Taniela 9:11 - Vakavakadewa Makawa

¹¹ Ia ko ira kece na Isireli era sa talaidredre ga ki na nomuni vunau, ni ra sa gole tani, me ra kakua ni vakarorogo ki na nomuni vosa; o koya oqo sa sovaraki kina vei keimami na cudru kei na vosa ni bubului sa volai e na vunau i Mosese nai talatala ni Kalou, ni keimami sai valavala ca vua.

Ai Vola Tabu (Vakadewa Makawa Vakavoutaki 2021)

¹¹ “Ko ira kece na Isireli era sa talaidredre ga ki na nomuni vunau, ni ra sa gole tani, me ra kakua ni vakarorogo ki na nomuni vosa. O koya oqo sa sovaraki kina vei keimami na cudru kei na vosa ni bubului sa volai e na vunau i Mosese, na tamata ni Kalou ko Jiova, ni keimami sai valavala ca vua.

AI VOLA TABU

¹¹ Ia ko ira kece na Isireli era sa talaidredre ga ki na nomu vunau, ni ra sa lesu tani, me kakua ni vakarorogo ki na domomu; o koya o qo sa sovaraki kina vei keimami na cudru kei na vosavavakini sa volai e na vunau i Mosese nai talatala ni Kalou, e na vuku ni keimami sai valavala ca vei koya.

Vakavakadewa Vou kei na iVola tale eso

¹¹ Sa voroka na nomuni lawa o Isireli taucoko ka bese ni vakarorogo ki na ka o ni tukuna. Keimami a caka cala vei kemuni ka o ni a vakatauca vei keimami na kena i sau sa tukuni tu ena Lawa i Mosese, na nomuni tamata.

Ai Vola Tabu Ena Vakavakadewa Vou

¹¹ Sa voroka na nomuni lawa o Isireli taucoko ka bese ni vakarorogo ki na ka o ni tukuna. Keimami a caka cala vei kemuni ka o ni a vakatauca vei keimami na kena i sau sa tukuni tu ena Lawa i Mosese, na nomuni tamata.

Taniela 9:11 Iomraidhean Croise

2 Tui 18:12

ka ni ra sa sega ni vakarorogo ki na vosa i Jiova na nodra Kalou, ka vakacataka na nona veiyalayalati, io na ka kecega sa vakarota ko Mosese nai talatala i Jiova, ka ra sega ni via rogoca se cakava.

2 Tui 22:16

Sa kaya vakaoqo ko Jiova, Raica, ka'u na vakayacora na ca ki na tikina oqo, kivei ira talega era tiko kina, io na vosa kecega ni vola sa wilika oti ko tui Juta:

Aisea 1:3

Sa kila na nonai taukei na pulumokau, kei na asa na bai ni nona turaga: ia ko ira na Isireli, era sa sega ni kilai au; ko ira na noqu tamata, era sa sega ni nanumi au.

Aisea 43:28

o koya oqo ka'u sa vakacacani ira kina na turaga ni vale tabu, ka soli ira na Jekope me cudruvi, kei ira na Isireli me vakarogocataki.

Jeremaia 16:11

ia mo kaya vei ira, E na vukudra na nomudou qase ni ra sa biuti au, sa kaya ko Jiova, ka ra sa muria na kalou tani, ka qaravi ira, ka sorovi ira, ia era sa biuti au, ka ra sa sega ni vakabauta na noqu vunau;

Jeremaia 2:29

A cava dou na mai kaya vei au? koi kemudou kecega dou sa vuki tani vei au, sa kaya ko Jiova.

Jeremaia 30:14

Ko ira kece ka lomani iko era sa guilecavi iko; era sa sega ni mai raici iko; ni ka'u sa vuetaki iko e na kuita ni vakatawaloloma, me vaka ka'u sa nomu meca e na vuku ni kena levu ni nomu caka cala: ni sa vuqa tiko na nomu i valavala ca.

Jeremaia 32:23

ka ra sa mai curu kina, ka taukena; ia era sa sega ni vakarorogo ki na nomuni vosa, era sa sega talega ni muria na nomuni vunau; era sa sega ni cakava e dua na ka ko ni sa vakarota vei ira me ra cakava: ia ko ni sa vakayacora kina vei ira na ca kecega oqo:

Jeremaia 40:3

ka sa vakayacora, ka sa cakava ko Jiova me vaka na nona vosa: ni dou sai valavala ca vei Jiova, ka sega ni vakarorogo ki na domona, o koya ga sa yacovi kemudou kina na ka oqo.

Jeremaia 44:22

Ia sa dredre ni vosota ko Jiova, e na vuku ni ca ni nomudou i valavala, kei na ka vakasisila dou sa cakava; ka sa lala kina na nomudou vanua, ka sa kurabuitaki, ka sa vosavosacati, ka sega e tiko kina, me vaka e na siga oqo.

Jeremaia 44:23

Ia ni dou sa vakama nai madrali boi vinaka, ka dou sai valavala ca vei Jiova, ka sa sega ni vakarorogo ki na vosa i Jiova, ka sa sega ni muria na nona vunau, kei na nonai lesilesi, kei na nonai tukutuku, sa qai yacovi kemudou kina na ca oqo, me vaka e na siga edaidai.

Jeremaia 6:19

Rogoca mada, na vuravura: raica, ka'u na vakayacora na ca vei ira na tamata oqo, io na vua ni nodra nanuma, ni ra sa sega ni rogoca na noqu vosa, se na noqu vunau; era sa biuta ga.

Jeremaia 9:26

ko Ijipita, kei Juta, kei Itomi, kei na kawa i Amoni, kei Moapi, kei ira kece mai na veiyalayala, era sa tiko ga mai na veikau: ni ra sa sega ni cili ko ira na veimatanitu kecega oqori, ia na mataqali kece ni Isireli sa sega ni cili na yalodra.

Taniela 9:13

Me vaka na ka sa volai e na vunau i Mosese, sa yacovi keimami na ca kece oqo: ia keimami a sega ga ni ia na neimami masumasu e na mata i Jiova na neimami Kalou, ka me keimami lesu tani mai na neimami caka cala, ka kila sara na nomuni vunau dina.

Taniela 9:5

keimami sai valavala ca, ka sa cala, ka sa caka ca, ka sa talaidredre, ni keimami sa vuki tani mai na nomuni vunau kei na nomuni lewa;

Sakaraia 1:6

Ia na noqu vosa kei na noqu i lesilesi, ka'u a vunautaka vei ira na noqu i talatala na parofita, sa sega ni vauci ira li na nomudou qase? io, era a lesu mai, ka kaya, Me vaka na ka sa nanuma ko Jiova ni lewe vuqa me cakava vei keimami, me vaka na neimami tovo, kei na neimami valavala, sa caka vakakina vei keimami.

Sakaraia 7:12

Io, era sa vakaukauwataka na lomadra me vaka na vatu qiwa, me ra kakua ni rogoca na vunau, se na vosa sa solia ko Jiova ni lewe vuqa e na nona Yalo Tabu vei ira na parofita eliu me ra tukuna: ka sa yaco kina na cudru levu maivei Jiova ni lewe vuqa.

Sakaraia 8:13

Ia ena yaco, me vaka dou a vu ni veivakarusai vei ira na veimatanitu, oi kemudou na mataqali i Juta, kei na mataqali i Isireli; au na vakabulai kemudou, ka dou na yaco vaka talega kina, mo dou vu ni veivakalougatataki; dou kakua ni rere, me kaukauwa ga na ligamudou.

Vakarua 8:20

Me vaka na veimatanitu sa vakarusa ko Jiova e matamuni, kemuni na rusa vakakina; ni kemuni sa sega ni vakarorogo ki na domo i Jiova na nomuni Kalou.