Taniela 9:4 - Vakavakadewa Makawa

⁴ ia ka'u a masu vei Jiova na noqu Kalou, ka vakatusa vua, ka kaya, Kemuni na Turaga, na Kalou levu ka rerevaki, ka vakabauta tiko na veiyalayalati kei na loloma vei ira sa lomani koya, kei ira sa vakabauta na nona vunau;

Ai Vola Tabu (Vakadewa Makawa Vakavoutaki 2021)

⁴ Ia ka'u a masu vei Jiova na noqu Kalou, ka vakatusa vua, ka kaya, “Kemuni na Turaga, na Kalou levu ka rerevaki, o koya sa dau maroroya na veiyalayalati kei na loloma vei ira sa lomani koya ka vakabauta na nona vunau,

AI VOLA TABU

⁴ ia kaʼu a masu vei Jiova na noqu Kalou, ka ia na noqu vakatusa, ka kaya, Turaga, na Kalou levu ka rerevaki, sa vakabauta tiko na veiyalayalati kei na loloma vei ira sa lomani koya, kei ira sa vakabauta na nona vunau;

Vakavakadewa Vou kei na iVola tale eso

⁴ Au sa masu vua na Turaga na noqu Kalou, ka'u vakatusa vua na neimami i valavala ca, vakaoqo: “Turaga na Kalou, o ni sa kaukauwa ka qaqa ka keimami sa vakarokoroko vei kemuni. Oi kemuni o ni sa tudei tu ga ena nomuni vosa ni yalayala ka vakaraitaka na loloma e sega ni yalani vei ira era lomani kemuni ka cakava na lomamuni.

Ai Vola Tabu Ena Vakavakadewa Vou

⁴ Au sa masu vua na Turaga na noqu Kalou, ka'u vakatusa vua na neimami i valavala ca, vakaoqo: “Turaga na Kalou, o ni sa kaukauwa ka qaqa ka keimami sa vakarokoroko vei kemuni. Oi kemuni o ni sa tudei tu ga ena nomuni vosa ni yalayala ka vakaraitaka na loloma e sega ni yalani vei ira era lomani kemuni ka cakava na lomamuni.

Taniela 9:4 Iomraidhean Croise

1 Tui 8:23

a sa kaya ko koya, Kemuni Jiova na nodra Kalou na Isireli, sa sega na Kalou me tauvata kei kemuni, mai lomalagi e cake, se e vuravura era, ni kemuni sa vakabauta tiko na veiyalayalati kei na loloma kei ira na nomuni tamata era lako voli e matamuni mai na vu ni yalodra taucoko:

2 Veigauna 7:14

kevaka era sa vakamalumalumutaki ira ko ira na noqu tamata era sa vakayacani e na yacaqu, ka masu, ka gole vei au, ka lesu mai na nodra i valavala ca; au na qai rogoca mai lomalagi, ka bokoca na nodra i valavala ca, ia ka'u na vakabula na nodra vanua.

Esera 10:1

Ia ni sa masu oti ko Esera, ka vakatusa ka tagi, ka cuva vakatoboicu e na mata ni vale ni Kalou, era sa qai soqoni vata vua nai soqosoqo levu maivei ira na Isireli, na tagane, kei na yalewa, kei na gone: ni ra sa tagi vakalevu ko ira na tamata.

Niemaia 1:5

Au sa masuti kemuni, Jiova na Kalou kei lomalagi, na Kalou levu ka rerevaki, sa vakabauta tiko na nomuni vosa ni yalayala kei na yalololoma vei ira era sa lomani kemuni ka vakabauta na nomuni vunau:

Niemaia 9:32

Ia oqo, koi kemuni na neimami Kalou, na Kalou levu, ka kaukauwa, ka rerevaki, ka vakabauta tiko na vosa ni yalayala kei na loloma, me kakua ni ka lailai e matamuni na rarawa kecega sa yacovi keimami, kei ira na neimami tui, kei ira na neimami turaga, kei ira na neimami bete, kei ira na neimami parofita, kei ira na neimami qase, kei ira kecega na nomuni tamata, mai na nodra gauna na tui Asiria ka yacova na siga oqo,

NA SAME 32:5

Au a vakatusa vei kemuni na noqu caka cala, ia ka'u sa sega ni vunia na noqu i valavala ca; Au a kaya, Ka'u na vakatusa vei Jiova na noqu i valavala ca; Ia ko ni sa qai kauta tani na kena ca ni noqu i valavala ca. Sela.

Lako Yani 20:6

ia ka'u sa vakatakila na loloma vei ira nai tabatamata e udolu, vei ira era sa lomani au, ka muria na noqu vunau.

Jeremaia 3:13

Me vakatusa ga na nomu caka cala, ko sa talaidredre kina vei Jiova na nomu Kalou, ka sa veibiuyaka na nomu i valavala kei ira na kai tani e na ruku ni kau bulabula kecega, ia dou a sega ni vakarorogo ki na domoqu, sa kaya ko Jiova.

Jeremaia 32:23

ka ra sa mai curu kina, ka taukena; ia era sa sega ni vakarorogo ki na nomuni vosa, era sa sega talega ni muria na nomuni vunau; era sa sega ni cakava e dua na ka ko ni sa vakarota vei ira me ra cakava: ia ko ni sa vakayacora kina vei ira na ca kecega oqo:

Taniela 6:10

Ia ni sa kila ko Taniela sa volai oti nai vola, sa curu ki na nona vale; ka ni sa dola tu na katuba ni nona loqi me donui Jerusalemi, sa tekiduru e duruna vakatolu e na veisiga, me masu, ka vakavinavinaka vua na nona Kalou, me vaka sa daucakava eliu ko koya.

Taniela 9:3

Ia ka'u a vaqara na mataqu vua na Turaga na Kalou, me'u vakasaqarai koya e na masumasu, kei na kere loloma, e na lolo, kei nai sulu taga, kei na dravusa:

Luke 1:72

Me vakayacora na yalololoma vei ira na noda qase, Me nanuma talega na nona veiyalayalati tabu;

Roma 8:28

Ni da sa kila sa veivuke na ka kecega me ra vinaka kina era sa lomana na Kalou, ko ira era sa kacivi me vaka na ka sa nakiti oti.

Vakarua 5:10

ia ka'u sa vakatakila na loloma vei ira nai tabatamata e udolu, vei ira sa lomani au, ka muria na noqu vunau.

Vakarua 7:12

Ia ena yaco, kevaka ko ni sa vakarorogo ki na lewa oqo, ka vakabauta, ka cakava, ena qai vakabauta vei kemuni ko Jiova na nomuni Kalou na veiyalayalati, kei na loloma, sa bubului kina vei ira na nomuni qase:

Vakarua 7:21

Mo ni kakua ni domobula e na vukudra: ni sa tiko vata kei kemuni ko Jiova na nomuni Kalou, na Kalou levu ka rerevaki.

Vakarua 7:9

Mo ni kila mada ni sa Kalou ko Jiova na nomuni Kalou, na Kalou dina, sa vakabauta tiko na veiyalayalati, kei na loloma, vei ira era sa lomani koya ka kitaka na nona vunau, ka yacova nai tabatamata e udolu;

Jemesa 1:12

Sa kalougata na tamata sa vosota ni sa vakatovolei, io, ni sa vakatovolei oti, ena rawata nai sala ni bula o koya sa yalataka na Turaga kivei ira sa lomani koya.

Jemesa 2:5

Dou rogoca, oi kemudou na wekaqu lomani, Sa sega beka ni digitaki ira na Kalou era sa dravudravua e na ka vakavuravura me ra vutuniyau e na vakabauta me ra taukena talega na matanitu sa yalataka ko koya vei ira era sa lomani koya?