Taniela 9:13 - Vakavakadewa Makawa

¹³ Me vaka na ka sa volai e na vunau i Mosese, sa yacovi keimami na ca kece oqo: ia keimami a sega ga ni ia na neimami masumasu e na mata i Jiova na neimami Kalou, ka me keimami lesu tani mai na neimami caka cala, ka kila sara na nomuni vunau dina.

Ai Vola Tabu (Vakadewa Makawa Vakavoutaki 2021)

¹³ Me vaka na ka sa volai e na vunau i Mosese, sa yacovi keimami na ca kece oqo. Ia keimami a sega ga ni ia na neimami masumasu e na mata i Jiova na neimami Kalou, ka me keimami lesu tani mai na neimami caka cala, ka kila sara na nomuni vunau dina.

AI VOLA TABU

¹³ Me vaka na ka sa volai e na vunau i Mosese, sa vakakina na ca kece sa yacovi keimami: ia keimami a sega ga ni cakava na neimami masumasu e na mata i Jiova na neimami Kalou, me keimami lesu tani mai na neimami caka cala, ka kila na nomu vunau dina.

Vakavakadewa Vou kei na iVola tale eso

¹³ A tau oti vei keimami na i totogi kecega a vakamacalataki tu ena Lawa i Mosese. Ena gauna sara ga oqo, Turaga na neimami Kalou, keimami a sega ni bau tovolea me keimami vakayalovinakataki kemuni ena neimami gole tani mai na neimami ca, se, ena neimami muria na nomuni dina.

Ai Vola Tabu Ena Vakavakadewa Vou

¹³ A tau oti vei keimami na i totogi kecega a vakamacalataki tu ena Lawa i Mosese. Ena gauna sara ga oqo, Turaga na neimami Kalou, keimami a sega ni bau tovolea me keimami vakayalovinakataki kemuni ena neimami gole tani mai na neimami ca, se, ena neimami muria na nomuni dina.

Taniela 9:13 Iomraidhean Croise

2 Tui 22:16

Sa kaya vakaoqo ko Jiova, Raica, ka'u na vakayacora na ca ki na tikina oqo, kivei ira talega era tiko kina, io na vosa kecega ni vola sa wilika oti ko tui Juta:

Jope 36:13

Ia ko ira na yalodauveivakaisini era sa binia tiko na cudru; Era sa sega ni tagi vua ni sa vauci ira.

NA SAME 119:18

Mo ni vakamataraitaki au, me'u kunea Na ka e veivakurabuitaki e na nomuni vunau.

NA SAME 119:27

Mo ni vakavukui au me'u kila nai valavala ni nomuni vunau: Au na tukuna kina na nomuni cakacaka e veivakurabuitaki.

NA SAME 119:73

Sa cakavi au na ligamuni, ka buli au: Mo ni vakavukui au me'u vulica na nomuni vunau.

NA SAME 85:4

Mo ni lesu mai vei keimami, na Kalou keimami bula kina, Ka mo ni cegu ni cudruvi keimami tiko.

Aisea 31:1

Ena ca ko ira era sa lako sobu ki Ijipita me kerea na veivuke; ka vakararavi ki na ose kei na qiqi-ni-valu, ni ra sa ka levu; kei na tamata i valu e dauvodo ose, ni ra sa kaukauwa sara; a ra sa sega ni golevi Koya na Yalosavasava ni Isireli, a ra sa sega ni qaravi Jiova!

Aisea 42:9

Raica na ka sa tukuni makawa, sa yaco ga, ia ka'u sa qai tukuna na ka vou: ni sa bera ni tubu mai, ka'u sa tukuna oti vei kemudou.

Aisea 43:22

Ia ko a sega ni masuti au, Jekope; ko sa oca ni qaravi au, Isireli.

Aisea 64:6

Ia keimami sa vaka na ka sa sega ni savasava koi keimami kecega; ka sa vaka nai sulu qeleqelewa na neimami valavala dodonu kecega; Keimami sa daumalai me vaka na drau ni kau kecega; ia na neimami caka cala sa vaka na cagi sa kauti keimami tani:

Aisea 64:7

ka sa sega e dua sa masuta na yacamuni, se uqeti koya me tauri kemuni: ni kemuni sa tabonaka na matamuni maivei keimami, ka sa vakawaicalataki keimami e na neimami valavala ca.

Aisea 9:13

Ia ko ira na tamata era sa sega ni lesu kivei koya sa yaviti ira, a ra sa sega talega ni qaravi Jiova ni lewe vuqa:

Jeremaia 2:30

Sa sega ni yaga na noqu cudruvi ira na luvemudou; era sa sega ni vakavulici kina: a nomudou i seleiwau sa kani ira na nomudou parofita, me vaka na laioni e dauveivakamatei.

Jeremaia 30:14

Ko ira kece ka lomani iko era sa guilecavi iko; era sa sega ni mai raici iko; ni ka'u sa vuetaki iko e na kuita ni vakatawaloloma, me vaka ka'u sa nomu meca e na vuku ni kena levu ni nomu caka cala: ni sa vuqa tiko na nomu i valavala ca.

Jeremaia 31:18

Au a rogoci Ifireimi vakaidina ni sa tagicaki koya, ka kaya, Ko ni sa vakanakuitataki au, ia ka'u sa vakanakuitataki, me vaka na pulumokau sa sega ni veilasamaki kei nai vua: ni saumaki au mai, ka'u na qai saumaki; ni sai kemuni Jiova na noqu Kalou.

Jeremaia 44:23

Ia ni dou sa vakama nai madrali boi vinaka, ka dou sai valavala ca vei Jiova, ka sa sega ni vakarorogo ki na vosa i Jiova, ka sa sega ni muria na nona vunau, kei na nonai lesilesi, kei na nonai tukutuku, sa qai yacovi kemudou kina na ca oqo, me vaka e na siga edaidai.

Jeremaia 44:27

Raica, au na vakaraici ira me ra ca kina, me ra kakua ni vinaka: a ra na vakaoti kece na Juta era tiko e na vanua ko Ijipita e nai seleiwau, kei na viakana, ka me ra oti dina ga.

Jeremaia 5:3

Kemuni Jiova, sa sega beka ni qara ki na ka dina na matamuni? ko ni sa cudruvi ira, ka ra sa sega ni rarawa; ko ni sa vakarusai ira, ka ra sa bese ni vakavulici: era sa vaqaqataka na matadra ka sa malumalumu na vatu; era sa bese ni lesu mai.

Lele i Jeremaia 5:21

Mo ni vakalesui keimami vei kemuni, Jiova, keimami na qai lesu mai; Mo ni vakavinakataka tale na neimami tiko me vaka e na gauna eliu.

Isikeli 16:43

Ni ko sa sega ni vakananuma na gauna ko a gone kina, ka sa vakararawataki au tikoga e na ka kece oqo; raica, koi au ka'u na sauma talega kina na nomu i valavala ki na ulumu, sa kaya na Turaga ko Jiova: ia ko na sega ni cakava tiko na ca oqo mei kuri ni nomu i valavala vakasisila kecega.

Taniela 9:11

Ia ko ira kece na Isireli era sa talaidredre ga ki na nomuni vunau, ni ra sa gole tani, me ra kakua ni vakarorogo ki na nomuni vosa; o koya oqo sa sovaraki kina vei keimami na cudru kei na vosa ni bubului sa volai e na vunau i Mosese nai talatala ni Kalou, ni keimami sai valavala ca vua.

Osea 7:10

Ia na nodra viavialevu na Isireli sa tukuni ira e na matanavotu: a ra sa sega ni lesu vei Jiova na nodra Kalou, se vakasaqarai koya e na vuku ni ka kecega oqo.

Osea 7:14

Ka ra sa sega ni tagi vei au mai na vu ni lomadra, ni ra qoqolou koto e na nodra i davodavo: e na vuku ga ni sila kei na waini era sa soqoni vata kina, ka ra sa vuki tani vei au.

Osea 7:7

Era sa katakata kece me vaka na lovo, a ra sa kani ira na nodra turaga ni lewa; sa bale ko ira kece na nodra tui: sa sega e dua vei ira e masu vei au.

Luke 24:45

Sa qai vakararamataka na lomadra ko koya, me ra kila rawa nai Vola Tabu,

Joni 10:35

Kevaka sa vakatokai ira me kalou ko koya, ni sa yaco vei ira na vosa ni Kalou, (a sa sega ni biu wale rawa nai Vola Tabu;)

Joni 6:45

Sa vola na parofita eso, Ena vakavulici ira kecega na Kalou. A ra sa lako mai kina vei au ko ira yadua era sa rogoci Tamaqu, ka sa vakavulici.

Joni 8:32

ia dou na kila na ka dina, ia na ka dina ena sereki kemudou.

Efeso 4:21

kevaka dou a rogoci koya, ka sa vakatavulici vei koya, me vaka na dina sa tu vei Jisu:

Vakarua 29:4

ia ka sa sega ni solia vei kemuni ko Jiova na loma e kila ka, kei na mata rai, kei na daliga rogo, ka yacova na siga oqo.

Jemesa 1:5

Ia kevaka sa lailai na vuku vua e dua vei kemudou, me kerea vua na Kalou, o koya sa solia vakalevu kivei ira kecega na tamata, a sa sega ni dauveivakadirideini; ka na soli ga vua.