Taniela 8:13 - Vakavakadewa Makawa

¹³ Au a qai rogoca e dua sa yalosavasava ni sa vosa, ka sa vosa e dua tale na yalosavasava vua sa vosa eliu, Me bogi vica tiko na raivotu ni soro ni veisiga, kei na talaidredre sa vuna na veivakarusai, me soli vata kina na vale tabu kei nai vavakoso me buturaki sobu?

Ai Vola Tabu (Vakadewa Makawa Vakavoutaki 2021)

¹³ Au a qai rogoca e dua sa yalosavasava ni sa vosa, ka sa vosa e dua tale na yalosavasava vua sa vosa eliu, “Me bogi vica tiko li na raivotu ni soro ni veisiga, kei na talaidredre sa vuna na veivakarusai, me soli vata kina na vale tabu kei nai vavakoso me buturaki sobu?”

AI VOLA TABU

¹³ Au a qai rogoca e dua na yalosavasava ni sa vosa, a sa vosa e dua tale na yalosavasava vua sa vosa, Me bogi vica tiko na raivotu ni soro ni veisiga, kei na talaidredre e veivakarusai, me soli vata kina na vale tabu kei nai vavakoso me buturaki sobu?

Vakavakadewa Vou kei na iVola tale eso

¹³ Au a qai rogoca e dua na yalo savasava ni taroga e dua tale na yalo savasava, ka vaka, “A cava beka na dede ni gauna ena yaco tiko kina na veika e raici ena raivotu me baleta na i Soro ni Veisiga, na i valavala ca vakasisila, na vakacacani kei na buturaki ni valenisoro kei na i vavakoso?

Ai Vola Tabu Ena Vakavakadewa Vou

¹³ Au a qai rogoca e dua na yalosavasava ni taroga e dua tale na yalosavasava, ka vaka, “A cava beka na dede ni gauna ena yaco tiko kina na veika e raici ena raivotu me baleta na i Soro ni Veisiga, na i valavala ca vakasisila, na vakacacani kei na buturaki ni valenisoro kei na i vavakoso?

Taniela 8:13 Iomraidhean Croise

NA SAME 74:10

A cava na kena dede, na Kalou, ni na vosa ca tiko na meca? Ena sega beka ni mudu na nodra vosacataka tiko na yacamuni na meca?

NA SAME 74:9

Keimami sa sega ni raica tiko na neimami vakatakilakila: Sa sega tale e dua na parofita: Ka sa sega e dua vei keimami e kila se na vakaevei na kena dede.

NA SAME 79:5

Kemuni Jiova, ena vakabeka evei na kena dede? ena sega ni mudu beka na nomuni cudru? Ena waqa tiko beka na nomuni vuvu me vaka na bukawaqa?

Aisea 28:18

Ia na nomudou veiyalayalati kei mate ena sega ni dei kei na nomudou veisorosorovi kei etesi ena sega ni vakabau; ka ni sa lako voli mai na ca sa vuabale, dou na qai butuki kina.

Aisea 6:11

Au a qai kaya, Kemuni na Turaga, Me cava na kena dede? A sa kaya ko koya, Me lala mada na veikoro me sega na lewena, kei na veivale me sega na tamata e tiko kina, kei na vanua me lala didi,

Aisea 63:18

Sa bogi vica ga sa ra taukena ko ira na nomuni tamata tabu; ia na neimami meca era sa buturaka sobu na nomuni vale tabu:

Aisea 9:6

Ni sa sucu mai e dua na gone me noda, sa soli mai vei keda e dua na gonetagane: ena vakatau kivei koya na lewa; ena vakatokai na yacana ko Veivakurabuitaki, nai Vakavuvuli, na Kalou kaukauwa, na Tama ni gauna tawa mudu, na Tui ni Sautu.

Jeremaia 12:10

Ai vakatawa e vuqa era sa vakacacana na noqu were-ni-vaini, era sa butuka sobu na noqu i votavota, era sa cakava na noqu vanua domoni me veikau lala:

Taniela 11:31

ia e dua nai valu ena mai totaki koya, ka ra na vakacacana na tikina tabu e kaukauwa, ka kauta tani nai soro sa ia e na veisiga, ka vakaduria na ka vakasisila sa dauveivakarusai.

Taniela 12:11

Ia mai na gauna ena kau tani kina nai soro ni veisiga, ka vakaduri cake na ka vakasisila sa dauveivakarusai, ena bogi dua na udolu ka rua na drau ka ciwasagavulu.

Taniela 12:8

Ia koi au ka'u a rogoca, ia ka'u sa sega ni kila: au a qai kaya, Noqu Turaga, a cava sa na kenai vakataotioti ni veika oqo?

Taniela 4:10

Sa vakaoqo na raivotu ka'u a raica e na noqu i mocemoce; au a vakaraica, ka raica, sa dua na kau ka tu e loma i vuravura, ia na kena cecere sa ka vakaidina.

Taniela 4:13

Au a raica e na raivotu, e na noqu i mocemoce, ka raica, sa dua nai vakatawa ka yalosavasava sa lako sobu mai lomalagi;

Taniela 4:23

Ka ni sa raica na tui ni sa dua nai vakatawa ka yalosavasava sa lako sobu mai lomalagi, ka kaya, Taya sobu na kau, ka vakarusa; ia na vu ni wakana me tu ga e na qele, ka me sa vauci kina e na wa aironi ka parasa, ki na veico ni vanua; ka me sa suasua e na tegu ni lomalagi, ia me sa votai vata ko koya kei ira na manumanu ni vanua e na co ni qele: ka me oti mada vua e vitu na gauna;

Taniela 7:16

Au a torova e dua vei ira sa wavu tu, ia ka'u sa taroga vua na kena dina ni ka kecega oqo. A sa tukuna mai vei au ko koya, ka sa vakatakila vei au na kenai balebale ni veika oqo.

Taniela 7:23

Sa qai vaka ko koya, A kenai kava ni manumanu sa na kenai kava ni matanitu sa na tubu e vuravura, ena dua tani oqori ka dua tani na veimatanitu kecega, ia ena kania na vuravura taucoko, ka na buturaka, ka musumusuka.

Taniela 9:27

Ia ena vakadeitaka ko koya na veiyalayalati kei ira e lewe vuqa ka me dua na kena wiki: ia e na veimama ni wiki, ena vakaotia ko koya nai soro kei nai madrali, ia e na taba ni tikina tabu ena tu kina na ka vakasisila sa dauveivakarusai, io, me yacova nai vakataotioti, ia na ka sa lesi ena sovaraki vua na dauveivakarusai.

Sakaraia 1:19

Au a qai vaka vua na agilose keirau sa veivosaki tiko kaya, A cava oqori? A sa kaya vei au ko koya, Oqo nai leu sa dui vakasevi kina ko ira na Juta, kei ira na Isireli, kei ira na kai Jerusalemi.

Sakaraia 14:5

Ia dou na dro ki na buca e na noqu ulu-ni-vanua ko ya, ni na yaco sara ki Esali na buca ni ulu-ni-vanua, io, dou na dro, me vaka dou a dro tani kina ni sa tavuki na vanua e na gauna i Usaia na tui Juta: ena qai lako mai ko Jiova na noqu Kalou, io, koi kemuni kei ira kece na nomuni yalosavasava.

Maciu 11:27

Sa solia mai vei au ko Tamaqu na ka kecega: ia ka sega e dua tale e kila na Luvena, a Tamana duaduaga, se dua tale e kila na Tamana, a Luvena duaduaga, kei koya sa vinakata na Luvena me vakatakilai koya vua.

Maciu 24:15

Ia ni dou sa raica sa tu e na vale tabu na ka vakasisila sa dauveivakarusai, o koya sa vosa kina ko Taniela na parofita, (me kila mada ko koya sa wilika:)

Marika 13:14

Ia ni dou sa raica e na yasana sa tabu ni tu kina na ka vakasisila sa dauveivakarusai, o koya sa vosa kina ko Taniela na parofita, (me kila ko koya sa wilika,) me qai dro ki na veiulu-ni-vanua ko ira era sa tiko e Jutia;

Luke 10:22

Sa solia mai vei au ko Tamaqu na ka kecega; ia ka sega e dua tale e kila se ko cei na Luvena, a Tamaqu duaduaga; se ko cei na Tamaqu, a Luvena duaduaga, kei koya sa vinakata na Luvena me vakatakilai koya.

Luke 21:20

Ia ni dou sa raica sa buku na druadrua mai Jerusalemi e na mataivalu eso, dou kila kina ni sa qai voleka na kena ca sara:

Luke 21:24

A ra na vakamatei e nai seleiwau, a ra na kau vakabobula ki na veivanua: a ra na butuki Jerusalemi sobu ko ira na veimatanitu, me yacova nai vakataotioti ni nodra gauna na veimatanitu.

Joni 1:18

E sega e dua na tamata sa raica na Kalou e na dua na gauna; na Luvena ga e dua bauga, sa vakatubura ko koya, ko koya sa tiko e na lomasere i Tamana, sa tukuni koya.

Vakarua 33:2

A sa kaya: Sa lako mai Saineai ko Jiova, Ka tu cake mai Sia e na vukudra; Sa serau mai ko koya mai na ulu-ni-vanua ko Perana, A sa lako mai na kedra maliwa na le oba era sa savasava: Sa lako mai na ligana i matau e dua na bukawaqa, me vakavulici ira:

1 Cesalonaika 3:13

me vakataudeitaka kina ko koya na yalomudou me tawa ca ni sa savasava e na mata ni Kalou na Tamada, ni na lako mai na noda Turaga ko Jisu Karisito kei ira vata kaya na nona yalosavasava kecega.

Iperiu 10:29

dou vakasama se na vakaevei na kena levu cake ni cudruvi, sa dodonu me yaco vua, sa butuka na Luve ni Kalou, a sa vakawaletaka na dra ni veiyalayalati sa vakasavasavataki kina, a sa beci koya na Yalo ni loloma?

1 Pita 1:12

A sa vakatakilai vei ira, ni sa sega walega e na vukudra, ia ena vukuda era sa yaco me rai talatala e na veika sa qai tukuna mai vei kemudou ko ira era sa vunautaka vei kemudou nai tukutuku-vinaka, kei na Yalo Tabu sa talai mai lomalagi; a veika oqo era sa gadreva ko ira na agilose me ra dikeva.

Ai Vola I Juta 1:14

Ia ko Inoki talega, nai kavitu sa taravi Atama sa parofisaitaki ira oqo, ka kaya, Raica, sa lako vata mai na Turaga, kei na nona yalosavasava era udolu vakatini:

Vakatakila 11:2

Ia na lomanibai e taudaku ni vale, kakua ni vakarauta: ni sa soli oqori kivei ira na veimatanitu tani: ia era na butuka na koro tabu ka vula vasagavulu ka rua.

Vakatakila 6:10

era sa kaci e na domo levu, ka kaya, sa vakaevei na kena dede, na Turaga yalododonu ka dina, ni ko sa sega ni lewa ka cudruvaka na neimami dra vei ira era sa tiko e vuravura?

Dauveilewai 13:18

A sa kaya vei koya na Agilose i Jiova, A cava ko sa taroga kina na yacaqu, ni sa vuni?