Taniela 7:14 - Vakavakadewa Makawa

¹⁴ A sa soli vua na lewa, kei na vakarokoroko, kei na matanitu, me ra qaravi koya ko ira na tamata kece, kei na veivanua, kei na dui vosavosa; a nona lewa na lewa sa sega ni mudu, ena sega ni takali, kei na nona matanitu ena sega ni vakarusai.

Ai Vola Tabu (Vakadewa Makawa Vakavoutaki 2021)

¹⁴ A sa soli vua na lewa, kei na vakarokoroko, kei na matanitu, me ra qaravi koya ko ira na tamata kece, kei na veivanua, kei na dui vosavosa; a nona lewa na lewa sa sega ni mudu, ena sega ni takali, kei na nona matanitu ena sega ni vakarusai.

AI VOLA TABU

¹⁴ A sa mai soli vua na lewa, kei na vakarokoroko, kei na matanitu, ia na veimataqali kece, kei na veivanua, kei na dui vosavosa, era na qaravi koya: a nona lewa na lewa tawa mudu, ena sega ni takali, kei na nona matanitu ena sega ni vakarusai.

Vakavakadewa Vou kei na iVola tale eso

¹⁴ E kea, a sa la'ki soli kina vua na lewa, na dokai kei na kaukauwa vakatui ka rawa kina ni ra qaravi koya o ira na duikaikai kei na duivosavosa mai na veiyasana kecega. Na nona kaukauwa ena sega ni oti rawa, kei na nona matanitu ena bula tikoga ka sega ni mudu.

Ai Vola Tabu Ena Vakavakadewa Vou

¹⁴ E kea, a sa la'ki soli kina vua na lewa, na dokai kei na kaukauwa vakatui ka rawa kina ni ra qaravi koya o ira na duikaikai kei na duivosavosa mai na veiyasana kecega. Na nona kaukauwa ena sega ni oti rawa, kei na nona matanitu ena bula tikoga ka sega ni mudu.

Taniela 7:14 Iomraidhean Croise

NA SAME 102:22

Ni ra sa qai soqoni vata ko ira na veimataqali, Kei na veimatanitu, me ra qaravi Jiova.

NA SAME 103:19

Sa vakataudeitaka ko Jiova na nonai tikotiko vakaturaga mai lomalagi; Ka sa lewa na ka kecega na nona matanitu.

NA SAME 145:13

A nomuni matanitu sa tiko ga e na veigauna kecega ka sega ni mudu, Ka sa yacova nai tabatamata kecega na nomuni lewa.

NA SAME 146:10

Ena lewa tiko ko Jiova ka sega ni mudu, Io na nomu Kalou, ko iko Saioni, e nai tabatamata kecega. Dou ia vei Jiova na vakavinavinaka.

NA SAME 45:6

Ena sega ni mudu na nomuni tikotiko vakaturaga, na Kalou: Ai titoko ni caka dodonu nai titoko ni nomuni matanitu.

NA SAME 72:11

Ia ko ira kecega na tui, era na cuva vua: Era na qaravi koya na veimatanitu kecega.

NA SAME 72:17

Ena sega ni oti rawa na yacana: Ena tikotikoga na yacana ni sa tu na mata-ni-siga: Ka ra na vakalougatataki na tamata e na vukuna; Era na vosaveivakalougatataki koya na lewe ni veivanua kecega.

NA SAME 8:6

O ni sa lesi koya me lewa na cakacaka ni ligamuni; Ko ni sa vakamalumalumutaka e ruku ni yavana na ka kecega;

Aisea 16:5

Ena qai vakataudeitaki e na loloma nai tikotiko ni tui: ena tiko dei kina ko koya e na vale i Tevita, me ia na lewa, ka segata na lewa dodonu, ka vakusarawataka na kena caka dodonu.

Aisea 60:12

Ia na vanua kei na matanitu ena bese ni qaravi iko ena rusa; io, na veimatanitu ko ya ena vakalalataki sara ga.

Aisea 9:6

Ni sa sucu mai e dua na gone me noda, sa soli mai vei keda e dua na gonetagane: ena vakatau kivei koya na lewa; ena vakatokai na yacana ko Veivakurabuitaki, nai Vakavuvuli, na Kalou kaukauwa, na Tama ni gauna tawa mudu, na Tui ni Sautu.

Aisea 9:7

Ena sega ni oti na kena tubu na nona lewa kei na sautu, e nai tikotiko vakaturaga i Tevita, kei na nona matanitu, me vakataudeitaka, ka vakaukauwataka e na lewa dodonu kei nai valavala dodonu mai na gauna oqo ka yacova na gauna kecega. A lomakatakata i Jiova ni lewe vuqa ena vakayacora na ka oqo.

Taniela 2:35

Sa qai vorolaki vata na aironi, na tete, na parasa, na siliva, kei na koula, ka sa yaco me tautauvata kei na qa ni sila e na rara ni sila e na vula i matua; ka sa dui cagina tani yani, me sega ni kune tale: ia na vatu ka lauta na matakau, sa tubu me ulu-ni-vanua levu, ka roboti vuravura taucoko.

Taniela 2:37

Sai kemuni, na tui, na nodra tui na tui: ia ko koya na Kalou ni lomalagi sa solia vei kemuni na matanitu, kei na kaukauwa, kei na gumatua, kei na lagilagi.

Taniela 2:44

Ia e na nodra gauna na tui ko ya ena qai vakatura na Kalou ni lomalagi e dua na matanitu, ena sega sara ni vakarusai rawa: ia na matanitu ko ya ena sega ni biu tu me nodra na tamata tani, ia ena vurumemeataka ga ka vakaotia na veimatanitu oqori, ka na tu ga ka sega ni mudu.

Taniela 3:4

Sa qai dua na matanivanua sa kacivaka vakadomoilevu, ka vaka ne, Sa vakaroti vei kemudou, koi kemudou na tamata, na lewe ni veivanua, kei na dui vosavosa,

Taniela 4:3

Na kena levu ni nonai vakatakilakila! na kena kaukauwa ni nona ka mana! a nona matanitu na matanitu e sega ni mudu, kei na nona lewa mai nai tabatamata ka yaco ki nai tabatamata.

Taniela 6:26

E dua na lawa ka'u sa vakatura, ka vaka, E na veiyasana kecega e na noqu matanitu, me ra sautaninini ka rere ga na tamata e na mata ni Kalou i Taniela: ni sa Kalou bula ko koya, ka dei na nona tiko ka sega ni mudu, ia na nona matanitu ena sega ni ca rawa, kei na nona lewa ena yacova nai otioti.

Taniela 7:18

Ia ko ira na yalosavasava i Koya sa Cecere sara era na rawata na matanitu, ka ra na taukena na matanitu ka sega ni mudu, io ka sega sara ni mudu.

Taniela 7:27

Ia na matanitu kei na lewa, kei na kena levu ni veimatanitu e ruku i lomalagi taucoko, ena soli vei ira na yalosavasava nei Koya sa Cecere sara, a nona matanitu sa matanitu e sega ni mudu, ia ko ira na turaga kecega era na qaravi koya ka talairawarawa vua.

Opetaia 1:21

Ka ra na lako cake mai eso nai vakabula ki na ulu-ni-vanua ko Saioni me lewa na ulu-ni-vanua i Iso; ia na matanitu ena qai nei Jiova.

Maika 4:7

ia ka'u na cakavi ira era sa lokiloki me kena vo, kei ira era sa vakasavi tani vakayawa me matanitu kaukauwa: ia ena lewai ira tikoga ko Jiova e na ulu-ni-vanua ko Saioni, mai na gauna oqo, io, ka sega ni mudu.

Maciu 11:27

Sa solia mai vei au ko Tamaqu na ka kecega: ia ka sega e dua tale e kila na Luvena, a Tamana duaduaga, se dua tale e kila na Tamana, a Luvena duaduaga, kei koya sa vinakata na Luvena me vakatakilai koya vua.

Maciu 28:18

A sa lako mai ko Jisu ka vosa vei ira, ka kaya, Sa soli mai vei au na lewa kecega mai lomalagi kei vuravura.

Luke 1:33

ia ena lewa ko koya na mataqali i Jekope ka sega ni mudu; ena sega talega ni oti na nona matanitu.

Luke 10:22

Sa solia mai vei au ko Tamaqu na ka kecega; ia ka sega e dua tale e kila se ko cei na Luvena, a Tamaqu duaduaga; se ko cei na Tamaqu, a Luvena duaduaga, kei koya sa vinakata na Luvena me vakatakilai koya.

Joni 12:34

Sa kaya vua na lewe vuqa, Keimami a rogoca mai na vunau ni sa tiko vakadua na Karisito; ia ko sa kaya vakacava, Ena laveti cake na Luve ni tamata? ko cei na Luve ni tamata oqo?

Joni 3:35

Sa lomana na Luvena ko Tamana, a sa solia na ka kecega ki ligana.

Iperiu 12:28

Ia ni da sa rawata na matanitu sa sega ni vakayavalati rawa, me da taura matua na loloma sa soli, eda sa qarava vinaka kina na Kalou e na yalomatua kei na rere:

1 Pita 3:22

o koya sa lako ki lomalagi, a sa tiko e na liga i matau ni Kalou; ia sa vakamalumalumutaki tu vei koya ko ira na agilose, kei ira era sa lewa, kei ira era sa kaukauwa.

Vakatakila 1:6

a sa qisi keda me da tui ka bete vua na Kalou kei Tamana; me sa ia vei koya na vakarokoroko kei na lewa ka tawa mudu. Emeni.

Vakatakila 11:15

SA qai uvu davui nai kavitu ni agilose; a sa muri eso na vosa sa domo levu mai lomalagi, sa kaya, Na matanitu kei vuravura oqo sa qai yaco me nona na noda Turaga, a nei koya na nona Karisito; ia ena lewa ko koya ka sega ni mudu.

Vakatakila 17:14

O iratou oqo eratou na veivala kei na Lami, ia sa na rawai iratou na Lami: ni sa Turaga vei ira na turaga ko koya, kei na nodra Tui na tui: ia ena gumatua talega ko ira sa tiko vata kaya, era sa kacivi, ka digitaki, ka lomadina.

Vakatakila 3:21

Au na solia vua sa gumatua sara me tiko vata kei au e na noqu i tikotiko-vakaturaga, me vaka ka'u sa gumatua, ka tiko sobu e nai tikotiko vakaturaga nei Tamaqu.