Taniela 7:25 - Vakavakadewa Makawa

²⁵ Ia ena daucavuta ko koya na vosa ca vei Koya sa Cecere sara ka na dauvakacacani ira na yalosavasava nei Koya sa Cecere sara, ka vakananuma me vukica na gauna eso kei na lawa eso: ia ena soli ki na ligana ka me oti mada e dua na gauna ka so tale na gauna ka dua na tiki ni gauna.

Ai Vola Tabu (Vakadewa Makawa Vakavoutaki 2021)

²⁵ Ia ena daucavuta ko koya na vosa ca vei Koya sa Cecere Sara, ka na dauvakacacani ira na yalosavasava nei Koya sa Cecere Sara, ka vakananuma me vukica na gauna eso kei na lawa eso; ia ena soli ki na ligana ka me oti mada e dua na gauna ka so tale na gauna ka dua na tiki ni gauna.

AI VOLA TABU

²⁵ Ia na vosa ca vei Koya sa Cecere sara ena daucavuta ko koya, kei ira na yalosavasava nei Koya sa Cecere sara ena dauvakacacana, ka vakananuma me vakatanitaka na gauna e so kei na vunau e so: ia ena soli ki na ligana ka me oti mada e dua na yabaki ka so tale na yabaki ka dua na tiki ni yabaki.

Vakavakadewa Vou kei na iVola tale eso

²⁵ Na tui oqo ena vosa vakacacataka na Kalou Cecere ka na tabaki ira sobu na tamata ni Kalou. Ena tovolea o koya me veisautaka na lawa eso kei na gauna ni solevu vakalotu eso. Era na qai bula voli na tamata ni Kalou ena lewa ni nona kaukauwa ka yabaki tolu veimama na kena dede.

Ai Vola Tabu Ena Vakavakadewa Vou

²⁵ Na tui oqo ena vosa vakacacataka na Kalou Cecere ka na tabaki ira sobu na tamata ni Kalou. Ena tovolea o koya me veisautaka na lawa eso kei na gauna ni solevu vakalotu eso. Era na qai bula voli na tamata ni Kalou ena lewa ni nona kaukauwa ka yabaki tolu veimama na kena dede.

Taniela 7:25 Iomraidhean Croise

Aisea 37:23

Ko sa vosavakacacataki cei, ka vakalialia? ia vei cei beka ko sa tabalaka na domomu, ka ta cake kina? vei Koya ga na Yalosavasava i Isireli.

Taniela 11:28

Ena qai lesu yani ko koya ki na nona vanua ka sa levu nai yau ena kauta; ia na lomana ena ca ki na veiyalayalati tabu; ena rawa ka, ka lesu tale ki na nona vanua.

Taniela 12:7

Au a qai rogoca na tamata sa vakaisulu lineni e tiko e cake ko koya e ra na uciwai, ni sa dulaka ko koya na ligana i matau kei na ligana i mawi ki lomalagi, ka bubului, ka cavuti Koya sa bula ka sega ni mudu, ni na dua mada na gauna, ka so tale na gauna, ka dua na tiki ni gauna; ia ni sa musuka oti ko koya na nodra kaukauwa na mataqali tabu, ena qai vakayacori na ka kecega oqo.

Taniela 2:21

ka sa vukica ko koya na yabaki kei na gauna: sa vakasivoi ira na tui, ka sa lesi ira na tui: sa solia na vuku vei ira na lomavuku, kei na kila ka vei ira na yalomatua:

Taniela 3:26

Sa qai toro mai ko Nepukanesa ki na gusu ni lovo ni bukawaqa, ka kaya ko koya, I Setareki, kei Mesaki, kei Apeti-niko, oi kemudou na tamata ni Kalou cecere, dou curu mada ki tuba ka lako mai ki ke. Sa qai curu mai ko Setareki, kei Mesaki, kei Apeti-niko mai na loma ni bukawaqa.

Taniela 4:17

Ni sa nodra lewa oqo ko ira nai vakatawa; kei na taro e na nodra vosa na yalosavasava: me ra kila kina ko ira sa bula ni sa lewa ko Koya sa Cecere sara e na matanitu ni tamata, ka sa solia vua sa lomana kina, ia na tamata wale sa lesia ko koya me lewa kina.

Taniela 4:2

Au sa vaka e vinaka me'u tukuna nai vakatakilakila kei na ka mana sa cakava vei au ko koya na Kalou cecere sara.

Taniela 4:25

Ia era na vakasavi kemuni tani mai vei ira na tamata, ia kemuni na tiko vata kei ira na manumanu, ka ra na vakani kemuni e na co me vaka ko ni sa pulumokau, ia kemuni na suasua e na tegu ni lomalagi, ka me oti mada vei kemuni e vitu na yabaki, mo ni kila mada kina ni sa lewa ko Koya sa Cecere sara e na matanitu ni tamata, ka sa solia vua sa lomana kina.

Taniela 4:32

ia era na vakasavi iko tani mai vei ira na tamata, ia ko na tiko kei ira na manumanu ni vanua era na vakani iko e na co, me vaka na pulumokau, ka me oti mada vei iko e vitu na gauna, mo kila mada kina ni sa lewa ko Koya sa Cecere sara e na matanitu ni tamata, ka sa solia vua sa lomana kina.

Taniela 7:18

Ia ko ira na yalosavasava i Koya sa Cecere sara era na rawata na matanitu, ka ra na taukena na matanitu ka sega ni mudu, io ka sega sara ni mudu.

Taniela 7:20

e na vuku talega ni leu e tini ka tu e uluna, ka dua tale sa tubu cake mai, ka tolu sa bale e matana; io nai leu ko ya ka vakamatana, ka dua na gusuna sa dauvosa vakaviavialevu sara, na kenai rairai sa kaukauwa vakalevu ka vakalailai na kenai rairai ni nonai tokani.

Taniela 7:8

Ni'u a vakananuma tiko nai leu, raica, e dua nai leu lailai sa tubu cake mai e na kedra maliwa, ia e tolu nai leu ka tu eliu sa cavuivuvu mai e matana: ka raica, sa so na matana nai leu oqo sa vaka na mata ni tamata, ka dua na gusuna sa dauvosa vakaviavialevu.

Taniela 8:11

Io sa viavialevu talega ko koya vua na turaga ni vavakoso, ka sa kauta tani nai soro ni veisiga, ka sa biu wale na tikina ni nona vale tabu.

Taniela 8:14

A sa kaya vei au ko koya, Me bogi rua na udolu ka tolu na drau; ena qai vakasavasavataki na vale tabu.

Taniela 8:9

Ia mai na dua vei iratou sa tubu mai e dua nai leu lailai, ka sa yaco me levu sara, vaka ki na mata ni ceva, ki na tu-i-cake talega, ka vaka ki na vanua matalau.

Taniela 9:27

Ia ena vakadeitaka ko koya na veiyalayalati kei ira e lewe vuqa ka me dua na kena wiki: ia e na veimama ni wiki, ena vakaotia ko koya nai soro kei nai madrali, ia e na taba ni tikina tabu ena tu kina na ka vakasisila sa dauveivakarusai, io, me yacova nai vakataotioti, ia na ka sa lesi ena sovaraki vua na dauveivakarusai.

Osea 7:16

Era lesu, ka segai vua sa Cecere sara: era sa vaka na dakai daulasu: ena bale e nai seleiwau ko ira na nodra turaga e na vuku ni cudru ni yamedra: a ka oqo era na vakalialiai kina e na vanua ko Ijipita.

2 Cesalonaika 2:3

Me kakua sara e dua na ka me vakaisini kemudou kina e dua; ni na yaco mada eliu na vuki tani, ka na vakaraitaki mada na tamata ni valavala ca, a luve ni veivakarusai;

2 Cesalonaika 2:4

o koya sa dauvorata, a sa vakalevui koya me uasivi cake e na ka kecega sa vakatokai me kalou, se dauqaravi; a sa tiko kina ko koya e na vale ni Kalou, a sa vakaraitaki koya me kalou.

2 Cesalonaika 2:8

Ena qai vakaraitaki na Vu-ni-ca ko ya, o koya ena vakarusa na Turaga e nai cegu ni gusuna, ka vakaotia e na nona lako vakarairai mai:

Vakatakila 12:14

A sa rua na taba ni ikeli levu sa soli vua na yalewa, me vuka kina ko koya ki na veikau ki na nona tikina, sa laki maroroi kina e na dua na gauna, kei na gauna tale eso, kei na veimama ni gauna, mai na mata ni gata.

Vakatakila 12:6

A sa dro na yalewa ki veikau, ki na dua na tikina ka vakarautaka na Kalou, me nona me ra vakani koya kina ka dua na udolu ka rua na drau ka onosagavulu na siga.

Vakatakila 14:12

Oqo gona na nodra vosota na tamata yalosavasava: sa tu eke ko ira era sa vakabauta na vosa ni Kalou, ka taura tikoga na vakabauti Jisu.

Vakatakila 16:6

Ni ra sa vakadavea na dra ni tamata yalosavasava kei na dra ni parofita ko ira oqo, ko ni sa qai solia vei ira na dra me ra gunuva; sa dodonu me vakakina vei ira.

Vakatakila 17:6

Ia ka'u a raica na yalewa sa mateni e na kedra dra na tamata yalododonu, kei na kedra dra na tamata era sa mate e na vuku i Jisu: ia ni ka'u a raica, ka'u a kurabui vakalevu kina.

Vakatakila 18:24

A sa kune e tikina na kedra dra na parofita, kei ira na tamata yalosavasava, kei na kedra dra ko ira kece era a vakamatei e vuravura.