Taniela 6:22 - Vakavakadewa Makawa

²² A noqu Kalou sa tala mai na nona agilose, ka sa sogota vakaruburubu na gusudra na laioni, a ra sa sega kina ni vakacacani au: ni sa sega e dua na ka ca sa kunea vei au ko koya: ia sa sega talega na ka ca ka'u cakava e matamuni na tui.

Ai Vola Tabu (Vakadewa Makawa Vakavoutaki 2021)

²² Na noqu Kalou sa tala mai na nona agilosi, ka sa sogota na gusudra na laione, a ra sa sega kina ni vakacacani au, ni sa sega e dua na ka ca sa kunea vei au ko koya; ia sa sega talega na ka ca ka'u cakava e matamuni na tui.”

AI VOLA TABU

²² A noqu Kalou sa tala mai na nona agilose, a sa sogota vakaruburubu na gusudra na laioni, a sa sega kina ni ra vakacacani au: e na vuku ni sa ka dodonu ga vua sa kune vei au: io, e matamu talega, na tui, sa sega na ka ca kaʼu cakava.

Vakavakadewa Vou kei na iVola tale eso

²² Na noqu Kalou sa tala mai na nona agilosi me sogota na gusudra na laione me ra kakua kina ni vakamavoataki au. Oi kemuni na tui, a sa vakayacora ga na ka oqo baleta ni sa kila o koya ni sa sega na noqu cala, ka'u a sega talega ni caka cala vei kemuni.”

Ai Vola Tabu Ena Vakavakadewa Vou

²² Na noqu Kalou sa tala mai na nona agilosi me sogota na gusudra na laione me ra kakua kina ni vakamavoataki au. Oi kemuni na tui, a sa vakayacora ga na ka oqo baleta ni sa kila o koya ni sa sega na noqu cala, ka'u a sega talega ni caka cala vei kemuni.”

Taniela 6:22 Iomraidhean Croise

Vakatekivu 40:15

ni sa dina ka'u a butakoci mai na nodra vanua na Iperiu; eke talega, sa sega na ka ka'u sa cakava, me ra biuti au kina ki na vale butobuto.

2 Samuela 22:7

E na noqu rarawa ka'u a tagi vei Jiova, Ka'u sa tagi ga vua na noqu Kalou; A sa rogoca na domoqu ko koya mai na nona vale; A sa curuma na daligana na noqu tagi.

1 Tui 13:28

A sa lako ko koya, ka kunea na yagona sa biu no e na sala, kei na asa kei na laioni erau sa tu voleka ki na yagona: sa sega ni kania na yagona na laioni, se basuraka na asa.

2 Veigauna 32:21

Ka sa tala e dua na agilose ko Jiova, o koya sa vakamatea na tamata qaqa kecega, kei ira sa kenai liuliu kei ira sa kapiteni ni valu e na nonai valu na tui Asiria. A sa lesu kina ko koya ki na nona vanua, ka sa mata madua ga. Ia ni sa curu ko koya ki na bure ni nona kalou, eratou sa vakamatei koya e nai seleiwau e na tikina ko ya ko iratou eratou sa luvena dina.

NA SAME 118:28

Kemuni na noqu Kalou, ka'u na vakavinavinaka vei kemuni, Oi kemuni na noqu Kalou, ka'u na vakacaucautaki kemuni.

NA SAME 26:6

Au na vuluvulu ni ka'u sa sega ni cala: Ka'u na vakavolivolita vakakina na nomuni cabocabo-ni-soro, I Jiova:

NA SAME 31:14

Ia ka'u a vakararavi vei kemuni, Jiova; Ka'u a kaya, Oi kemuni ga na noqu Kalou.

NA SAME 34:7

Na agilose i Jiova, sa tiko vakavolivoliti ira era sa rerevaki koya, Ka sa vakabulai ira.

NA SAME 38:21

I Jiova, Kakua ni biuti au, Kemuni na noqu Kalou, kakua ni vakayawa vei au.

NA SAME 84:11

Ia na Kalou ko Jiova na mata-ni-siga kei nai sasabai: Ena solia ko Jiova na loloma kei na vakarokoroko: Ena sega ni bureitaka e dua na ka vinaka vei ira era sa lako vakadodonu.

Aisea 3:10

Dou kaya vua na yalododonu ena yaco ga vua na vinaka: ni ra na kania na vua ni nodra i valavala.

Aisea 63:9

e na nodra rarawa kecega sa rarawa kina ko koya, ia na agilose sa tiko e matana sa dauvakabulai ira: ni ra sa yalololoma ko koya, ka daulomani ira, sa dauvakabulai ira kina ko koya: ka sa keveti ira, ka kauti ira e na veisiga kece eliu:

Jeremaia 37:18

A sa baci kaya tale ko Jeremaia vei Setekaia na tui, A cava na ka ka'u sa cala kina vei kemuni, se vei ira na nomuni tamata turaga se vei ira na tamata oqo, ni dou sa biuti au ki na vale ni veivesu?

Taniela 3:28

Sa qai kaya ko Nepukanesa, Me vakacaucautaki ko koya na Kalou i Setareki, kei Mesaki, kei Apeti-niko, o koya sa tala mai na nona agilose, ka vakabulai iratou na nona tamata eratou sa vakararavi vua, ka sa vakatanitaka na vosa ni tui, ka sa bese ni solia na yagodratou, me qarava se vakarokoroko vua e dua tale na kalou, na nodratou Kalou duaduaga.

Taniela 6:20

Ia ni sa torova na qara, sa kaci vakatagi vei Taniela: ka sa kaya vei Taniela na tui, I Taniela, na tamata ni Kalou bula, sa rawata li, na nomu Kalou, o koya ko sa qarava tikoga me vakabulai iko maivei ira na laioni?

Taniela 6:23

Sa qai reki vakalevu na tui e na vukuna, ka sa kaya me ra kauti Taniela cake mai na qara. A sa qai kau cake mai na qara ko Taniela, a sa sega ni kune vua e dua na tikina e ca, ka ni sa vakabauta na nona Kalou.

Taniela 6:4

Ia ko ira na turaga lelevu kei ira na turaga lalai era sa qai qaqa me ra kunea e dua na ka e cala kina ko Taniela e na ka ni matanitu; ia era sa sega ni kunea rawa e dua na ka e caka vakatani, se dua na ka e cala kina; ni sa dina tikoga ko koya, ka sa sega e dua na nona cala se dua na ka ca me kune vua.

Taniela 6:7

Era sa bose vata kece na turaga lelevu ni matanitu, kei ira na kovana, kei na turaga lalai, kei na lewe ni bose, kei na turaga ni qali, me vakatura e dua na lawa ni tui, ka vakadreta e dua na sau tabu, ka vaka, O koya sa na kerea e dua na ka vua e dua na kalou se vua e dua na tamata ka bogi tolusagavulu, vei kemuni duaduaga, na tui; me sa biu ki na qara ni laioni.

Maika 7:7

Ia koi au, ka'u na rai ga vei Jiova; ka'u na waraki koya na Kalou, na noqu i vakabula: ena rogoci au na noqu Kalou.

Tiko mai na Lekutu 20:16

ia ni keimami a tagi vei Jiova, sa rogoca na domo i keimami ko koya, a sa tala na agilose, ka kauti keimami tani mai Ijipita; ka raica, keimami sa mai tiko e Ketesa, na koro e nai yalayala ni nomu vanua:

Maciu 27:46

Ia e nai kaciwa ni aua sa kaci ko Jisu e na domo levu, ka kaya, Ilai, Ilai, lama sapakicani? a kenai balebale, Noqu Kalou, noqu Kalou, ko sa biuti au e na vuku ni cava?

Cakacaka 12:11

Ia ni sa qai kila yalona ko Pita, sa kaya, Au sa qai kila dina sara, ni sa tala mai na nona agilose na Turaga, a sa vakabulai au mai na liga i Eroti, mai na nodrai naki kece talega na kai Jutia.

Cakacaka 24:16

Ia na ka oqo ka’u sa gumatua kina, me kakua e dua na siga e cala kina na lewa-ni-lomaqu vua na Kalou, se vei ira na tamata.

Cakacaka 27:23

ni sa tu voleka vei au e na bogi oqo e dua na agilose ni Kalou, o koya ka’u sa nona, o koya talega ka’u sa qarava,

2 Korinica 1:12

Ia oqo na ka keitou sa reki kina, nai tukutuku ni neitou lewa eloma, ni sa ia na neitou i valavala e vuravura oqo e na loma e dua bauga, kei na loma dina vua na Kalou, ka vakalevu sara vei kemudou, sa segai e na vuku vakavuravura, e na loloma ga ni Kalou.

2 Timoci 4:17

Ia sa tu vata kei au na Turaga, a sa vakaukauwataki au; me kilai sara e na vukuqu na ka sa vunautaki, me ra rogoca talega na veimatanitu kecega; ia kau a vakabulai mai na gusu ni laioni.

Iperiu 1:14

Era sa sega li ni yalo dauveiqaravi ko ira kecega, sa talai yani me qaravi ira era na yaco emuri mei taukei ni bula?

Iperiu 11:33

o ira, ni ra sa vakabauta, era sa vakamalumalumutaka na matanitu eso, era sa cakava na ka e dodonu, era sa rawata me nodra na veika ka yalataki, era sa tabonaka na gusu ni laioni,

1 Samuela 17:37

A sa kaya talega ko Tevita, Ko Jiova, o koya ka vakabulai au mai na liga ni laioni, kei na liga ni pera, ena vakabulai au ko koya mai na ligana na kai Filisitia oqo. A sa kaya vei Tevita ko Saula, Mo lako, ia ena lako vata kei iko ko Jiova.

1 Samuela 26:18

A sa kaya ko koya, A cava sa muria kina vakaoqo na nona tamata na noqu turaga? a cava ka'u sa cakava? se cava na ca sa tu vei au?