Taniela 7:8 - Vakavakadewa Makawa

⁸ Ni'u a vakananuma tiko nai leu, raica, e dua nai leu lailai sa tubu cake mai e na kedra maliwa, ia e tolu nai leu ka tu eliu sa cavuivuvu mai e matana: ka raica, sa so na matana nai leu oqo sa vaka na mata ni tamata, ka dua na gusuna sa dauvosa vakaviavialevu.

Ai Vola Tabu (Vakadewa Makawa Vakavoutaki 2021)

⁸ Ni'u a vakananuma tiko nai leu, raica, e dua nai leu lailai sa tubu cake mai e na kedra maliwa, ia e tolu nai leu ka tu eliu sa cavuivuvu mai e matana. Ka raica, sa so na matana nai leu oqo sa vaka na mata ni tamata, ka dua na gusuna sa dauvosa vakaviavialevu.

AI VOLA TABU

⁸ Niʼu a vakananuma tiko na kaukamea, raica, e dua na kaukamea lailai sa tubu cake mai e na kedra maliwa, ia e tolu na kenai matai ni kaukamea sa cavuivuvu mai e matana: ka, raica, sa so na matana na kaukamea o qo me vaka na mata ni tamata, ka dua na gusuna sa dauvosa ka levu.

Vakavakadewa Vou kei na iVola tale eso

⁸ ia, ni'u sa vakasarava tiko na i leu, au a qai raica ni a tubu mai e dua tale na i leu lailai ena kedratou maliwa na i leu e tini, ka vakabalea sara e tolu vei iratou. Na i leu oqo a vakamatana ka vakagusuna me vaka na tamata, a vosavosa tiko vakadokadoka ka vosa vakaviavialevu.

Ai Vola Tabu Ena Vakavakadewa Vou

⁸ ia, ni'u sa vakasarava tiko na i leu, au a qai raica ni a tubu mai e dua tale na i leu lailai ena kedratou maliwa na i leu e tini, ka vakabalea sara e tolu vei iratou. Na i leu oqo a vakamatana ka vakagusuna me vaka na tamata, a vosavosa tiko vakadokadoka ka vosa vakaviavialevu.

Taniela 7:8 Iomraidhean Croise

NA SAME 12:3

Ena seledrutia ko Jiova na tebenigusudra na dauveicavilaki, Kei na yamedra na dauvosalevu.

Taniela 11:36

Ia na tui ena veitalia voli ga; ka na vakaceceretaki koya, ka vakalevulevui koya me uasivi vei ira kece na kalou, io ena cavuta ko koya na ka e veivakurabuitaki vua na nodra Kalou na kalou, ka cakacaka yaco, ka me oti mada na veicudruvi: ni na caka ga na ka sa lesi.

Taniela 7:19

Au a qai via kila na kena dina e na vuku ni kenai kava ni manumanu, o koya ka dua tani vei iratou kecega, o koya ka rerevaki sara, ka vakabatina aironi, ka vakaiqaso parasa; o koya ka daubasuraka voli, ka musumusuka, ka buturaka tu na kena vo;

2 Cesalonaika 2:4

o koya sa dauvorata, a sa vakalevui koya me uasivi cake e na ka kecega sa vakatokai me kalou, se dauqaravi; a sa tiko kina ko koya e na vale ni Kalou, a sa vakaraitaki koya me kalou.

2 Timoci 3:2

ni ra na daulomani ira walega na tamata, era na dauvinakata nai lavo, era na daubole, era na viavialevu, era na dauvosavakacaca, era na talaidredre kivei ira na nodra qase, era na sega ni vakavinavinaka, era na sega ni yalosavasava,

2 Pita 2:18

Ni ra sa vosataka na vosa sa tubu cake walega e na lialia, era sa lari ira sa qai bula walega maivei ira era sa dauia na caka cala, e na vuku ni gagadre ca ni yago, e nai valavala vakasisila.

Ai Vola I Juta 1:16

O ira oqo na dauvosakudrukudru, na daudidi, era sa muria na nodra gagadre ca; (a sa vosataka na vosa vakaviavialevu sara na gusudra), a ra sa daudokai ira na tamata eso me ra vakaiyau kina vei ira.

Vakatakila 13:1

Ia sa tu e na veinukunuku mai matasawa ko koya, ia ka'u a raica e dua na manumanu sa lako cake mai na wasawasa, e vitu na uluna ka tini na nonai leu, a sa toka e na nonai leu nai sala-vakaturaga e tini, a sa tu ga e na uluna na yaca ni dauvosavakacacataki.

Vakatakila 9:7

Ia na kedrai rairai na vodre sa vaka na ose sa vakarau me laki valu: ia sa toka e uludra na ka sa vaka nai sala koula, ia na matadra sa vaka na mata ni tamata.

1 Samuela 2:3

Dou kakua ni vakalevutaka na vosa viaviaturaga; Me kakua ni lako mai na gusumudou na vosalevu: Ni sa Kalou daukila ka ko Jiova, A sa lewa se sa vakaevei na nodra i valavala.