Taniela 7:9 - Vakavakadewa Makawa

⁹ Au a raica tiko ka so nai tikotiko vakaturaga sa qai viritoka, ia sa dua sa ka dede sara na nona bula sa tiko mai, sa vulavula na nonai sulu me vaka na uca vulavula, kei na drau ni uluna sa vaka na vutika ni sipi e savasava: sa nonai tikotiko na yameyame ni bukawaqa, ia na yavana sa vaka na bukawaqa.

Ai Vola Tabu (Vakadewa Makawa Vakavoutaki 2021)

⁹ “Au a raica tiko, ka so nai tikotiko vakaturaga sa qai viritoka, a sa dabe kina ko Koya sa bula e na Veisiga, sa vulavula na nona i sulu me vaka na uca vulavula, kei na drau ni uluna sa vaka na vutika ni sipi e savasava; sa nona i tikotiko na yameyame ni bukawaqa, ia na yavana sa vaka na bukawaqa.

AI VOLA TABU

⁹ Au a raica tiko ka so nai tikotiko vakaturaga sa qai viritaki sobu, ia ko Koya sa Mailiu sara na nona gauna sa tiko mai, a nonai sulu sa vulavula me vaka na uca-vulavula, kei na drau ni uluna sa vaka na vutika ni sipi e savasava: a nonai tikotiko na yameyame ni buka, na yavana na buka waqa.

Vakavakadewa Vou kei na iVola tale eso

⁹ Ni'u vakararai tu, au a raica ni ra mai biu eso na i dabedabe vakatui. Sa qai mai dabe ena dua vei ira na i dabedabe vakatui oqo o koya sa bula ka sega ni mudu. Sa vulavula na nona i sulu me vaka na uca cevata, ka sa vaka na vutinisipi uasivi sara na drauniuluna. Na nona i dabedabe vakaturaga ka sa semati ki na qiqi bukawaqa, a sa waqa tu

Ai Vola Tabu Ena Vakavakadewa Vou

⁹ Ni'u vakararai tu, au a raica ni ra mai biu eso na i dabedabe vakatui. Sa qai mai dabe ena dua vei ira na i dabedabe vakatui oqo o koya sa bula ka sega ni mudu. Sa vulavula na nona i sulu me vaka na uca cevata, ka sa vaka na vutinisipi uasivi sara na drau-ni-uluna. Na nona i dabedabe vakaturaga ka sa semati ki na qiqi bukawaqa, a sa waqa tu

Taniela 7:9 Iomraidhean Croise

1 Tui 22:19

A sa kaya ko koya, O koya oqo, mo rogoca kina na vosa i Jiova: Au a raici Jiova, ni sa tiko e nonai tikotiko vakaturaga, a ra sa tiko voleka vua e na nonai matau kei na nonai mawi ko ira kecega na lewe i lomalagi.

2 Veigauna 18:18

Sa kaya tale ko koya, O koya oqo, mo ni rogoca kina na vosa i Jiova: Au a raici Jiova, ni sa tiko e nonai tikotiko vakaturaga, ka ra sa tiko voleka vua e nai matau kei nai mawi ko ira kecega na lewe i lomalagi.

NA SAME 45:8

A nomuni sulu kecega sa boi mura, kei na yasi, kei na kasia, Mai na vale tabua ni Tui, era sa vakamarautaki kemuni kina.

NA SAME 90:2

Ni sa bera buli na veiulu-ni-vanua, Ia ni kemuni a sega ni bulia na vuravura kei na vanua, Sai kemuni ga na Kalou e sega ni tubu ka sega ni mudu.

NA SAME 93:2

Sa tu dei mai na gauna makawa na nomuni tikotiko vakaturaga: O ni a sega ni tubu, o ni a bula tikoga.

Aisea 6:1

E na yabaki sa mate kina ko Usaia na tui ka'u a raica na Turaga ni sa tiko e nai tikotiko vakaturaga, sa cecere ka toka sara ki cake, a sa robota na vale ni soro na nonai tini yara.

Aisea 9:6

Ni sa sucu mai e dua na gone me noda, sa soli mai vei keda e dua na gonetagane: ena vakatau kivei koya na lewa; ena vakatokai na yacana ko Veivakurabuitaki, nai Vakavuvuli, na Kalou kaukauwa, na Tama ni gauna tawa mudu, na Tui ni Sautu.

Jeremaia 49:38

ia ka'u na viritura na noqu i tikotiko vakaturaga mai Ilama, ka vakaotia mai kina na tui kei ira na turaga, sa kaya ko Jiova.

Isikeli 1:26

Ia e cake sara ni maliwa mai dela ni uludratou sa rairai e dua nai vakatakarakara ni tikotiko vakaturaga me vaka na vatu safaia: ia e dela ni vakatakarakara ni tikotiko vakaturaga sa rairai nai vakatakarakara ni dua na tamata e delana e cake.

Taniela 7:13

Au a vakaraica e na raivotu ni bogi, ka raica, sa lako mai e na o kei lomalagi e dua sa vaka e dua na Luve ni tamata ka sa lako mai vei koya sa dede sara na nona bula, ka ra sa kauti koya sara vua.

Taniela 7:22

ka yacova na nona lako mai ko koya sa dede sara na nona bula; ka sa qai soli na lewa vei ira na yalosavasava i Koya sa Cecere sara; ka sa qai yaco na gauna me ra taukena kina na matanitu ko ira na yalosavasava.

Maika 5:2

Ia ko iko, Pecileema Efiraca, ko sa lailai dina vei ira na lewe udolu e Juta, ia maivei iko ena lako mai vei au ko koya ena lewai ira na Isireli; na nona lako mai sa ka mailiu sara, mai na gauna makawa dina.

Apakuki 1:12

Koi kemuni Jiova, na noqu Kalou na noqu Kalou Yalosavasava ko ni sa bula mailiu sara se segai? keimami na sega ni mate; kemuni Jiova, ko sa lesi ira me ia na veicudruvi; ia koi kemuni na Uluvatu, ko ni sa tauyavutaki ira me ia na veivunauci.

Maciu 17:2

A sa matalia na yagona e matadratou; a sa serau na matana me vaka na mata-ni-siga, ka sa vulavula mai na nonai sulu me vaka na rarama.

Maciu 28:3

A sa vaka na liva na matana, a sa vulavula na nonai sulu me vaka na uca-vulavula.

Marika 9:3

A sa lumilumisa mai na nonai sulu, sa vulavula sara me vaka na uca-vulavula; sa sega na dausavai sulu e vuravura e vakavulavulataka rawa me vakakina.

Cakacaka 2:30

Ia ni sa parofita ko koya, a sa kila ni sa bubului vua na Kalou, ni na tubu maivua ko ira ena vakatubura maikina ko koya na Karisito, me vaka na lewena, me tiko e na nonai tikotiko vakaturaga:

Cakacaka 2:33

Ia ni sa kau cake e na liga i matau ni Kalou, ka rawata ko koya maivei Tamana na Yalo Tabu ka yalataki, sa qai sovaraka mai na ka oqo, dou sa qai raica ka rogoca.

Filipai 3:9

me keirau kune vata kaya, me kakua ni tu vei au na vakadonui, sa rawa mai na vunau, ko ya ga sa rawa e na vakabauti Karisito, na vakadonui sa mai vua na Kalou e na vuku ni vakabauta:

1 Timoci 6:16

o koya sa tu vei koya duaduaga na bula tawa mudu, sa tiko e na rarama sa sega ni torovi rawa: sa sega na tamata sa raica, se raica rawa: me nona ga na vakarokoroko kei na kaukauwa e sega ni mudu. Emeni.

1 Joni 1:5

Ia oqo nai tukutuku keitou a rogoca maivei koya, a sa tukuna vei kemudou, ni sa rarama na Kalou, a sa sega sara vei koya na butobuto.

Vakatakila 1:14

Sa vulavula na uluna kei na drau ni uluna me vaka na vutika ni sipi, me vaka na vulavula ni uca-vulavula; ka sa vaka na yameyame ni buka na matana;

Vakatakila 19:18

mo dou kania na lewedra na tui, kei na lewedra na turaga ni valu, kei na lewedra na tamata qaqa, kei na lewedra na ose, kei ira era sa vodo kina, kei na lewedra kecega, se rai taukei se ra bobula, se ra tamata lalai se ra turaga.

Vakatakila 20:4

Ia ka'u a raica eso nai tikotiko-vakaturaga, ka ra tiko kina eso, a sa soli vei ira me ia na veilewai: au a raica na yalodra talega e tamusuki na uludra ni ra sa vakatusai Jisu, e na vuku talega ni vosa ni Kalou, o ira era sa sega ni vakarokoroko vua na manumanu, se vua na nona matakau, a sa sega talega ni volai nai vakatakilakila e na yadredra, se na ligadra: a ra sa bula ka lewa vata kei Karisito ka dua na udolu na yabaki.

Vakatakila 4:2

Sa qai curumi au vakasauri na Yalo Tabu: ka raica, sa caka nai tikotiko-vakaturaga mai lomalagi, a sa dua sa tiko kina.