Taniela 9:3 - Vakavakadewa Makawa

³ Ia ka'u a vaqara na mataqu vua na Turaga na Kalou, me'u vakasaqarai koya e na masumasu, kei na kere loloma, e na lolo, kei nai sulu taga, kei na dravusa:

Ai Vola Tabu (Vakadewa Makawa Vakavoutaki 2021)

³ Ia ka'u a vaqara na mataqu vua na Turaga na Kalou, me'u vakasaqarai koya e na masumasu, kei na kere loloma, e na lolo, kei nai sulu taga, kei na dravusa.

AI VOLA TABU

³ Ia kaʼu a vaqara na mataqu vua na Turaga na Kalou, meʼu vakasaqarai koya e na masumasu, kei na kere loloma, e na lolo, kei nai sulu taqarotu, kei na dravusa:

Vakavakadewa Vou kei na iVola tale eso

³ Au sa masu ka kerekere vua na Turaga na Kalou. Au sa cikecike vagumatua sara vua, au a lolo tiko, au vakaisulu taga ka dabe tu ena dravusa.

Ai Vola Tabu Ena Vakavakadewa Vou

³ Au sa masu ka kerekere vua na Turaga na Kalou. Au sa cikecike vagumatua sara vua, au a lolo tiko, au vakaisulu taga ka dabe tu ena dravusa.

Taniela 9:3 Iomraidhean Croise

2 Samuela 12:16

A sa vakamasuta na Kalou ko Tevita e na vuku ni gone; a sa lolo ko Tevita, ka curu, ka koto e na qele ka siga mai.

Esera 10:6

Sa qai tu cake ko Esera mai na mata ni vale ni Kalou, ka curu ki na tiki ni vale sa nei Joenani na luve i Ilaiasipi ka tagane: ia ni sa yaco kina, sa sega ni kana madrai, se gunu wai: ni sa tagicaka na nodra talaidredre era a vakabobulataki.

Esera 8:21

Au a qai kacivaka maikea na lolo, mai na uciwai ko Aeva, me keimami vakararawataki keimami e na mata i koya na neimami Kalou, ka me kerea vua me neimami na sala dodonu me nodra talega na neimami lalai, kei na neimami ka kecega:

Esera 9:5

Ia ni sa vakacabori nai soro e na yakavi, au sa tu cake e na noqu rarawa; ka sa dresulaki tu na noqu i sulu kei na noqu i tutuvi, ka'u sa qai vakatekiduru, ka dodoka yani na ligaqu vei Jiova na noqu Kalou;

Niemaia 9:1

Ia e nai karuasagavulu ka va ni siga ni vula oqo, era sa soqoni vata ko ira na Isireli, a ra sa lolo, ka vakaisulu taga, ka sa kaburaki vei ira na qele.

Esiteri 4:16

Mo lako, mo vakasoqoni ira vata kece na Jiu era tiko e Susani, ka mo dou lolovaki au, ia mo dou kakua ni kana se gunu e na bogi se na siga, ka bogi tolu: koi au talega kei iratou na noqu goneyalewa keitou na lolo talega; ia ka'u na qai lako ga vua na tui, ia sa sega ni vaka na lawa: ia kevaka ka'u sa mate, au sa mate ga.

Jope 42:6

O koya oqo ka'u sa beci au sara kina, ka veivutuni E na kuvu-ni-soso kei na dravusa.

NA SAME 35:13

Ia koi au, ni ra sa tauvi mate, ka'u sa vakaisulu e nai sulu taga: Ka'u sa vakamalumalumutaki au e na lolo; Ka sa suka tale ki na lomaserequ na noqu masu.

Aisea 22:12

Ia e na siga ko ya sa kacivi kemudou na Turaga ko Jiova ni lewe vuqa mo dou mai tagi ka tagi yaso, ka tasi ulu, ka vakaisulu e nai sulu taga:

Jeremaia 33:3

Mo tagi mai vei au, ka'u na rogo yani vei iko, ka vakatakila vei iko na ka levu ka dredre ni kilai, ko sa sega ni kila.

Isikeli 36:37

Sa kaya vakaoqo na Turaga ko Jiova; Ia me ra masuti au ko ira na mataqali i Isireli, me'u cakava vei ira na ka oqo; au na vakalewevuqataki ira na tamata me ra dua nai soqosoqo levu;

Taniela 6:10

Ia ni sa kila ko Taniela sa volai oti nai vola, sa curu ki na nona vale; ka ni sa dola tu na katuba ni nona loqi me donui Jerusalemi, sa tekiduru e duruna vakatolu e na veisiga, me masu, ka vakavinavinaka vua na nona Kalou, me vaka sa daucakava eliu ko koya.

Taniela 9:2

e nai matai ni yabaki ni nona lewa, koi au ko Taniela, ka'u a kila mai nai vola nai wiliwili ni yabaki, sa yaco kina na vosa vei Jeremaia na parofita, ni na vitusagavulu mada na yabaki na kena lala tu ko Jerusalemi.

Taniela 9:20

Ia ni'u a vosa tiko, a masu, ka vakatusa na noqu i valavala ca, kei na nodra i valavala ca na kai noqu na Isireli, ka ni'u sa tauca na noqu kere loloma e na mata i Jiova na noqu Kalou e na vuku ni ulu-ni-vanua tabu ni noqu Kalou:

Taniela 9:4

ia ka'u a masu vei Jiova na noqu Kalou, ka vakatusa vua, ka kaya, Kemuni na Turaga, na Kalou levu ka rerevaki, ka vakabauta tiko na veiyalayalati kei na loloma vei ira sa lomani koya, kei ira sa vakabauta na nona vunau;

Joeli 1:13

Dou sulumaki kemudou mada e nai sulu taga, na bete, ka tagi; dou qoqolou, koi kemudou sa qarava nai cabocabo-ni-soro: dou mai curu, ka vakabogi e nai sulu taga, oi kemudou nai talatala ni noqu Kalou: ni sa bureitaki ki na vale ni nomudou Kalou nai madrali laukana kei nai madrali gunuvi.

Joeli 2:12

Ia oqo ga, sa kaya ko Jiova, mo dou lesu mai vei au e na vu ni yalomudou, ka dou lolo talega, ka me vakawai na matamudou ka ia na tagi yaso:

Jona 3:5

Era sa qai vakabauta na Kalou ko ira na kai Ninive, ka kacivaka me ra lolo, a ra sa vakaisulu e nai sulu taga ko ira na turaga kei ira talega na lewe ni vanua.

Maciu 17:21

ia ko ira sa vakaoqo era sa sega ni vakasevi tani wale, e na daumasu ga kei na daulolo.

Luke 2:37

sa qai yada, ka walusagavulu ka va na kena yabaki,) a sa sega ni lako tani e vale ni soro, a sa daulotu ka lolo ka masu e na siga kei na bogi.

Cakacaka 10:30

A sa kaya ko Konilio, Sa qai oti ga e va na bogi ka’u a lolo ka yacova na aua oqo; e nai kaciwa ni aua ka’u a masu e na noqu vale, ka raica, sa dua na tamata sa tu e mataqu sa vakaisulu lumilumisa,