Taniela 9:25 - Vakavakadewa Makawa

²⁵ Ia mo kila ka vakasama, mai na gauna sa tukuni yani kina me vakavoui ka tara tale ko Jerusalemi ka yacova na Mesaia na Turaga, ena vitu na wiki: kei na wiki e onosagavulu ka rua, ena qai vakavoui ka caka tale na salatu, kei nai keli ni koro, io, e na gauna ni ca.

Ai Vola Tabu (Vakadewa Makawa Vakavoutaki 2021)

²⁵ Ia mo kila ka vakasama, mai na gauna sa tukuni yani kina me vakavoui ka tara tale ko Jerusalemi ka yacova na Mesaia na Turaga, ena vitu na macawa; kei na macawa e onosagavulu ka rua, ena qai vakavoui ka caka tale na salatu, kei nai keli ni koro, io, e na gauna ni ca.

AI VOLA TABU

²⁵ Ia mo kila ka vakasama, ni na tekivu vata na kenai tukuni yani na vosa me vakavouya ka tarai Jerusalemi tale ka yacova na Mesaia na Turaga, kei na wiki e vitu, kei na wiki e onosagavulu ka rua: ena qai vakavoui ka caka tale na sala, kei nai keli ni koro, io, e na gauna ni ca.

Vakavakadewa Vou kei na iVola tale eso

²⁵ Mo vakasamataka talega na ka oqo ka kila tiko: mai na gauna sa tau kina na lewa me tara vou tale o Jerusalemi, ena caka vou vata kei na kena veigaunisala, me yacova na gauna ni nona lumuti na luve ni Tui ena macawa kei na 62 na macawa (434 na yabaki), ia ena gauna oqori ena levu sara kina na tiko vakaca.

Ai Vola Tabu Ena Vakavakadewa Vou

²⁵ Mo vakasamataka talega na ka oqo ka kila tiko: mai na gauna sa tau kina na lewa me tara vou tale o Jerusalemi, ena caka vou vata kei na kena veigaunisala, me yacova na gauna ni nona lumuti na luve ni Tui ena macawa kei na 62 na macawa (434 na yabaki), ia ena gauna oqori ena levu sara kina na tiko vakaca.

Taniela 9:25 Iomraidhean Croise

2 Samuela 15:25

A sa kaya vei Setoki na tui, Mo kauta tale yani ki na koro na kato ni Kalou: ke sa lomani au ko Jiova, ena vakalesui au tale ko koya me'u raica na ka oqo kei na nona vale talega:

Esera 4:24

Sa qai mudu na cakacaka ni vale ni Kalou mai Jerusalemi: ka sa mudu ka yacova nai karua ni yabaki ni lewa i Taraiase na tui Perisia.

Esera 7:1

Sa oti na veika oqo, e na gauna sa lewa kina ko Atakisekise na tui Perisia, ko Esera na luve i Siraia ka tagane, na luve i Asaraia ka tagane, na luve i Ilikaia ka tagane,

Esera 7:8

A sa yaco ki Jerusalemi e nai kalima ni vula, e nai kavitu ni yabaki ni tui.

Niemaia 3:1

Sa qai ia ko Ilaiasipi na bete levu kei ira na wekana na bete, a ra sa cakava na matamata-ni-koro ni sipi; era sa vakatabuya, ka vakaduria na kenai sogo; io era sa vakatabuya, ka yacova na vale-cecere i Mea, ka yacova na vale-cecere i Ananeli.

Niemaia 4:2

A sa vosa ko koya e matadra na wekana kei nai valu ni Samaria, ka kaya, A cava era sa mai kitaka ko ira na Jiu malumalumu oqo? era na vakaukauwataki ira li vakataki ira? era na vakacaboi soro li? era na vakaotia beka e na dua bau na siga? era na vakavinakataka tale li na veivatu mai nai soqosoqo sa kama oti?

Niemaia 4:8

ka ra buki vere vata ko ira kece me ra vala kei Jerusalemi, me ra tarova.

Niemaia 6:15

A sa viri oti na bai e na bogi e limasagavulu ka rua, e nai karuasagavulu ka lima ni siga ni vula ko Iluli.

NA SAME 71:10

Ni ra sa vosavakacacataki au ko ira na noqu meca; A ra sa bose vata ko ira era sa lawakitaka na yaloqu.

Dauvunau 3:3

Na siga me ia kina na veivakamatei, kei na siga me ia kina na veivakabulai; na siga me ia kina na basu vale, kei na siga me ia kina na tara vale;

Aisea 55:4

Raica, ka'u sa soli koya me nodra dautukutuku na veimataqali, me nodra turaga ka vu-ni-vunau na veimataqali.

Aisea 9:6

Ni sa sucu mai e dua na gone me noda, sa soli mai vei keda e dua na gonetagane: ena vakatau kivei koya na lewa; ena vakatokai na yacana ko Veivakurabuitaki, nai Vakavuvuli, na Kalou kaukauwa, na Tama ni gauna tawa mudu, na Tui ni Sautu.

Taniela 8:11

Io sa viavialevu talega ko koya vua na turaga ni vavakoso, ka sa kauta tani nai soro ni veisiga, ka sa biu wale na tikina ni nona vale tabu.

Taniela 8:25

Ia ni sa qaseqase talega ko koya ena vakayacora tiko na vere ni ligana; ena daudokai koya talega e lomana, ia ni ra sa sautu tiko ena vakarusai ira kina na lewe vuqa: ena bolei koya talega na nodra Turaga na turaga; ia ni sa sega na liga e tarai koya ena musuki ga ko koya.

Taniela 9:23

Ni sa tekivu na nomu kere loloma sa yaco mai na vosa, ia ka'u sa lako mai me'u tukuna vei iko; ni ko sa tamata daulomani: o koya oqo mo kila kina na vosa, ka vakasamataka na raivotu.

Maika 5:1

Dou soqoni vakamataivalu mada, ko iko na goneyalewa vakamataivalu! sa buku na druadrua ni noda koro! era sa yavita kina na baluna na turaga ni lewa ni Isireli e nai titoko.

Maika 5:2

Ia ko iko, Pecileema Efiraca, ko sa lailai dina vei ira na lewe udolu e Juta, ia maivei iko ena lako mai vei au ko koya ena lewai ira na Isireli; na nona lako mai sa ka mailiu sara, mai na gauna makawa dina.

Maciu 13:23

Ia ko koya sa kaburaki e na vanua vinaka, sai koya oqo sa rogoca na vosa, a sa kila na kenai balebale; a sa vua, ka vuai drau eso, sa onosagavulu eso, sa tolusagavulu eso.

Maciu 24:15

Ia ni dou sa raica sa tu e na vale tabu na ka vakasisila sa dauveivakarusai, o koya sa vosa kina ko Taniela na parofita, (me kila mada ko koya sa wilika:)

Marika 13:14

Ia ni dou sa raica e na yasana sa tabu ni tu kina na ka vakasisila sa dauveivakarusai, o koya sa vosa kina ko Taniela na parofita, (me kila ko koya sa wilika,) me qai dro ki na veiulu-ni-vanua ko ira era sa tiko e Jutia;

Joni 1:41

Sa kunea eliu na tuakana ko Saimoni, ka kaya vua, Keitou sa kunea na Mesaia; (a kenai balebale, na Karisito.)

Joni 4:25

Sa kaya vei koya na yalewa, Au sa kila ni na lako mai na Mesaia; (ko koya sa vakatokai na Karisito): ni sa tadu mai ko koya, ena tukuna vei keda na ka kecega.

Cakacaka 3:15

ka dou a vakamatea na Vu-ni-bula, ko koya sa vakatura cake tale mai na mate na Kalou; ia keitou sai vakadinadina e na ka oqo.

Cakacaka 5:31

Ko koya sa vakaceceretaka na Kalou e na ligana i matau me Turaga kai Vakabula, me solia kina na veivutuni kivei ira na Isireli, kei na vakabokoci ni valavala ca.

Cakacaka 8:30

Sa qai cici yani ko Filipi, a sa rogoci koya ni sa wilika nai vola i Aisea na parofita; a sa kaya, O sa kila na ka ko sa wilika, se segai?

Efeso 5:16

mo dou volia me nomudou na gauna, ni sa ca na veisiga oqo.

Vakatakila 1:5

maivei Jisu Karisito talega, na dautukutuku yalodina, na ulumatua vei ira era sa tu cake tale mai na mate, kei na nodra Turaga levu na tui e vuravura. Vei koya sa lomani keda, ka savai keda mai na nodai valavala ca e na nona dra dina,

Vakatakila 19:16

Ia na yacana sa volai e na nonai sulu kei na sagana talega, A NODRA TUI NA TUI, KEI NA NODRA TURAGA NA TURAGA.