Taniela 9:8 - Vakavakadewa Makawa

⁸ Kemuni na Turaga, sa dina ga me keimami mata madua, kei ira talega na neimami tui, kei na neimami turaga, kei na neimami qase, ni keimami sai valavala ca vei kemuni.

Ai Vola Tabu (Vakadewa Makawa Vakavoutaki 2021)

⁸ Kemuni na Turaga, sa dina ga me keimami mata madua, kei ira talega na neimami tui, kei na neimami turaga, kei na neimami qase, ka ni keimami sai valavala ca vei kemuni.

AI VOLA TABU

⁸ Io, Turaga, sa neimami na mata madua, ko ira na neimami tui, kei na neimami turaga, kei na neimami qase, e na vuku ni keimami sai valavala ca vei iko.

Vakavakadewa Vou kei na iVola tale eso

⁸ O ira na neimami tui, na neimami turaga kei ira na neimami qase, era a cakava na veika veivakamaduataki ka ra cakava na i valavala ca vei kemuni, Turaga.

Ai Vola Tabu Ena Vakavakadewa Vou

⁸ O ira na neimami tui, na neimami turaga kei ira na neimami qase, era a cakava na veika veivakamaduataki ka ra cakava na i valavala ca vei kemuni, Turaga.

Taniela 9:8 Iomraidhean Croise

2 Tui 21:15

ni ra sa caka ca e mataqu, ka vakacudrui au, mai na siga era lako maikina ko ira na nodra qase mai Ijipita, ka yacova na siga oqo.

2 Veigauna 6:37

ia kevaka era sa vakanananu e na vanua era a kau vakabobula kina, ka veivutuni, ka masuti kemuni e na vanua era a kau vakabobula kina, ka kaya, Keimami sai valavala ca, keimami sai valavala vakatani, ka caka cala;

Niemaia 1:6

me rogo mada na daligamuni, ka me yadra na matamuni, mo ni rogoca kina na masumasu ni nomuni tamata, ka'u sa qai cabora e matamuni, e na siga kei na bogi, e na vukudra na Isireli na nomuni tamata, ni'u sa vakatusa talega na nodra i valavala ca na Isireli, keimami sa cakava vei kemuni: keimami sai valavala ca, koi au kei ira na mataqali ni noqu qase.

Aisea 64:4

Ia mai nai vakatekivu era sa sega ni rogoca, sa sega ni rogo ki na daligadra, sa sega na matadra sa kunea e dua na Kalou, koi kemuni duaduaga, sa cakacaka e na vuku i koya sa waraki koya.

Jeremaia 14:20

Kemuni Jiova, keimami sa vakatusa na neimami ca, kei na caka cala ni neimami qase: ni keimami sai valavala ca vei kemuni.

Jeremaia 32:32

e na vuku ni nodra ca kece na Isireli kei na Juta, era sa cakava me ra vakacudrui au, ko ira, kei ira na nodra tui, kei na nodra turaga, kei na nodra bete, kei na nodra parofita, kei ira na Juta, kei ira na lewe i Jerusalemi.

Jeremaia 7:19

Era sa vakacudrui au li? sa kaya ko Jiova, Era sa sega li ni vakacudrui ira vakataki ira ga me ra madua kina?

Lele i Jeremaia 1:18

Sa yalododonu ko Jiova ni ka'u sa talaidredre ki na nonai vakaro: Dou rogoca mada, koi kemudou na tamata kecega, ka mai raica na noqu rarawa: Ko ira na noqu goneyalewa kei na noqu cauravou, era sa kau tani vakabobula.

Lele i Jeremaia 3:42

Koi keimami, keimami a talaidredre ka sa yalovakatani: koi kemuni ko ni a sega ni ia na veivakadonui.

Lele i Jeremaia 5:16

Sa lutu tani nai sala vakaturaga mai na ulu i keimami: Ulei koi keimami oqo, ni keimami sai valavala ca!

Isikeli 16:63

mo nanuma kina, ka mo taqaya, ka sega ni rawa tale ni dalaga e na vuku ni nomu madua, ni'u sa bokoca kecega na ka ca ko sa cakava oti, sa kaya na Turaga ko Jiova.

Isikeli 5:6

Ia sa vorata vakalevu ko koya na noqu lewa ka ni uasivi cake e na ca ka sa uasivi sobu na veimatanitu, sa vorata vakalevu talega na noqu i lesilesi ko koya, ka vakalailai na veivanua sa vakavolivoliti koya: ni ra sa biuta na noqu lewa, ka ra sa sega ni muria na noqu i lesilesi.

Taniela 9:9

Sa nei koya na Turaga na neimami Kalou na yalololoma kei na dauvakabokoci ni valavala ca ia sa dina keimami sa talaidredre ga vua;