Taniela 6:10 - Vakavakadewa Makawa

¹⁰ Ia ni sa kila ko Taniela sa volai oti nai vola, sa curu ki na nona vale; ka ni sa dola tu na katuba ni nona loqi me donui Jerusalemi, sa tekiduru e duruna vakatolu e na veisiga, me masu, ka vakavinavinaka vua na nona Kalou, me vaka sa daucakava eliu ko koya.

Ai Vola Tabu (Vakadewa Makawa Vakavoutaki 2021)

¹⁰ Ia ni sa kila ko Taniela sa volai oti nai vola, sa curu ki na nona vale; ka ni sa dola tu na katuba ni nona loqi me donui Jerusalemi, sa tekiduru e duruna vakatolu e na veisiga, me masu, ka vakavinavinaka vua na nona Kalou, me vaka sa dau cakava eliu ko koya.

AI VOLA TABU

¹⁰ Ia ko Tanieli ni sa kila ni sa volai nai vola, sa curu ki na nona vale; ia na nona katuba ni sa dola tu e nona loqi me donui Jerusalemi, sa vakatolu e na veisiga na nona vakatekiduru e duruna, me masu, ka vakavinavinaka e na mata ni nona Kalou, me vaka ni sa daucakava eliu.

Vakavakadewa Vou kei na iVola tale eso

¹⁰ Ia sa kila o Taniela ni sa sainitaki oti na lawa vou, a sa qai lako ki na nona vale. Ena rumu ni tabavale e cake ni nona vale, a tiko kina e tolu na katuba ka qara tu vaka ki Jerusalemi. Ena rumu oqori, a sa tekiduru sobu ena mata ni katubaleka sa dola tu o Taniela, ka masu vakatolu vua na Kalou ena veisiga me vaka na nona i valavala.

Ai Vola Tabu Ena Vakavakadewa Vou

¹⁰ Ia sa kila o Taniela ni sa sainitaki oti na lawa vou, a sa qai lako ki na nona vale. Ena rumu ni tabavale e cake ni nona vale, a tiko kina e tolu na katuba ka qara tu vaka ki Jerusalemi. Ena rumu oqori, a sa tekiduru sobu ena mata ni katubaleka sa dola tu o Taniela, ka masu vakatolu vua na Kalou ena veisiga me vaka na nona i valavala.

Taniela 6:10 Iomraidhean Croise

1 Tui 8:30

Ia mo ni rogoca na noqu kerekere na nomuni tamata, kei na nodra na nomuni tamata na Isireli, ni ra na masu e na tikina oqo: ia mo ni rogoca mai lomalagi, na yasana ko ni sa tiko kina: ia ni kemuni sa rogoca, mo ni kakua ni cudru.

1 Tui 8:38

na masu kecega kei na kerekere kecega sa na ia e dua na tamata, se ko ira kecega na nomuni tamata na Isireli, ni sa kila na tamata yadua ka kena ca ni yalona, a sa dodoka yani na ligana vaka ki na vale oqo;

1 Tui 8:44

Kevaka era sa lako yani ko ira na nomuni tamata me ra vala kei ira na nodra meca, e na sala kecega ko ni na talai ira kina, ka ra sa masu vei Jiova, vaka ki na koro oqo ko ni a digitaka, kei na vale ka'u sa tara oti ki na yacamuni:

1 Tui 8:54

Ia ni sa vakaotia kece ko Solomoni na masumasu kei na kerekere oqo, vei Jiova, sa tu cake ko koya mai na mata ni cabocabo-ni-soro i Jiova, ka sa kua ni tekiduru tiko ka sa dodo tu na ligana ki lomalagi.

2 Veigauna 6:13

(ni sa cakava oti ko Solomoni e dua nai tutu parasa, sa lima na kiupiti na kena balavu, ka lima na kiupiti na kena raraba, ka tolu na kiupiti na kena cecere, a sa vakatikora e loma ni rara vakabai: a sa tu mada ko koya e delana, ka qai vakatekiduru sobu e na matadra nai soqosoqo taucoko ni Isireli, a sa dodoka yani na ligana ruarua vaka ki lomalagi:)

2 Veigauna 6:38

a ra sa lesu vei kemuni e na lomadra taucoko, kei na vu ni yalodra taucoko, e na vanua era sa tiko vakabobula kina, ka masu ni ra rai vaka ki na nodra vanua ko ni a solia vei ira na nodra qase, na koro ko ni sa digitaka, kei na vale ka'u sa tara oti ki na yacamuni;

Esera 9:5

Ia ni sa vakacabori nai soro e na yakavi, au sa tu cake e na noqu rarawa; ka sa dresulaki tu na noqu i sulu kei na noqu i tutuvi, ka'u sa qai vakatekiduru, ka dodoka yani na ligaqu vei Jiova na noqu Kalou;

Niemaia 6:11

Au a qai kaya, Me dro li na tamata e vakataki au? ia ko cei beka, ni sa vakataki au tiko, me via curu ki na vale ni soro me vakabulai koya? Au na sega ni curu kina.

NA SAME 34:1

Au na vakavinavinaka vei Jiova e na gauna kecega; Ena tikotiko ga e na gusuqu na vakamolimoli vua.

NA SAME 5:7

Ia koi au, e na vuku ni nomuni loloma levu, ka'u na curu ki na nomuni vale; Ka'u na cuva vaka ki na nomuni vale tabu ni'u sa rerevaki kemuni.

NA SAME 55:17

E na yakavi, kei na mataka, kei na siga levu, ka'u na masu, ka tagi vakadomoilevu: Ka na rogoca na domoqu ko koya.

NA SAME 86:3

Mo ni yalololoma mai vei au, kemuni na Turaga: Ni'u sa tagi vei kemuni e na veisiga.

NA SAME 95:6

Tou mai lotu ka cuva sobu: Tou mai vakatekiduru e na mata i Jiova, o koya ka buli keda.

Taniela 6:13

Sa ra qai kaya vua na tui, Ko Taniela ko ya vei ira na Juta ka vakabobulataki mai sa sega ni vakarorogo vei kemuni, na tui, se muria na sau ko ni sa vola, sa ia ko koya na nona masumasu vakatolu e na veisiga.

Taniela 9:4

ia ka'u a masu vei Jiova na noqu Kalou, ka vakatusa vua, ka kaya, Kemuni na Turaga, na Kalou levu ka rerevaki, ka vakabauta tiko na veiyalayalati kei na loloma vei ira sa lomani koya, kei ira sa vakabauta na nona vunau;

Jona 2:4

Ia koi au ka'u a kaya, Au sa vakasevi tani mai na matamuni; Ia ka'u na goleva tale na nomuni vale tabu.

Marika 3:3

Sa qai kaya ko koya vua na tamata sa malai na ligana, Tu cake mai.

Luke 14:26

Kevaka e dua sa lako mai vei au ka sega ni cata na tamana, kei na tinana, kei na watina, kei ira na luvena, kei ira na tuakana kei na tacina, kei ira na ganena kei na nona bula talega, ena sega ni rawa me noqu tisaipeli.

Luke 22:41

A sa sudra tani vei ira e vaka na kena yawa e viritaki e dua na vatu, a sa tekiduru ka masu,

Cakacaka 10:9

Ia e na mataka, ni ratou sa lako tu e na gau-ni-sala, ka toro voleka ki na koro, sa cabe cake ki dela ni vale ko Pita me masu e nai kaono ni aua;

Cakacaka 2:15

ni ra sa sega ni mateni ko ira oqo, me vaka na ka dou sa nanuma; ni sa kenai katolu ga ni aua.

Cakacaka 20:24

Ia ka’u sa sega sara ni nanuma na noqu bula me ka talei vei au ka me’u vakaotia ga na noqu cakacaka kei nai tavi ka solia mai vei au na Turaga ko Jisu, me’u vakatakila nai tukutuku-vinaka ni loloma ni Kalou.

Cakacaka 20:36

Ia ni sa vosa oti vakaoqo ko koya sa tekiduru, ka masu vata kei ira vakaaduaga.

Cakacaka 21:5

Ia ni keitou sa vakaotia na veisiga ko ya, keitou a qai cavu tu ka lako yani: a sa talatala vei keitou ko ira kecega kei ira na watidra, kei ira na luvedra, keitou sa yaco mada ki nai bili ni koro, keitou sa qai tekiduru e matasawa, ka masu.

Cakacaka 3:1

Ia erau sa lako vata ko Pita kei Joni ki na vale ni soro e na aua sa dauia kina na masumasu, e na kenai kaciwa.

Cakacaka 4:29

Ia oqo, Kemuni na Turaga, mo ni raica na nodra vosa vakacudrucudruya, ka solia kivei ira na nomuni talatala, me ra doudou vakalevu ni ra tukuna na nomuni vosa,

Cakacaka 5:20

Dou lako, ka laki tu e na vale ni soro, ka tukuna vei ira na tamata na vosa kecega ni Bula oqo.

Cakacaka 5:29

Sa qai vosa ko Pita kei iratou nai apositolo, ka kaya, Sa kilikili kei keitou me keitou talairawarawa vua na Kalou, me kakua ga vei ira na tamata.

Cakacaka 7:60

A sa tekiduru sobu ko koya, a sa kaci e na domo levu, Kemuni na Turaga, kakua ni cudruvi ira e nai valavala ca oqo. Ia ni sa vosa oti vakaoqo, sa qai moce.

Cakacaka 9:40

A sa vakatalai ira kece yani ko Pita, ka sa tekiduru, ka masu; ka sa vuki vaka ki na yago, ka kaya, Tapaica, tu cake. A sa cereka na matana: ia ni sa kunei Pita, sa qai duri cake ko koya.

Efeso 3:14

E na vuku ni ka oqo kau sa tekiduru kina vei koya na Tamada,

Filipai 1:14

a ra sa lewe vuqa na veiwekani era sa tu vata kei na Turaga, era sa gumatua mai niu sa vesuki tu, a ra sa doudou cake kina me ra tukuna na Vosa ni Kalou ka sega ni rere.

Filipai 1:20

me vaka na ka kau sa dauwaraka ka vakanuinuitaka meu kakua ni madua e na dua na ka, meu doudou sara ga, me vaka eliu, me vakakina edaidai me vakalevulevui na Karisito e na vuku ni yagoqu, se sa bula, se sa mate.

Filipai 4:6

Dou kakua sara ni lomaocaoca; ia e na ka kecega me vakatakilai vua na Kalou na nomudou kerekere e na masu kei na dau cikecike kei na vakavinavinaka.

Kolosa 3:17

Ia na ka kecega dou sa kitaka, se dou vosa se dou cakacaka, me ia kece e na yaca ni Turaga ko Jisu, ko koya dou sa ia tiko kina na vakavinavinaka vua na Kalou na Tamada.

Iperiu 13:15

Ia ko koya oqo me da qai vakacabora tikoga nai madrali ni vakavinavinaka vua na Kalou e na vukuna, oqori na vua ni tebenigusuda, ni da tusanaka na yacana.

Iperiu 4:16

E na vuku ni ka oqori tou toro doudou kina ki nai tikotiko-vakaturaga loloma, me da vinakati kina, me da lomani talega ka vukei e na gauna e yaga kina.

Vakatakila 2:10

Kakua ni rerevaka e dua na ka ko na vosota: raica, na tevoro ena biuti kemudou eso ki na vale ni veivesu, mo dou vakatovolei kina; ia dou na vakararawataki ka bogi tini: dou gumatua mo dou yacova na mate, au na qai solia vei kemudou nai sala ni bula.

Vakatakila 2:13

Au sa kila na nomu cakacaka, kei na yasana ko sa tiko kina, sa tiko talega kina nai tikotiko i Setani: ia ko sa taura matua na yacaqu, ia ko sa sega ni cakitaka na noqu lotu e na siga sa vakatusai au dina kina ko Anitipasa, o koya sa vakamatei e na kemudou maliwa, a yasana sa tiko kina ko Setani.