Taniela 9:18 - Vakavakadewa Makawa

¹⁸ Kemuni na noqu Kalou, mo ni vakalakala daligamuni, mo ni rogoca; me yadra na matamuni, mo ni raica na neimami vanua sa lala, kei na koro sa vakatokai e na yacamuni: ni keimami sa sega ni tauca na neimami masumasu e matamuni e na vuku ni neimami cakacaka dodonu, e na vuku ga ni nomuni yalololoma levu.

Ai Vola Tabu (Vakadewa Makawa Vakavoutaki 2021)

¹⁸ Kemuni na noqu Kalou, mo ni vakalakala daligamuni, mo ni rogoca; me yadra na matamuni, mo ni raica na neimami vanua sa lala, kei na koro sa vakatokai e na yacamuni. Ni keimami sa sega ni tauca na neimami masumasu e matamuni e na vuku ni neimami cakacaka dodonu, e na vuku ga ni nomuni yalololoma levu.

AI VOLA TABU

¹⁸ Noqu Kalou, mo vakalakala daligamu, mo rogoca; me yadra na matamu, mo raica na neimami vanua sa lala, kei na koro sa vakatokai e na yacamu: ni sa sega e na vuku ni neimami cakacaka dodonu keimami sa tauca kina na neimami masumasu e matamu, e na vuku ga ni nomu yalololoma levu.

Vakavakadewa Vou kei na iVola tale eso

¹⁸ Ni vakatudaliga vei keimami na Kalou; ni raici keimami kei na leqa keimami sa tu kina, ka bau raica na leqa ni koro levu sa vakayacani vei kemuni. Keimami sa masu tiko vei kemuni ena vuku ni o ni sa yalo loloma, ka sega ena vuku ni neimami caka dodonu.

Ai Vola Tabu Ena Vakavakadewa Vou

¹⁸ Ni vakatudaliga vei keimami na Kalou; ni raici keimami kei na leqa keimami sa tu kina, ka bau raica na leqa ni koro levu sa vakayacani vei kemuni. Keimami sa masu tiko vei kemuni ena vuku ni o ni sa yalololoma, ka sega ena vuku ni neimami caka dodonu.

Taniela 9:18 Iomraidhean Croise

1 Tui 8:29

me rai tiko na matamuni ki na vale oqo e na bogi kei na siga, ki na tikina ko ni a kaya kina, Ena tiko maikea na yacaqu; mo ni rogoca kina na masumasu sa cabora na nomuni tamata e na tikina oqo.

2 Tui 19:16

I Jiova, mo ni vakalakalataka na daligamuni, ka vakarorogo: I Jiova, mo ni vakayadrata na matamuni, ka raica; ka rogoca na vosa i Senakaripi, o koya sa talai koya me vosavakacacataka na Kalou bula.

NA SAME 116:1

Au sa lomani Jiova, ni sa rogoca ko koya Na domo ni noqu masu.

NA SAME 25:6

Ni nanuma, Jiova, na nomuni yalololoma kei na nomuni yalovinaka, Ni sa ka mailiu sara na ka oqori.

Lako Yani 3:7

A sa kaya ko Jiova, Au sa raica dina na nodra rarawa na noqu tamata, era sa tiko mai Ijipita, ka'u sa rogoca talega na nodra tagi e na vukudra era sa lesia vakabibi na nodra cakacaka; ni'u sa kila na nodra rarawa:

Aisea 37:17

Kemuni Jiova, mo ni vakalakala daligamuni, ka vakarorogo: Kemuni Jiova, mo ni rai mada mai, ka raica; ka rogoca na vosa i Senakaripi, ko koya sa talatala mai me vosavakacacataka na Kalou bula.

Aisea 43:7

ko ira yadua era sa vakayacani e na yacaqu; ia ka'u a cakavi koya me'u vakarokorokotaki kina; ka'u a buli koya; io, ka'u a cakavi koya.

Aisea 64:12

Ko ni na vosota tiko, Jiova, ni sa yaco na ka kece oqo? ko ni na galu tiko beka, ka vakararawataki keimami vakalevu sara?

Aisea 64:6

Ia keimami sa vaka na ka sa sega ni savasava koi keimami kecega; ka sa vaka nai sulu qeleqelewa na neimami valavala dodonu kecega; Keimami sa daumalai me vaka na drau ni kau kecega; ia na neimami caka cala sa vaka na cagi sa kauti keimami tani:

Jeremaia 14:7

Kemuni Jiova, ko ni sa beitaki keimami dina e na neimami caka cala, ia mo ni cakacaka e na vuku ni yacamuni ga: ni sa ka levu na neimami dauvuki; keimami sai valavala ca vei kemuni.

Jeremaia 14:9

E na cava ko ni sa vaka na tamata sa taqaya, ka vaka na qaqa sa sega ni ia rawa na veivakabulai? ia koi kemuni, Jiova, ko ni sa tiko kei keimami, na yacamuni talega keimami sa vakayacani kina; mo ni kakua ga ni biuti keimami.

Jeremaia 15:16

Sa kune na nomuni vosa, ia ka'u a kania; ka sa yaco na nomuni vosa me ka ni reki kei na ka ni marau ki na lomaqu: ni ka'u sa vakatokai e na yacamuni, Jiova na Kalou ni lewe vuqa:

Jeremaia 25:29

Ia raica, na koro oqo sa vakatokai e na yacaqu, ka'u sa qai vakatekivu me'u vakayacora kina na ca, ia koi kemudou, dou na sega li ni cudruvi? Dou na cudruvi ga: ni'u na kaciva nai seleiwau me tauci ira kecega na kai vuravura, sa kaya ko Jiova ni lewe vuqa.

Jeremaia 36:7

Era na via vakamamasu beka e na mata i Jiova, ka dui lesu yadua mai na nona sala ca: ni sa levu na cudru kei na lesa sa cavuta ko Jiova me yaco vei ira na tamata oqo.

Jeremaia 37:20

Ia oqo mo ni rogoca mada, noqu turaga na tui: me vakabau mada na noqu vakamamasu; ka mo ni kakua ni vakasukai au tale ki na vale i Jonacani na vunivola, de'u mate kina.

Isikeli 36:22

O koya oqo mo kaya kina ki na mataqali i Isireli, Sa kaya vakaoqo na Turaga ko Jiova; Sa segai e na vukumudou, na mataqali i Isireli, ka'u sa cakava kina na ka oqo, au cakava ga e na vuku ni yacaqu tabu, o koya dou sa vakacacana e na veimatanitu tani, dou sa dui yaco kina.

Isikeli 36:32

Dou kila mada, ni ka'u sa sega ni cakava na ka oqo e na vukumudou, sa kaya na Turaga ko Jiova: dou madua ka taqaya e na vuku ni nomudou i valavala, koi kemudou na mataqali i Isireli.

Taniela 9:7

Sa nomuni, Turaga, na cakacaka dodonu, a sa neimami na mata madua, me vaka e na siga oqo; io koi keimami na kai Juta kei na lewe i Jerusalemi, kei na Isireli kecega, ko ira sa voleka, kei ira sa yawa; e na veivanua kece ko ni sa dui vakasevi ira yani kina, e na vuku ni nodra talaidredre era sa talaidredre kina vei kemuni.

Tiko mai na Lekutu 6:27

Ia era na cavuta na yacaqu vei ira na Isireli: ia ka'u na vakalougatataki ira.

1 Korinica 1:2

vei ira nai soqosoqo lewe ni lotu ni Kalou era sa tiko mai Korinica, vei ira sa tu vata kei Karisito Jisu ka sa vakasavasavataki, era sa kacivi me ra yalosavasava, kei ira kecega e na veiyasana kecega era sa masuta na yaca i Jisu Karisito na noda Turaga, io, na noda kei na nodra talega: