Taniela 6:16 - Vakavakadewa Makawa

¹⁶ Sa qai vosa na tui, ka ra sa kauti Taniela mai, ka biuta ki na qara ni laioni. Sa qai kaya vei Taniela ko koya na tui, A nomu Kalou o koya ko sa qarava tikoga, ena vakabulai iko.

Ai Vola Tabu (Vakadewa Makawa Vakavoutaki 2021)

¹⁶ Sa qai vosa na tui, ka ra sa kauti Taniela mai, ka biuta ki na qara ni laione. Sa qai kaya vei Taniela ko koya na tui, “Na nomu Kalou, o koya ko sa qarava tikoga, me qai vakabulai iko!”

AI VOLA TABU

¹⁶ Sa qai vosa na tui, a ra sa kauti Tanieli mai, ka biuta ki na qara ni laioni. A sa vosa na tui ka kaya vei Tanieli, A nomu Kalou o koya ko sa qarava tikoga, ena vakabulai iko ko koya.

Vakavakadewa Vou kei na iVola tale eso

¹⁶ A qai vakarota na tui me kau o Taniela ka la'ki viritaki ki na qara ni laione. Ia a vosa na tui vei Taniela ka kaya, “Me qai vakabulai iko na nomu Kalou, o koya o sa dau qarava ena yalodina.”

Ai Vola Tabu Ena Vakavakadewa Vou

¹⁶ A qai vakarota na tui me kau o Taniela ka la'ki viritaki ki na qara ni laione. Ia a vosa na tui vei Taniela ka kaya, “Me qai vakabulai iko na nomu Kalou, o koya o sa dau qarava ena yalodina.”

Taniela 6:16 Iomraidhean Croise

2 Samuela 3:39

Ia koi au, ka'u sa lumuti tu me'u tui, ia ka'u sa malumalumu ga edaidai oqo; ia eratou sa tamata dredre vei au ko iratou oqo na luve i Seruaia: me sauma ko Jiova na nona ca vei koya sa kitaka na ca.

Jope 5:19

E na ka rarawa e ono, ena vakabulai iko ko koya: Ia e na kenai kavitu, ena sega na ca me tauvi iko.

Vosavakaibalebale 29:25

Na rerevaka na tamata sa da tacori kina: Ia ko koya sa vakararavi vei Jiova ena tiko vinaka.

Aisea 41:10

kakua ni ko rere; ni'u sa tiko vata kei iko: kakua ni ko taqaya; ni'u sa nomu Kalou: ka'u na vakaukauwataki iko; io, ka'u na vukei iko; io, ka'u na tokoni iko e na ligaqu i matau sa daudina.

Aisea 43:2

Ni ko sa lako e loma ni wai, ka'u na tiko kei iko; kei na loma ni veiuciwai, ena sega ni luvuci iko: ni ko sa lako e loma ni bukawaqa, ena sega ni kani iko; ena sega talega ni kati iko na yameyame ni buka.

Jeremaia 26:14

Ia koi au, raica, dou sa qai tauri au: dou kitaka vei au me vaka sa vinaka ka dodonu vei kemudou:

Jeremaia 38:5

Sa qai kaya ko Setekaia na tui, Raica, sa tiko ga vei kemudou ko koya: ni sa sega ni cakava rawa e dua na ka vei kemudou ko koya na tui.

Jeremaia 38:6

Era sa qai kauti Jeremaia, ka biuta ki na dua nai keli nei Malikaia na luve i Ameleki mai na lomanibai ni vale ni veivesu: ka ra sa tukuci Jeremaia sobu e na dali. Ia sa sega na wai e nai keli, na lolobo ga: a sa tu ko Jeremaia e na lolobo.

Jeremaia 39:17

ia ka'u na vakabulai iko e na siga ko ya, sa kaya ko Jiova: io ko na sega ni soli ki na ligadra na tamata ko sa rerevaka:

Taniela 3:15

Dou rogoca mada, kevaka dou na vakarau tu e na tiki-ni-siga dou na rogoca kina na domo ni koneti, na bitu-ni-vakatagi, na api, na lali e vakawa, na soliteri, na pakipaipi, kei na ka kecega sa rogo vinaka, mo dou cuva sobu ka vakarokoroko ki na matakau ka'u sa cakava, sa vinaka: ia, kevaka dou na bese ni vakarokorokotaka, e na tiki-ni-siga ko ya dou na biu ga ki na loma ni lovo ni bukawaqa; ia ko cei na kalou ko ya me na vakabulai kemudou mai na ligaqu?

Taniela 3:17

Ke sa vakaoqori, ko koya na neitou Kalou o koya keitou sa qarava sa rawata me vakabulai keitou mai na lovo ni bukawaqa, ia ena vakabulai keitou mai na ligamuni, na tui.

Taniela 3:28

Sa qai kaya ko Nepukanesa, Me vakacaucautaki ko koya na Kalou i Setareki, kei Mesaki, kei Apeti-niko, o koya sa tala mai na nona agilose, ka vakabulai iratou na nona tamata eratou sa vakararavi vua, ka sa vakatanitaka na vosa ni tui, ka sa bese ni solia na yagodratou, me qarava se vakarokoroko vua e dua tale na kalou, na nodratou Kalou duaduaga.

Taniela 6:20

Ia ni sa torova na qara, sa kaci vakatagi vei Taniela: ka sa kaya vei Taniela na tui, I Taniela, na tamata ni Kalou bula, sa rawata li, na nomu Kalou, o koya ko sa qarava tikoga me vakabulai iko maivei ira na laioni?

Taniela 6:7

Era sa bose vata kece na turaga lelevu ni matanitu, kei ira na kovana, kei na turaga lalai, kei na lewe ni bose, kei na turaga ni qali, me vakatura e dua na lawa ni tui, ka vakadreta e dua na sau tabu, ka vaka, O koya sa na kerea e dua na ka vua e dua na kalou se vua e dua na tamata ka bogi tolusagavulu, vei kemuni duaduaga, na tui; me sa biu ki na qara ni laioni.

Cakacaka 24:27

Ia ni sa oti e rua na yabaki, sa lako mai ko Porisiu Fesito mei sosomi kei Filikesa: ka ni sa vinakata ko Filikesa me vakayalovinakataki ira na Jiu vua, sa biuti Paula me vesu tu ga.

Cakacaka 25:11

Kevaka ka’u sa tamatai valavala ca, se’u kitaka e dua na ka e dodonu me’u mate kina, au sa sega ni bese ni mate: ia kevaka e sega na veika oqo era sa beitaki au kina, sa sega e dua e rawata me soli au vei ira. Au sa cavuti Sisa me lewai au.

Cakacaka 25:9

Ia ni sa vinakata ko Fesito me vakayalovinakataki ira na Jiu, sa vosa vei Paula, ka kaya, O sa vinakata mo lako cake ki Jerusalemi, mo lewai kina e mataqu e na veika oqo, se segai?

Roma 13:3

Ko ira na turaga era sa sega ni vu ni rere vei ira sa caka vinaka, vei ira ga sa caka ca: o sa qai gadreva li mo sega ni rerevaka na turaga? mo kitaka na ka e vinaka, ena qai dokai iko kina ko koya:

2 Korinica 1:10

o koya ka vakabulai keitou mai na mate levu ko ya, ka na vakabula tikoga: o koya talega keitou sa vakararavi kina ni na vakabula tikoga;