua 1:28

eda na lako cake kivei? era sa vakawaicalataka na yaloda na wekada, ni ra kaya, Era sa tamata lelevu ka babalavu, ka lailai koi keda; sa lelevu na veikoro, a sa yala ki lomalagi na kedra bai: ia keitou a kunei ira talega kina na luve i Anaki.

Vakarua 4:27

Ena vakasevi kemuni voli ko Jiova ki na veimatanitu, ia kemuni na le vica walega e vo e na kedra maliwa na veimatanitu sa kauti kemuni yani kina ko Jiova:

Vakarua 9:1

Mo ni rogoca, na Isireli: Ko ni sa qalo kosova na Joritani edaidai, mo ni la'ki taukena eso na matanitu sa levu ka kaukauwa, ka lailai ka malumalumu koi kemuni, na veikoro lelevu ka sa yala ki lomalagi na kedra bai,