Taniela 6:26 - Vakavakadewa Makawa

²⁶ E dua na lawa ka'u sa vakatura, ka vaka, E na veiyasana kecega e na noqu matanitu, me ra sautaninini ka rere ga na tamata e na mata ni Kalou i Taniela: ni sa Kalou bula ko koya, ka dei na nona tiko ka sega ni mudu, ia na nona matanitu ena sega ni ca rawa, kei na nona lewa ena yacova nai otioti.

Ai Vola Tabu (Vakadewa Makawa Vakavoutaki 2021)

²⁶ E dua na lawa ka'u sa vakatura, ka vaka, E na veiyasana kecega e na noqu matanitu, me ra sautaninini ka rere ga na tamata e na mata ni Kalou i Taniela: Ni sa Kalou bula ko koya, ka tudei na nona tiko ka sega ni mudu. Ia na nona matanitu ena sega ni vakacacani rawa, kei na nona lewa ena sega ni oti rawa.

AI VOLA TABU

²⁶ E dua na vunau kaʼu sa vakatura, ka vaka, E na veiqali kece ni noqu matanitu, me ra sautaninini ka rere ga na tamata e na mata ni Kalou nei Tanieli: ni sa Kalou bula ko koya, ka dei na nona tiko ka tawa mudu, ia na nona matanitu ena sega ni ca rawa, kei na nona lewa ena yacova nai otioti.

Vakavakadewa Vou kei na iVola tale eso

²⁶ Au sa vakaroti kemuni yani oqo na tamata yadua mai na veiyasana kecega ena noqu matanitu mo ni rerevaka ka rokova na Kalou i Taniela. “A Kalou bula o koya Ka na tui tikoga ka sega ni mudu. Ena sega ni vakarusai rawa na nona matanitu Ka na sega ni oti rawa na nona kaukauwa.

Ai Vola Tabu Ena Vakavakadewa Vou

²⁶ Au sa vakaroti kemuni yani oqo na tamata yadua mai na veiyasana kecega ena noqu matanitu mo ni rerevaka ka rokova na Kalou i Taniela. “A Kalou bula o koya Ka na tui tikoga ka sega ni mudu. Ena sega ni vakarusai rawa na nona matanitu Ka na sega ni oti rawa na nona kaukauwa.

Taniela 6:26 Iomraidhean Croise

Taniela 4:34

Ni sa oti na kena gauna, koi au ko Nepukanesa, ka'u a ta cake ki lomalagi, ia sa lesu tale mai vei au na lomaqu, ka'u a qai vakavinavinakataki Koya sa Cecere sara, io ko koya sa bula ka sega ni mudu ka'u a vakacaucautaka ka vakarokorokotaka, ia sa sega ni mudu na nona lewa, kei na nona matanitu mai nai tabatamata ka yaco ki nai tabatamata:

Luke 1:33

ia ena lewa ko koya na mataqali i Jekope ka sega ni mudu; ena sega talega ni oti na nona matanitu.

Taniela 7:14

A sa soli vua na lewa, kei na vakarokoroko, kei na matanitu, me ra qaravi koya ko ira na tamata kece, kei na veivanua, kei na dui vosavosa; a nona lewa na lewa sa sega ni mudu, ena sega ni takali, kei na nona matanitu ena sega ni vakarusai.

Taniela 4:3

Na kena levu ni nonai vakatakilakila! na kena kaukauwa ni nona ka mana! a nona matanitu na matanitu e sega ni mudu, kei na nona lewa mai nai tabatamata ka yaco ki nai tabatamata.

Taniela 3:29

O koya oqo sa dua kina na noqu lawa ka'u sa vakatura, ka vaka, Ko ira na tamata, se na vanua, se ko ira na duivosavosa kecega, sa na vosavakacacataka na Kalou i Setareki, kei Mesaki, kei Apeti-niko, era na tavai bulabula, ia na nodra veivale ena caka mei benubenu: ni sa sega tale na Kalou sa rawata me ia na veivakabulai vakaoqo.

Taniela 2:44

Ia e na nodra gauna na tui ko ya ena qai vakatura na Kalou ni lomalagi e dua na matanitu, ena sega sara ni vakarusai rawa: ia na matanitu ko ya ena sega ni biu tu me nodra na tamata tani, ia ena vurumemeataka ga ka vakaotia na veimatanitu oqori, ka na tu ga ka sega ni mudu.

NA SAME 29:10

Sa tiko e na waluvu ko Jiova; Io, sa tiko vakaturaga ko Jiova ka sega ni mudu.

NA SAME 2:11

Dou qaravi Jiova e na rere, Ka ia vata na reki kei na sautaninini:

Vakatakila 11:15

SA qai uvu davui nai kavitu ni agilose; a sa muri eso na vosa sa domo levu mai lomalagi, sa kaya, Na matanitu kei vuravura oqo sa qai yaco me nona na noda Turaga, a nei koya na nona Karisito; ia ena lewa ko koya ka sega ni mudu.

Roma 9:26

Ena yaco talega e na vanua sa kainaki kina eliu vei ira, Sa sega ni noqu tamata koi kemudou; Era na qai vakatokai kina me ra luve ni Kalou bula.

Malakai 3:6

Koi au ko Jiova, ka'u sa sega ni veivukiyaki; o koya oqo, dou sa sega kina ni rusa oi kemudou na Jekope.

Osea 1:10

Ia na kedrai wiliwili na Isireli ena vaka na mata ni nuku ni waitui, sa sega ni vakarauti se wili rawa; ia ena yaco, e na yasana ka kainaki kina vei ira, Dou sa sega ni noqu tamata, ena kainaki kina vei ira, Dou sa luve ni Kalou bula.

Taniela 7:27

Ia na matanitu kei na lewa, kei na kena levu ni veimatanitu e ruku i lomalagi taucoko, ena soli vei ira na yalosavasava nei Koya sa Cecere sara, a nona matanitu sa matanitu e sega ni mudu, ia ko ira na turaga kecega era na qaravi koya ka talairawarawa vua.

Jeremaia 10:10

ia ko Jiova ga na Kalou dina ko koya, na Kalou bula, kei na tui sa sega ni mudu: ni sa cudru ko koya, ena sautaninini ko vuravura, ia na veimatanitu ena sega ni vosota rawa na nona cudru.

Vakatakila 5:14

Ka ratou sa vakaemeni ko iratou na ka bula e le va. A ra sa cuva sobu ko ira na qase e lewe ruasagavulu ka va, ka vakarokoroko vei koya sa bula tikoga ka tawa mudu.

Vakatakila 4:10

sa qai cuva sobu ko ira na qase e lewe ruasagavulu ka va e na mata i koya sa tiko e nai tikotiko-vakaturaga, ka vakarokoroko vei koya sa bula ga ka tawa mudu, ka biuta na nodra i sala e na mata ni tikotiko-vakaturaga, ka kaya,

Jemesa 1:17

Sa lako maicake nai solisoli vinaka kecega kei nai solisoli kecega e yaga sara, a sa lako sobu mai vua na Tama ni rarama, a sa sega vua na veivukiyaki, se yaloyalo ni veigoleyaki.

Iperiu 12:29

ni sa bukawaqa caucaudre na noda Kalou.

Maciu 6:13

Ia kakua ni kauti keimami ki na vere, ka mo ni vakabulai keimami mai na ca: Ni sa nomuni na lewa, kei na kaukauwa, kei na vakarokoroko, ka sega ni mudu. Emeni.

Taniela 6:20

Ia ni sa torova na qara, sa kaci vakatagi vei Taniela: ka sa kaya vei Taniela na tui, I Taniela, na tamata ni Kalou bula, sa rawata li, na nomu Kalou, o koya ko sa qarava tikoga me vakabulai iko maivei ira na laioni?

Aisea 9:7

Ena sega ni oti na kena tubu na nona lewa kei na sautu, e nai tikotiko vakaturaga i Tevita, kei na nona matanitu, me vakataudeitaka, ka vakaukauwataka e na lewa dodonu kei nai valavala dodonu mai na gauna oqo ka yacova na gauna kecega. A lomakatakata i Jiova ni lewe vuqa ena vakayacora na ka oqo.

NA SAME 146:10

Ena lewa tiko ko Jiova ka sega ni mudu, Io na nomu Kalou, ko iko Saioni, e nai tabatamata kecega. Dou ia vei Jiova na vakavinavinaka.

NA SAME 119:120

Sa sautaninini na lewequ ni'u rere vei kemuni; Ka'u sa rerevaka na nomuni lewa.

1 Samuela 17:36

Au sa vakamatea ruarua na laioni kei na pera koi au na nomuni tamata: ia na kai Filisitia tawa cili oqo ena vaka e dua vei rau, ni sa bolea na nona mataivalu na Kalou bula.

1 Samuela 17:26

A sa taroga ko Tevita vei ira na tamata sa tu voleka vua, ka kaya, A cava na ka sa na caka vua na tamata sa na mokuta na kai Filisitia oqo, ka kauta tani nai rogorogo ca maivei ira na Isireli? ni sa tamata maivei ko la na kai Filisitia tawa cili oqo, me bolea na nona mataivalu na Kalou bula?

Vakarua 5:26

Ko cei li vei ira na tamata kecega sa rogoca vakataki keda na domo ni Kalou bula, ni sa vosa mai loma ni bukawaqa, a sa bula ga?

1 Cesalonaika 1:9

Ni ra sa tukuna ga ko ira e na vuku i keitou nai valavala ni neitou laki tiko vei kemudou, ni dou sa saumaki mai na veimatakau vua na Kalou, mo dou qarava na Kalou bula ka dina;

Cakacaka 17:25

a sa sega talega ni qaravi e na liga ni tamata, me vaka e bau yaga vua e dua na ka, ni sa solia ga ko koya vei keda kecega na bula, kei na cegu, kei na ka kecega;

Luke 12:5

Ia ka’u sa tukuna vei kemudou se ko cei mo dou rerevaka: Dou rerevaki koya sa rawata me vakamatea, ka oti sa rawata talega me biuta ki eli; io, au sa kaya vei kemudou, Dou rerevaki koya.

Aisea 66:2

Ia na ka kecega oqo sa bulia na ligaqu, ka sa tu mai na ka kecega oqo, sa kaya ko Jiova: ia na tamata oqo ka'u na goleva, io ko koya sa yalomalumalumu ka ramusu na yalona, ka sa rerevaka na noqu vosa.

Esera 1:3

O koya yadua vei ira kecega na nona tamata sa tiko vata kei kemudou me tiko kaya na nona Kalou, ka me lako cake ko koya ki Jerusalemi, mai Juta, ka tara na vale i Jiova na nodra Kalou na Isireli, (o koya ga na Kalou,) o koya sa tiko mai Jerusalemi.

Esera 7:21

Ia koi au ko Atakisekise na tui, au sa vakaroti ira kecega na dau-ni-yau mai tai kadua ni uciwai, me caka vakariri na ka kecega sa na kerea vei kemudou ko Esera na bete, na vunivola ni vunau ni Kalou ni lomalagi,

NA SAME 42:2

Sa viagunu vua na Kalou na yaloqu, io vua na Kalou bula: Au na rairai ninaica e na mata ni Kalou?