Taniela 9:14 - Vakavakadewa Makawa

¹⁴ O koya oqo sa vakananuma kina na ca ko Jiova, me vakayacora vei keimami: ni sa yalododonu ko Jiova na neimami Kalou e na nona cakacaka kecega sa cakava: ni keimami sa sega ni vakarorogo ki na nona vosa.

Ai Vola Tabu (Vakadewa Makawa Vakavoutaki 2021)

¹⁴ O koya oqo sa vakananuma kina na ca ko Jiova, me vakayacora vei keimami. Ni sa yalododonu ko Jiova na neimami Kalou e na nona cakacaka kecega sa cakava, ni keimami sa sega ni vakarorogo ki na nona vosa.

AI VOLA TABU

¹⁴ O koya o qo sa vakananuma kina ko Jiova na ca, me vakayacora vei keimami: ni sa yalododonu ko Jiova na neimami Kalou e na nona cakacaka kecega sa cakava: ni keimami sa tawa vakarorogo ki na domona.

Vakavakadewa Vou kei na iVola tale eso

¹⁴ Oi kemuni, Turaga na neimami Kalou, o ni sa vakarau tu mo ni vakanakuitataki keimami, ka o ni sa vakayacora sara talega, baleta na veika kecega o ni vakayacora sa dodonu; oi keimami ga keimami sega ni vakarorogo vei kemuni.

Ai Vola Tabu Ena Vakavakadewa Vou

¹⁴ Oi kemuni, Turaga na neimami Kalou, o ni sa vakarau tu mo ni vakanakuitataki keimami, ka o ni sa vakayacora sara talega, baleta na veika kecega o ni vakayacora sa dodonu; oi keimami ga keimami sega ni vakarorogo vei kemuni.

Taniela 9:14 Iomraidhean Croise

2 Veigauna 12:6

A ra sa qai vakamalumalumutaki ira, ko ira na turaga ni Isireli kei na tui; a ra sa kaya, Sa yalododonu ko Jiova.

Esera 9:15

Ia Jiova na nodra Kalou na Isireli, ko ni sa yalododonu; ni keimami sa vo ka bula, me vaka e na siga oqo: raica, keimami sa tiko e matamuni e na neimami talaidredre: ni keimami sa sega ni tu rawa e matamuni e na vuku ni ka oqo.

Niemaia 9:33

Ia koi kemuni, sa dodonu e na ka kecega sa yacovi keimami; ko ni sa caka dodonu, ia keimami sa caka ca ga:

NA SAME 111:7

Sa dina ka dodonu na cakacaka ni ligana; Sa vakadinadinataki na nonai vakaro kecega.

NA SAME 116:5

Sa daulomasoli ko Jiova, ka yalododonu; Io, sa yalololoma na noda Kalou.

NA SAME 119:137

O ni sa yalododonu, Jiova, Ka sa dodonu na nomuni lewa.

NA SAME 51:14

Mo ni vakabulai au, na Kalou, na Kalou ni noqu veivakabulai, mai nai sau ni dra: Ena qai seretaka vakadomoilevu na nomuni yalododonu na yamequ.

Lako Yani 9:27

A sa talatala ko Fero, ka kacivi Mosese kei Eroni, ka kaya vei rau, Au sai valavala ca oqo: sa dodonu ko Jiova, ia koi au kei ira na noqu tamata, keimami sai valavala ca:

Jeremaia 12:1

Sa yalododonu koi kemuni, Jiova, ni daru sa veilewai kei kemuni: ia me'u vosa mada vei kemuni e na vuku ni nomuni lewa: A cava era sa dauyaco kina ko ira na tamata ca, ka sa tiko vinaka ko ira kecega era ia vakalevu na veivakaisini?

Jeremaia 31:28

Ia ena yaco, me vaka ni'u a dauvakaraici ira, me'u cavuta, ka basuka sobu, ka talaraka, ka vakarusa, ka vakararawataka; ka'u na dauvakaraici ira vakakina me'u tara, ka me'u tea, sa kaya ko Jiova.

Jeremaia 4:17

Me vakataki ira nai vakatawa ni were, era na viribaiti koya vakakina; ni sa vuki tani vei au ko koya sa kaya ko Jiova.

Jeremaia 44:27

Raica, au na vakaraici ira me ra ca kina, me ra kakua ni vinaka: a ra na vakaoti kece na Juta era tiko e na vanua ko Ijipita e nai seleiwau, kei na viakana, ka me ra oti dina ga.

Lele i Jeremaia 1:5

Ko ira sa vakacacani koya era sa liu; ko ira na nona meca era sa tiko vinaka; Ni sa vakararawataki koya ko Jiova e na vuku ni nona cala sa vuqa: Ko ira na nona gone lalai, era sa kauta tani vakabobula ko ira na meca.

Isikeli 16:43

Ni ko sa sega ni vakananuma na gauna ko a gone kina, ka sa vakararawataki au tikoga e na ka kece oqo; raica, koi au ka'u na sauma talega kina na nomu i valavala ki na ulumu, sa kaya na Turaga ko Jiova: ia ko na sega ni cakava tiko na ca oqo mei kuri ni nomu i valavala vakasisila kecega.

Taniela 4:34

Ni sa oti na kena gauna, koi au ko Nepukanesa, ka'u a ta cake ki lomalagi, ia sa lesu tale mai vei au na lomaqu, ka'u a qai vakavinavinakataki Koya sa Cecere sara, io ko koya sa bula ka sega ni mudu ka'u a vakacaucautaka ka vakarokorokotaka, ia sa sega ni mudu na nona lewa, kei na nona matanitu mai nai tabatamata ka yaco ki nai tabatamata:

Taniela 9:7

Sa nomuni, Turaga, na cakacaka dodonu, a sa neimami na mata madua, me vaka e na siga oqo; io koi keimami na kai Juta kei na lewe i Jerusalemi, kei na Isireli kecega, ko ira sa voleka, kei ira sa yawa; e na veivanua kece ko ni sa dui vakasevi ira yani kina, e na vuku ni nodra talaidredre era sa talaidredre kina vei kemuni.