Taniela 9:9 - Vakavakadewa Makawa

⁹ Sa nei koya na Turaga na neimami Kalou na yalololoma kei na dauvakabokoci ni valavala ca ia sa dina keimami sa talaidredre ga vua;

Ai Vola Tabu (Vakadewa Makawa Vakavoutaki 2021)

⁹ Sa nei koya na Turaga na neimami Kalou na yalololoma kei na dauvosota nai valavala ca, ia sa dina keimami sa talaidredre ga vua

AI VOLA TABU

⁹ Sa nei koya na Turaga na neimami Kalou na yalololoma kei na dauveivakadonui, ka ni keimami sa talaidredre ga vua;

Vakavakadewa Vou kei na iVola tale eso

⁹ O ni a dauloloma ka dauveivosoti, oi keimami ga keimami a dau saqati kemuni.

Ai Vola Tabu Ena Vakavakadewa Vou

⁹ O ni a dauloloma ka dauveivosoti, oi keimami ga keimami a dau saqati kemuni.

Taniela 9:9 Iomraidhean Croise

2 Samuela 24:14

A sa kaya vei Kata ko Tevita, Au sa taqaya vakalevu: me da lutu mada ki na liga i Jiova; ni sa levu na nona loloma: ia me'u kakua ni lutu ki na liga ni tamata.

1 Tui 8:30

Ia mo ni rogoca na noqu kerekere na nomuni tamata, kei na nodra na nomuni tamata na Isireli, ni ra na masu e na tikina oqo: ia mo ni rogoca mai lomalagi, na yasana ko ni sa tiko kina: ia ni kemuni sa rogoca, mo ni kakua ni cudru.

Niemaia 9:31

Ia e na vuku ni nomuni loloma levu, ko ni a sega ni vakarusai ira sara, se biuti ira, ni kemuni sa Kalou yalovinaka ka dauloloma.

NA SAME 130:4

Ia sa tiko vei kemuni na loloma, Mo ni vakarokorokotaki kina.

NA SAME 130:7

Me ra nuitaki Jiova ko ira na Isireli: Ni sa tiko vua na yalololoma, Ka sa tiko talega vua na bula levu.

NA SAME 62:12

Ka sa nomuni talega, na Turaga, na yalololoma: Ni kemuni sa solia vei ira na tamata yadua me vaka na nodra i valavala.

NA SAME 86:15

Ia sai kemuni na Turaga, na Kalou sa dauyalololoma, ka daulomasoli, Sa vosovoso vakadede, ka dauyalovinaka ka daudina.

NA SAME 86:5

Ni kemuni sa Turaga dauyalovinaka, ka daulomadonu; Ka daulevu na nomuni loloma vei ira kecega era tagi vei kemuni.

Aisea 55:7

me biuta mada na nonai tovo na tamata ca, kei na nona vakanananu na tamata daucaka cala; ka me lesu mai ko koya vei Jiova, ena yalololoma vua, io vei koya na noda Kalou, ni na gugumatua ni lomana:

Aisea 63:7

Au na tukuna na yalololoma levu i Jiova, ka'u na vakacaucautaki Jiova, me vaka na ka kecega sa vakayacora vei keimami ko Jiova; kei na nona loloma levu sa vakayacora vei ira na mataqali i Isireli; me vaka na nona daulomani ira, ka vaka na kena levu ni nona yalololoma.

Jeremaia 14:7

Kemuni Jiova, ko ni sa beitaki keimami dina e na neimami caka cala, ia mo ni cakacaka e na vuku ni yacamuni ga: ni sa ka levu na neimami dauvuki; keimami sai valavala ca vei kemuni.

Isikeli 20:13

Ia sa talaidredre vei au na mataqali ni Isireli mai na vanua liwa lala; ka ra sega ni muria na noqu vunau, ka ra sa beca na noqu lewa, o koya ke cakava e dua na tamata, ena bula kina; ia na noqu siga tabu era sa vakacacana sara: au a qai kaya, Au na sovaraka na noqu cudru vei ira e na vanua liwa lala, me'u vakarusai ira.

Taniela 9:5

keimami sai valavala ca, ka sa cala, ka sa caka ca, ka sa talaidredre, ni keimami sa vuki tani mai na nomuni vunau kei na nomuni lewa;

Taniela 9:6

keimami sa sega talega ni vakarorogo vei ira na nomuni talatala na parofita, era vosa e na yacamuni vei ira na neimami tui, kei na neimami turaga, kei na neimami qase, kei ira kecega na lewe ni vanua.

Taniela 9:7

Sa nomuni, Turaga, na cakacaka dodonu, a sa neimami na mata madua, me vaka e na siga oqo; io koi keimami na kai Juta kei na lewe i Jerusalemi, kei na Isireli kecega, ko ira sa voleka, kei ira sa yawa; e na veivanua kece ko ni sa dui vakasevi ira yani kina, e na vuku ni nodra talaidredre era sa talaidredre kina vei kemuni.

Taniela 9:8

Kemuni na Turaga, sa dina ga me keimami mata madua, kei ira talega na neimami tui, kei na neimami turaga, kei na neimami qase, ni keimami sai valavala ca vei kemuni.

Jona 4:2

A sa masu vei Jiova, ka kaya, Kemuni Jiova, sai koya ga oqo ka'u a kaya ni'u a tiko e na noqu vanua, se segai? sai koya talega oqo ka'u a dro vakatotolo kina ki Tasisi: ni'u a kila ko ni sa Kalou daulomasoli, ka yalololoma, ka cudru vakamalua, ka dauyalovinaka, ka sa dauveivutuni e na vuku ni ca.