Vakatekivu 1:1 - Vakavakadewa Makawa

¹ Enai vakatekivu sa bulia na lomalagi kei na vuravura na Kalou.

Ai Vola Tabu (Vakadewa Makawa Vakavoutaki 2021)

¹ E nai vakatekivu sa bulia na lomalagi kei na vuravura na Kalou.

AI VOLA TABU

¹ ENAI vakatekivu sa bulia na lomalagi kei vuravura na Kalou.

Vakavakadewa Vou kei na iVola tale eso

¹ Ena i vakatekivu, ena gauna a bulia kina na lomalagi kei na vuravura na Kalou;

Ai Vola Tabu Ena Vakavakadewa Vou

¹ Ena i vakatekivu, ena gauna a bulia kina na lomalagi kei na vuravura na Kalou;

Vakatekivu 1:1 Iomraidhean Croise

2 Tui 19:15

A sa masu ko Esekaia e na mata i Jiova, a sa kaya, Kemuni Jiova na nodra Kalou na Isireli, o koya sa tiko e na tadrua ni jerupi, koi kemuni vakai kemuni ga sa Kalou ni veimatanitu kecega e vuravura; koi kemuni sa bulia na lomalagi kei na vuravura:

1 Veigauna 16:26

Ni ra sa matakau walega na nodra kalou kecega na tamata: Ia ko Jiova ga sa bulia na lomalagi.

2 Veigauna 2:11

Sa qai vola ko Airami na tui Taia e dua nai vola, vei Solomoni, ka vaka Ni sa lomani ira na nona tamata ko Jiova, sa buli iko ko koya mo nodra tui.

Niemaia 9:6

Koi kemuni ko Jiova, sai kemuni duaduaga; ko ni a bulia na lomalagi, na lomalagi kece kei na kedrai vavakoso kecega, na vuravura, kei na ka kecega sa tu kina, na wasawasa, kei na ka kecega sa tu kina, ko ni sa maroroya kece talega; a ra sa vakarokoroko vei kemuni nai vavakoso ni lomalagi.

Jope 26:13

Sa vakaiukuukutaka na lomalagi e na yalona; Sa bulia na gata takelo na ligana.

Jope 38:4

Ko a tiko maivei ni ka'u a tauyavutaki vuravura? Mo tukuna mai, kevaka ko sa kila.

Jope 9:8

Ko koya sa birika vakai koya ga na lomalagi, A sa butuka tu na dela ni ua ni wasawasa:

NA SAME 102:25

Mailiu sara ko ni a tauyavutaki vuravura: Io na cakacaka ni ligamuni, ko lomalagi:

NA SAME 104:24

I Jiova, sa ka levu vakaidina na nomuni cakacaka! Ka sa caka vakavuku kecega: Sa roboti vuravura na nomuni yau.

NA SAME 104:30

O ni sa tala yani na Yalomuni, era sa buli: Io ko ni sa vakavoutaka tale na dela i vuravura.

NA SAME 115:15

Sa vakalougatataki kemudou ko Jiova O koya ka bulia na lomalagi kei vuravura.

NA SAME 121:2

Sa lako maivei Jiova na noqu i vukevuke, O koya ka bulia na lomalagi kei vuravura.

NA SAME 124:8

A nodai vukevuke na yaca i Jiova, O koya ka buli lomalagi kei vuravura.

NA SAME 134:3

Me vakalougatataki iko mai Saioni ko Jiova, O koya ka buli lomalagi kei vuravura.

NA SAME 136:5

Vua sa bulia na lomalagi e na nona vuku: Ni sa sega ni mudu na nona loloma.

NA SAME 146:6

O koya ka bulia na lomalagi, kei vuravura, Na wasawasa, kei na ka kecega sa tu kina; O koya sa dinadina tikoga na nona vosa ka sega ni mudu:

NA SAME 33:6

Sa caka na lomalagi e na vosa i Jiova; Kei na lewena kecega e nai cegu ni gusuna.

NA SAME 33:9

Ni sa kaya ko Koya, ka sa yaco; Sa vakarota ko Koya, ka sa tu dei.

NA SAME 8:3

Ni'u sa vakananuma na nomuni lomalagi, na cakacaka ni qaqalo ni ligamuni, Na vula kei na kalokalo ko ni sa lesia;

NA SAME 8:4

A cava na tamata mo ni nanumi koya kina? Kei na luve ni tamata, mo ni dautalevi koya kina?

NA SAME 90:2

Ni sa bera buli na veiulu-ni-vanua, Ia ni kemuni a sega ni bulia na vuravura kei na vanua, Sai kemuni ga na Kalou e sega ni tubu ka sega ni mudu.

NA SAME 96:5

Ni ra sa matakau walega na nodra kalou na veimatanitu: Ia ko Jiova ga sa bulia na lomalagi.

Lako Yani 20:11

ni sa buli lomalagi kei vuravura kei na waitui, kei na ka kecega sa tu maikina, ko Jiova e na siga e ono, a sa vakacegu e nai kavitu ni siga: o koya sa vakalougatataka kina ko Jiova na siga ni vakacecegu, ka vakatabuya.

Lako Yani 31:18

Ia ni sa tinia na nona vosa vei Mosese mai na dela ni ulu-ni-vanua ko Saineai, sa qai solia vua e rua na vatu ni vunau, a vatu raraba, sa volai e nai qaqalo ni liga ni Kalou.

Vosavakaibalebale 16:4

Sa cakava na ka kecega ko Jiova me nona: Io, na tamata ca talega ki na siga ca.

Vosavakaibalebale 3:19

Sa tauyavutaki vuravura ko Jiova e na nona vuku; Ka sa vakarautaki lomalagi e na nona lewa:

Dauvunau 12:1

Mo nanumi koya ka Buli iko ni ko sa cauravou tiko, ni sa bera ni yaco na veisiga ca, ka ni sa sega ni toro mai na veiyabaki, ko na kaya kina, Au sa sega ni vinakata na ka oqo:

Aisea 37:16

Kemuni Jiova ni lewe vuqa, na neimami Kalou na Isireli, koi kemuni sa tiko e na tadrua ni jerupi, sai kemuni na Kalou duaduaga, ni veimatanitu kecega kei vuravura: koi kemuni ka buli lomalagi kei vuravura:

Aisea 40:21

Dou a sega beka ni kila? dou a sega ni rogoca? sa sega beka ni tukuni vei kemudou mailiu? dou a sega ni kila mai na gauna sa tauyavutaki kina ko vuravura?

Aisea 40:26

Dou ta cake, ka rai yani; ko cei ka bulia na ka oqori? ka sa kauta vakamataivalu mai na kedrai vavakoso? sa kacivi ira kecega e na yacadra, ka ni sa levu na nona kaukauwa, ka sa daugumatua sara; sa sega e dua sa yali.

Aisea 40:28

Ko sa sega beka ni kila? ko sa sega ni rogoca? ko koya sa Kalou ka tawa mudu, ko Jiova, ko koya ka bulia nai yalayala kei vuravura; ena sega ni malumalumu ko koya, ena sega ni oca; sa sega ni dikevi rawa na nona vuku.

Aisea 42:5

Sa vosa vakaoqo na Kalou ko Jiova, o koya ka bulia na lomalagi, ka tevuka; o koya ka tevuka talega na vuravura, kei na ka sa vakatubura; ko koya sa solia vei ira na tamata e tiko kina na nodra i cegu, kei na yalodra era sa lako voli kina:

Aisea 44:24

Sa kaya vakaoqo ko Jiova, na nomu i Vakabula, kei koya ka buli iko mai na kete; Koi au ko Jiova ka'u a cakava na ka kecega, ka tevuka duaduaga na lomalagi, ka tevuka talega vakataki au ga na vuravura:

Aisea 45:18

Ni sa kaya vakaoqo ko Jiova, ko koya ka bulia na lomalagi; na Kalou, ko koya ka bulia na vuravura ka cakava; sa vakataudeitaka ko koya, a sa sega ni cakava me lala, sa bulia ga me tawa: Koi au ko Jiova; ka sa sega e dua tale:

Aisea 51:13

ka sa guilecavi Jiova ka Buli iko, ka tevuka yani na lomalagi, ka tauyavutaki vuravura, ka sa rere tikoga e na veisiga, e na vuku ni nona cudru na dauveivakasaurarataki, ni sa vakarau me ia na veivakarusai? ia sa evei na nona cudru na dauveivakasaurarataki?

Aisea 51:16

Ia ka'u sa vakacuruma na noqu vosa ki na gusumu, ia ka'u sa ubi iko e na yaloyalo ni ligaqu, me'u tea na lomalagi, ka tauyavutaki vuravura, ka kaya vei ira mai Saioni, Koi kemudou na noqu tamata.

Aisea 65:17

Raica, ka'u sa bulia na lomalagi vou kei na vuravura vou; ia ena sega ni nanumi na ka eliu, ena sega ni curu tale ki na lomamudou.

Jeremaia 10:12

Sa bulia na vanua ko koya e na nona kaukauwa, ka vakataudeitaki vuravura e na nona vuku, ka tevuka yani na lomalagi e na nona yalomatua:

Jeremaia 32:17

Kemuni na Turaga ko Jiova! ko ni sa bulia na lomalagi kei vuravura e na nomuni kaukauwa levu kei na ligamuni e dodo yani, ka sa sega ni dredre vei kemuni e dua na ka:

Jeremaia 51:15

Sa bulia na vanua ko koya e na nona kaukauwa, ka vakataudeitaki vuravura e na nona vuku, ka tevuka yani na lomalagi e na nona yalomatua:

Sakaraia 12:1

Na vosa ni parofisai bibi maivei Jiova ka baleti ira na Isireli, sa kaya ko Jiova, o koya sa tevuka yani na lomalagi, ka sa tauyavutaki vuravura, ka sa cakava na yalo ni tamata e lomana.

Maciu 11:25

E na gauna ko ya sa vosa kina ko Jisu, ka kaya, Au sa vakavinavinaka vei kemuni Tamaqu, na Turaga ni lomalagi kei vuravura, ni kemuni sa vunia na veika oqo vei ira na vuku kei na yalomatua a sa vakatakila ga vei ira na gone lalai:

Marika 13:19

Ni na yaco na ka rarawa e na gauna ko ya; sa sega ni vakakina mai nai vakatekivu ni nona buli ka na Kalou ka yacova na siga oqo, ka na sega talega emuri.

Cakacaka 14:15

ka kaya, Oi kemuni na turaga, a cava ko ni sa kitaka kina na veika oqo? eda sa tamata vata kai tovo vata talega kei kemuni, ia keirau sa vunau vei kemuni mo ni saumaki tani mai na veika oqo sa sega ni yaga, kivei koya na Kalou bula, ko koya ka buli lomalagi, kei vuravura, kei na wasawasa, kei na ka kecega sa tu kina:

Cakacaka 17:24

A Kalou ka buli vuravura kei na ka kecega sa tu kina, sa Turaga ga ko koya mai lomalagi kei vuravura, a sa sega ni tiko e na veivale ni soro sa caka e na liga;

Cakacaka 4:24

Ia ni ra sa rogoca, era sa lomavata ka tabalaka cake na domodra vua na Kalou, ka kaya, Kemuni na Turaga, koi kemuni na Kalou, ko ni a buli lomalagi, kei vuravura, kei na waitui, kei na ka kecega sa tu kina:

Roma 11:36

Ni sa vu mai vua na ka kecega, e na vukuna talega, ka me nona talega; me vakarokorokotaki ko koya ka sega ni mudu. Emeni.

1 Korinica 8:6

ia vei keda sa dua bauga na Kalou, na Tamada sa vu vei koya na ka kecega, eda sa nona ga koi keda; a sa dua bauga na Turaga ko Jisu Karisito, sa caka kina na ka kecega, ia koi keda e na vukuna.

Efeso 3:9

ka meu vakarairaitaka vei ira na tamata kecega se sa vakaevei na ka ka vuni tu, sa vunia mai nai vakatekivu kei vuravura na Kalou, o koya sa bulia na ka kecega:

Iperiu 1:10

Ia, Oi kemuni Turaga, ko ni a tauyavutaki vuravura e nai vakatekivu; Ia na cakacaka ni ligamuni ko lomalagi:

Iperiu 1:2

ia sai koya na Luvena sa vosa kina vei keda ko koya, e na gauna mai ki muri oqo; o koya sa lesia ko koya mei taukei ni ka kecega, o koya sa bulia talega kina na vuravura kecega;

Iperiu 11:3

Na vakabauta eda sa kila kina ni sa ia na veibuli e na vosa ni Kalou, ia sa sega ni caka na veika sa rairai mai e na veika sa kune tiko.

Iperiu 3:4

Ni sa dua e tara na vale yadua; ia ko koya sa tara na ka kecega sa Kalou.

2 Pita 3:5

Ia na ka oqo era sa vinakata me ra lecava, ni sa vosa ni Kalou ka tu kina na lomalagi eliu, kei na vuravura sa wase mai na wai, a sa tu e na vuku ni wai;

1 Joni 1:1

Koya sa tu mai nai vakatekivu, o koya keitou a rogoca, o koya keitou a raica e na mata i keitou, o koya keitou a vakaraica sara, ia ka tara na liga i keitou, e na vuku ni Vosa ni bula;

Vakatakila 10:6

a sa bubului vei koya sa bula tawa mudu, o koya ka buli lomalagi, kei na veika sa tu kina, kei vuravura, kei na veika sa tu kina, kei na wasawasa, kei na veika sa tu kina, ni na sega tale e dua na gauna me vo:

Vakatakila 14:7

ka sa kaya e na domo levu, Dou rerevaka na Kalou, ka vakarokoroko vei koya; ni sa yaco na nona gauna me lewa: ia dou vakarokoroko vei koya ka buli lomalagi, kei vuravura, kei na wasawasa, kei na veivurevure-ni-wai.

Vakatakila 21:6

A sa kaya vei au ko koya, Sa caka oti. Oi au na Alifa kei na Omeka, na kenai vakatekivu kei na kenai vakataotioti. Au na solia walega vua sa viagunu, mai nai vurevure ni wai ni bula.

Vakatakila 22:13

Oi au na Alifa kei na Omeka, na kenai vakatekivu kei na kenai vakataotioti, na kenai liuliu kei na kenai murimuri.

Vakatakila 3:14

MO volavola talega vua nai talatala ni soqosoqo lewe ni lotu mai Leotisea: Sa tukuna na veika oqo na Emeni, o koya sa dautukuna na ka dodonu ka dina, ai vakatekivu ni cakacaka ni Kalou:

Vakatakila 4:11

Kemuni na neitou Turaga kei na neitou Kalou, sa dodonu me ia vei kemuni na vakarokoroko kei na veidokadokai, kei na kaukauwa: ni sai kemuni ka bulia na ka kecega, era sa buli ga ka tu dei talega e na nomuni lewa.