Taniela 5:19 - Vakavakadewa Makawa

¹⁹ ia e na vuku ni ka vakaturaga ka solia vua ko koya, era sa rere kina ka sautaninini vua ko ira kece na tamata, kei na veivanua, kei na dui vosavosa: ko ira sa lewa kina me ra mate era sa vakamatei; kei ira sa lewa kina ko koya me ra bula era sa vakabulai; kei ira sa lomana kina sa vakalevulevuya; kei ira sa lomana kina sa vakasivoya.

Ai Vola Tabu (Vakadewa Makawa Vakavoutaki 2021)

¹⁹ Ia e na vuku ni ka vakaturaga ka solia vua ko koya, era sa rere kina ka sautaninini vua ko ira kece na tamata, kei na veivanua, kei na dui vosavosa. Ko ira sa lewa kina me ra mate era sa vakamatei; kei ira sa lewa kina ko koya me ra bula era sa vakabulai; kei ira sa lomana kina sa vakalevulevuya; kei ira sa lomana kina sa vakasivoya.

AI VOLA TABU

¹⁹ ia e na vuku ni ka vakaturaga ka solia vua ko koya, o ira kece na veimataqali, kei na veivanua, kei na dui vosavosa sa ra sautaninini ka rere e matana: o ira sa lomana kina sa vakamatea; kei ira sa lomana kina sa Vakabula; kei ira sa lomana kina sa vueta; kei ira sa lomana kina sa vakasivoya.

Vakavakadewa Vou kei na iVola tale eso

¹⁹ Sa ka levu na nona kaukauwa kei na qaqa, ka ra sa rere ka sautaninini vua o ira na duikaikai kei na duivosavosa mai na veivanua kecega. Kevaka e via vakamatea o koya e dua na tamata, ena vakayacora ga; kevaka e via vakabula e dua na tamata, ena vakayacora ga. Sa vakalevulevuya se vakalolomataka e dua ga me vaka sa lomana kina.

Ai Vola Tabu Ena Vakavakadewa Vou

¹⁹ Sa ka levu na nona kaukauwa kei na qaqa, ka ra sa rere ka sautaninini vua o ira na duikaikai kei na duivosavosa mai na veivanua kecega. Kevaka e via vakamatea e dua na tamata, ena vakayacora ga; kevaka e via vakabula e dua na tamata, ena vakayacora ga. Sa vakalevulevuya se vakalolomataka e dua ga me vaka sa lomana vakakina.

Taniela 5:19 Iomraidhean Croise

2 Tui 25:28

a sa vosa vinaka vua, ka sa vakatikora na nonai tikotiko vakaturaga me cecere cake e na nodra i tikotiko vakaturaga na tui era tiko vata kaya mai Papiloni.

Vosavakaibalebale 16:14

A cudru ni tui sa vakataki ira nai talaki ni mate: Ia na tamata vuku ena vakamalumalumutaka.

Dauvunau 8:3

Mo kakua ni lako tani vakararawa e matana: kakua ni ko ia tiko e dua na ka ca; ni sa kitaka ga ko koya na ka sa vinaka vua.

Isikeli 31:11

o koya oqo ka'u sa soli koya kina ki na liga i koya na nodra qaqa na veimatanitu; ni sa ia ko koya, ena ia vakaidina: ia ni sa ca ko koya ka'u sa vakasevi koya tani.

Taniela 11:12

Ia ni sa kauti ira tani na lewe vuqa ko koya, ena laveti cake na lomana, ka na sa vakabalea na lewe udolu vakatini: ia ena sega ni kaukauwa kina ko koya.

Taniela 11:16

Ia ko koya sa mai vala kaya ena vakayacora na lomana, ena sega talega e dua me tu rawa e matana: ena mai tiko talega ko koya e na vanua matalau, o koya ena vakarusai e na ligana.

Taniela 11:3

Ena qai tubu mai e dua na tui qaqa, ia ena ka levu sara na nona matanitu, ka na veitalia voli talega ko koya.

Taniela 11:36

Ia na tui ena veitalia voli ga; ka na vakaceceretaki koya, ka vakalevulevui koya me uasivi vei ira kece na kalou, io ena cavuta ko koya na ka e veivakurabuitaki vua na nodra Kalou na kalou, ka cakacaka yaco, ka me oti mada na veicudruvi: ni na caka ga na ka sa lesi.

Taniela 3:29

O koya oqo sa dua kina na noqu lawa ka'u sa vakatura, ka vaka, Ko ira na tamata, se na vanua, se ko ira na duivosavosa kecega, sa na vosavakacacataka na Kalou i Setareki, kei Mesaki, kei Apeti-niko, era na tavai bulabula, ia na nodra veivale ena caka mei benubenu: ni sa sega tale na Kalou sa rawata me ia na veivakabulai vakaoqo.

Taniela 3:4

Sa qai dua na matanivanua sa kacivaka vakadomoilevu, ka vaka ne, Sa vakaroti vei kemudou, koi kemudou na tamata, na lewe ni veivanua, kei na dui vosavosa,

Taniela 3:6

ia ko koya sa sega ni cuva sobu ka vakarokoroko ena biu ga e na tiki-ni-siga ko ya ki na loma ni lovo ni bukawaqa.

Taniela 4:17

Ni sa nodra lewa oqo ko ira nai vakatawa; kei na taro e na nodra vosa na yalosavasava: me ra kila kina ko ira sa bula ni sa lewa ko Koya sa Cecere sara e na matanitu ni tamata, ka sa solia vua sa lomana kina, ia na tamata wale sa lesia ko koya me lewa kina.

Taniela 4:19

Ia ko Taniela, na yacana ko Pelitisasari, sa qai kidacala tiko ka dua na tiki-ni-siga, ia sa kidroa ko koya e na nanuma ni lomana. Sa qai kaya na tui vei Pelitisasari, mo kakua ni kidroa e na tadra, se na kenai balebale. Sa vosa ko Pelitisasari, ka kaya, Noqu turaga, me yacovi ira sa cati kemuni na tadra oqo, kei na kenai balebale, vei ira na nomuni meca.

Taniela 4:22

sai kemuni na tui, ka sa tubu me kaukauwa mai: ni sa tubu na kemu levu, ka sa yala ki lomalagi, kei na nomuni lewa, sa yaco ki nai yalayala kei vuravura.

Apakuki 2:5

Ia na waini talega sa ka ni dauveivakaisini, na tamata viavialevu talega sa sega ni tiko mai vale, sa vakalevutaka ga na nona domo-ni-koco me vaka nai bulubulu, io, sa vakataki mate, sa sega ni mamau rawa; ka sa vakasoqona vata me nona na veimatanitu kecega, ka sa vakasoqona vata me nona kecega na veimataqali:

Joni 19:11

Sa kaya ko Jisu, Ko sa sega ni rawata e dua na ka vei au, kevaka sa sega ni soli vei iko maicake: a ka oqo sa levu cake kina na nonai valavala ca sa soli au yani vei iko.

Roma 13:1

Me ra talairawarawa vei ira na turaga levu ko ira na tamata kecega. Ni sa sega na turaga sa tubu wale, mai vua ga na Kalou: ko ira era sa turaga tu, sa lesi ira na Kalou.

Vakatakila 5:9

Era sa meketaka na meke vou, ka kaya, Oi kemuni sa yaga me kauta nai vola, me cecega talega na kena drega: ni kemuni a vakamatei, ka voli keimami e na nomuni dra maivei ira kecega na veimataqali, kei na duivosavosa, kei na veimatanitu, kei na veivanua, me keimami nona na Kalou: