Taniela 5:6 - Vakavakadewa Makawa

⁶ Sa qai dua tani mai nai rairai ni matana na tui, ka sa vakidroataki koya na nanuma ni lomana, sa qai tasere nai sema ni tolona, ka sa dui veiyaviti na duruna.

Ai Vola Tabu (Vakadewa Makawa Vakavoutaki 2021)

⁶ Sa qai duatani mai nai rairai ni matana na tui, ka sa vakidroataki koya na nanuma ni lomana, sa qai tasere nai sema ni tolona, ka sa dui veiyaviti na duruna.

AI VOLA TABU

⁶ Nai serau ni tui sa qai dua tani mai, kei na nanuma ni lomana sa vakidroataki koya, kei na uaua ni tolona sa qai tasere mai, kei na duruna sa dui veiyaviti.

Vakavakadewa Vou kei na iVola tale eso

⁶ A vulaci na yago ni tui ka sautaninini na duruna ena levu ni nona rere.

Ai Vola Tabu Ena Vakavakadewa Vou

⁶ A sa vulaci na yago ni tui ka sautaninini na duruna ena levu ni nona rere.

Taniela 5:6 Iomraidhean Croise

NA SAME 22:14

Au sa sovaraki yani me vaka na wai, Ka sa mavule kecega nai sema ni suiqu: Sa vaka na drega ni vola na yaloqu, Sa waicala e loma ni ketequ.

NA SAME 69:23

Me vakabutobutotaki na matadra, me ra kakua ni rai rawa; Ia mo ni vakasautanininitaka tikoga na tolodra.

Aisea 35:3

Dou vakaukauwataka na ligadra era malumalumu, ka vakataudeitaka na durudra sa tuninini.

Aisea 5:27

Sa sega vei ira sa malumalumu se tidara; sa sega ena sosovu se moce; ia nai vau ni tolodra ena sega ni tasere, kei na wa ni nodra i vava ena sega ni cavuka.

Jeremaia 50:43

Sa rogoca ko tui Papiloni na kedrai rogorogo, a sa malumalumu mai na ligana: sa kani koya na rarawa, kei na yaluma, me vaka na yalewa sa taratara.

Isikeli 21:7

Ia ni ra sa kaya vei iko, A cava ko sa vutugu kina? mo qai kaya, E na vuku ni dua nai rogorogo; ni sa voleka mai: ia ena waicala na loma ni tamata kecega, ka na wadamele na ligadra kecega, ka na ceguoca na yalodra kecega, ia ena vaka na wai na durudra kecega: raica, sa lako tiko mai, ka na vakayacori, sa kaya na Turaga ko Jiova.

Isikeli 7:17

A ligadra kece ena wadamele, a durudra kece talega ena vaka na wai.

Taniela 2:1

Ia e nai karua ni yabaki ni lewa i Nepukanesa sa tadrataka e dua na tadra ko Nepukanesa, a sa kidroa kina na yalona, ia sa sega ni moce rawa.

Taniela 3:19

Sa qai cudru vakalevu sara ko Nepukanesa, ia sa dua tani mai nai tovo ni matana vei Setareki, kei Mesaki, kei Apeti-niko: ka sa vakarota ko koya, me vakatakatataki na lovo me uasivi cake vakavitu na kena daukatakata.

Taniela 4:19

Ia ko Taniela, na yacana ko Pelitisasari, sa qai kidacala tiko ka dua na tiki-ni-siga, ia sa kidroa ko koya e na nanuma ni lomana. Sa qai kaya na tui vei Pelitisasari, mo kakua ni kidroa e na tadra, se na kenai balebale. Sa vosa ko Pelitisasari, ka kaya, Noqu turaga, me yacovi ira sa cati kemuni na tadra oqo, kei na kenai balebale, vei ira na nomuni meca.

Taniela 4:5

ka'u a tadrataka e dua na tadra sa vakarerei au, ia na nanuma ni lomaqu e na noqu i mocemoce kei na raivotu ka'u sa raica sa vakidroataki au.

Taniela 5:5

Ia e na tiki-ni-siga ko ya sa rairai nai qaqalo ni liga ni tamata, ka volavola ki nai botani lase ni lalaga ni vale levu ni tui ka me donuya nai tutu-ni-cina: ia sa raica ko koya na tui na tiki ni ligana ka volavola.

Taniela 7:28

Sa vaka tu oqo na kenai tinitini ni ka ko ya. Ia koi au ko Taniela, sa vakidroataki au vakalevu sara na nanuma ni lomaqu, ka sa dua tani mai vei au na mataqu: ia ka'u a maroroya ga e lomaqu.

Neumi 2:10

Sa lala, sa lala didi, sa lala didi sara: ia na yalodra sa waicala, ka sa dui veiyaviti na durudra, sa yaluma kece sara talega na tolodra, ia sa ceacea sara na matadra kecega.

Iperiu 12:12

O koya oqo mo dou qai vakaukauwataka na liga sa wadamele, kei na duru sa malumalumu;