Taniela 5:23 - Vakavakadewa Makawa

²³ ko ni sa vakalevulevui kemuni vei koya na Turaga ni lomalagi, ka ra sa kauta mai ki matamuni na bilo ni nona vale, ka kemuni sa gunu waini mai kina, kei ira na nomuni tamata turaga, na watimuni dina, kei na watimuni lalai, ia kemuni sa vakacaucautaka na kalou siliva, kei na kalou koula, na kalou parasa, na kalou aironi, na kalou kau, kei na kalou vatu, na ka ka sega ni rai, se rogo, se kila ka rawa: ia na Kalou, sa tiko e ligana na nomuni cegu, ka sa lewa na nomuni lakolako kece, ko ni sa sega ni doka:

Ai Vola Tabu (Vakadewa Makawa Vakavoutaki 2021)

²³ Ko ni sa vakalevulevui kemuni vei koya na Turaga ni lomalagi, ka ra sa kauta mai ki matamuni na bilo ni nona vale, ka kemuni sa gunu waini mai kina, kei ira na nomuni tamata turaga, na watimuni dina, kei na watimuni lalai, ia kemuni sa vakacaucautaka na kalou siliva, kei na kalou koula, na kalou parasa, na kalou kaukamea, na kalou kau, kei na kalou vatu, na veika ka sega ni rai, se rogo, se kila-ka rawa; ia na Kalou ka sa tiko e ligana na nomuni cegu, ka sa lewa na nomuni lakolako kece, ko ni sa sega ni doka.

AI VOLA TABU

²³ ia vua na Turaga ni lomalagi ko sa vakalevulevui iko ga; na bilo ni nona vale era sa kauta mai ki matamu, ia ko iko, kei na kemu turaga, na watimu dina, kei na watimu lalai, dou sa gunu waini maikina; ia na kalou siliva, ka koula, na parasa, na aironi, na kau, kei na vatu, sa sega ni rai, se rogo, se kila rawa, ko sa vakacaucautaka: ia na Kalou, sa nomu cegu e sa tiko e ligana, kei na nomui lakolako kece e sa nona, ko sa tawa vakarokorokotaka:

Vakavakadewa Vou kei na iVola tale eso

²³ O sa kitaka ga na ka ca vua na Turaga ni lomalagi ka vakacuruma mai ki na vale oqo na bilo era sa kau mai na nona vale tabu. O iko, o ira na nomu turaga, o ira a watimu kei ira na watimu lailai o ni sa gunu waini ena bilo kecega oqo ka vakavinavinaka vei ira na kalou koula, na kalou siliva, na kalou parasa, na kalou kaukamea, na kalou kau kei na kalou vatu, na kalou era sa sega ni rai se rogo, ka sega na ka era kila. Ia o iko o sa sega ni doka na Kalou, o koya sa lewa na nomu bula kei na veika kecega o vakayacora.

Ai Vola Tabu Ena Vakavakadewa Vou

²³ O ni sa vakacerecerei kemuni cake mai vua na Turaga ni lomalagi ka vakacuruma mai ki na vale oqo na bilo era a kau mai na nona Valenisoro. Oi kemuni, o ira na nomuni turaga, o ira na watimuni kei ira na watimuni lailai o ni sa gunu waini ena bilo kecega oqo ka vakavinavinaka vei ira na kalou era buli ena koula, siliva, parasa, kaukamea, kau, kei na vatu — na veikalou era sa sega ni rai se rogo, ka sega na ka era kila. Ia oi kemuni sa sega ni doka na Kalou ka vakatulewataka se mo ni bula se mate, ka lewa na veika kecega o ni vakayacora.

Taniela 5:23 Iomraidhean Croise

Vakatekivu 14:19

A sa vosavakalougatataki koya, ka kaya, Sa kalougata ko Eparama vua na Kalou Cecere Sara, ko koya sai taukei kei lomalagi kei vuravura;

Vakatekivu 2:7

A sa bulia na tamata na Kalou ko Jiova mai na kuvu ni qele, ka ceguva ki na ucuna nai cegu ni bula, a sa yaco kina na tamata me yalo bula.

2 Tui 14:10

E dina ko sa mokuti ira na Itomi, ka ko sa yalolevu kina: mo marautaka mada, ka tiko ga mai nomu vale: a cava ko sa tara kina na ka ca mo bale kina, io ko iko, kei ira vata kei iko na Juta?

Jope 12:10

Sa tiko e ligana na nodra i cegu na ka kecega sa bula, Kei na yalodra na tamata kecega.

Jope 31:4

Sa sega beka ni raica na noqu i lakolako ko koya, Ka wilika kecega nai cavucavu ni yavaqu?

NA SAME 104:29

O ni sa vunia na matamuni, era sa qai leqa: O ni sa kauta tani na nodra i cegu, era sa qai mate, Ka ra lesu tale me kuvu-ni-soso.

NA SAME 115:16

Na lomalagi io na lomalagi sa nei Jiova: Ia sa solia na vuravura ko koya me nodra na luve ni tamata.

NA SAME 139:3

O ni sa vakatovolea na noqu i lakolako kei na noqu i kotokoto, A sa kila deivaka na noqu i valavala kecega.

NA SAME 146:4

Sa lako tani na nonai cegu, a sa suka ko koya ki na kena qele; E na siga dina ko ya sa oti na ka e vakanananu kina.

Vosavakaibalebale 20:24

Sa vu maivei Jiova na nonai lakolako na tamata; Ia mo qai kila vakaevei na tamata na nona sala?

Aisea 13:11

Ia ka'u na cudruvi vuravura e na vuku ni kena ca, kei na tamata caka cala e na vuku ni nodra i valavala ca; ka'u na muduka talega na nodra viavialevu na yalolevu, ka vakasivoya na nodra viaviaturaga era daurerevaki.

Aisea 14:13

Io ko a kaya e lomamu, Ka'u na cabe ki lomalagi, ka'u na vakaceceretaka na noqu i tikotiko me cecere ka lolovira na kalokalo ni Kalou: ka'u na tiko talega mai na dela ni ulu-ni-vanua ni soqoni, e na tikina ki na tokalau:

Aisea 2:12

Ia ena dua na siga i Jiova ni lewe vuqa vei ira kecega era sa yalolevu ka viavialevu, kei ira kecega era sa vakaceceretaki; ia ena vakamalumalumutaki:

Aisea 33:10

Oqo ka'u sa qai tu cake, sa kaya ko Jiova, oqo ka'u na sa qai vakalevulevui; oqo ka'u na sa qai vakaceceretaki au.

Aisea 37:19

a ratou sa biuta ki na bukawaqa na nodra kalou: ni ra sa sega ni kalou, na cakacaka walega ni liga ni tamata, na kau kei na vatu: ia eratou sa vakarusai ira kina.

Aisea 37:23

Ko sa vosavakacacataki cei, ka vakalialia? ia vei cei beka ko sa tabalaka na domomu, ka ta cake kina? vei Koya ga na Yalosavasava i Isireli.

Aisea 42:5

Sa vosa vakaoqo na Kalou ko Jiova, o koya ka bulia na lomalagi, ka tevuka; o koya ka tevuka talega na vuravura, kei na ka sa vakatubura; ko koya sa solia vei ira na tamata e tiko kina na nodra i cegu, kei na yalodra era sa lako voli kina:

Jeremaia 10:23

Kemuni Jiova, au sa kila, ni sa sega ni vu mai vua na tamata na nona sala: sa sega ni vu mai vua na tamata sa lako tu me lewa na nonai lakolako:

Jeremaia 48:26

Dou vakamatenitaki koya: ni sa vakalevulevui koya vei Jiova, ia ena qiqi tu ko Moapi e na nona lua, ia ena dredrevaki talega ko koya.

Jeremaia 50:28

A domodra era sa dro ka se tani mai na vanua vaka-Papiloni, me tukuna yani ki Saioni na veisausaumi ka ia ko Jiova na noda Kalou, na veisausaumi ni nona vale tabu!

Jeremaia 50:29

Kacivi ira mai ki Papiloni era dauvanavana: koi kemudou kece sa yavia na dakai, dou mai buku na kena lawa; me kakua e dro bula: dou sauma vua me vaka na nona cakacaka; me vaka na ka kece sa cakava, dou cakava vakakina vua: ni sa yaloviavialevu vei Jiova ko Koya, io vei koya na Yalosavasava ni Isireli.

Isikeli 28:17

Sa laveti cake na lomamu e na vuku ni nomu lagilagi, o sa vakacacataka na nomu vuku ni ko sa matavinaka: ka'u na viritaki iko ki na qele, ka'u na laivi iko tu e matadra na tui, me ra raici iko.

Isikeli 28:2

Ko iko na luve ni tamata, mo kaya vua na tui Taia, Sa kaya vakaoqo na Turaga ko Jiova; Ni sa viavialevu na lomamu, ka ni ko sa kaya talega, Koi au sa dua na Kalou Ka'u sa tiko e nai tikotiko ni Kalou, e na loma ni wasawasa; ia ko sa tamata ga, ko sa sega ni Kalou, ka ko sa nanuma na lomamu ni sa loma ni Kalou:

Isikeli 28:5

ni sa levu na nomu vuku kei na nomu dauveivoli ko sa vakalevutaka kina na nomu i yau, ia sa viavialevu na lomamu e na vuku ni nomu i yau.

Isikeli 31:10

O koya oqo sa kaya kina na Turaga ko Jiova: Ni ko sa laveti iko cake mo cecere, ka sa vakatura na tuvukana ko koya e na maliwa ni taba ni kau lalai, ka sa laveti cake na lomana ni sa cecere ko koya;

Taniela 11:12

Ia ni sa kauti ira tani na lewe vuqa ko koya, ena laveti cake na lomana, ka na sa vakabalea na lewe udolu vakatini: ia ena sega ni kaukauwa kina ko koya.

Taniela 4:37

Ia koi au ko Nepukanesa ka'u sa qai vakavinavinakataka ka vakalevulevuya ka vakarokorokotaka na Tui kei lomalagi, ni sa dinadina kecega na nona cakacaka, ka sa dodonu na nonai valavala: ia ko ira era viavialevu voli sa rawa vua me vakamalumalumutaka.

Taniela 8:11

Io sa viavialevu talega ko koya vua na turaga ni vavakoso, ka sa kauta tani nai soro ni veisiga, ka sa biu wale na tikina ni nona vale tabu.

Apakuki 2:4

Raica, o koya sa viavialevu sa sega ni dodonu na yalona e lomana: ia ko koya sa yalododonu ena bula e na nona vakabauta.

Cakacaka 17:25

a sa sega talega ni qaravi e na liga ni tamata, me vaka e bau yaga vua e dua na ka, ni sa solia ga ko koya vei keda kecega na bula, kei na cegu, kei na ka kecega;

1 Korinica 8:4

E na vuku ni kana ka sa vakacabori ki na veimatakau, eda sa kila sa ka wale duaduaga e vuravura na matakau, a sa dua bauga na Kalou ka sega tale e dua tani.

1 Timoci 3:6

me kakua e dua sa qai lotu, de viavialevu, ka cudruvi kina me vaka na tevoro.

Iperiu 4:13

A sa sega talega e dua na ka e sega ni rairai e matana: ia sa luvawale ga na ka kecega, ka vakarairaitaki sara, e na mata i koya eda na vakatusai keda vua.

Vakatakila 9:20

Ia ko ira na tamata sa vo era sa sega ni vakamatei e na mate ca oqo, era sa sega ni veivutunitaka na cakacaka ni ligadra, me ra kua ni vakarokoroko ki na tevoro eso, kei na matakau koula, kei na siliva, kei na parasa, kei na vatu, kei na kau: oqori sa sega ni rai rawa, se rogo rawa, se lako voli:

Dauveilewai 16:23

Ia sa soqoni vata ko ira na turaga ni kai Filisitia, me ra vakacabora e dua nai madrali levu vei Tekoni na nodra kalou, ka me ra reki; a ra sa kaya, Sa solia na noda kalou na noda meca ko Samisoni ki na ligada.

1 Samuela 17:26

A sa taroga ko Tevita vei ira na tamata sa tu voleka vua, ka kaya, A cava na ka sa na caka vua na tamata sa na mokuta na kai Filisitia oqo, ka kauta tani nai rogorogo ca maivei ira na Isireli? ni sa tamata maivei ko la na kai Filisitia tawa cili oqo, me bolea na nona mataivalu na Kalou bula?

1 Samuela 17:36

Au sa vakamatea ruarua na laioni kei na pera koi au na nomuni tamata: ia na kai Filisitia tawa cili oqo ena vaka e dua vei rau, ni sa bolea na nona mataivalu na Kalou bula.