Taniela 4:8 - Vakavakadewa Makawa

⁸ A sa curu mai emuri sara kivei au ko Taniela, a yacana ko Pelitisasari, me vaka na yaca ni noqu kalou, ia na yalodra na kalou tabu sa tiko vua: ka'u a tukuna talega vua na tadra, ka kaya,

Ai Vola Tabu (Vakadewa Makawa Vakavoutaki 2021)

⁸ A sa curu mai e muri sara kivei au ko Taniela—a yacana ko Pelitisasari, me vaka na yaca ni noqu kalou, ia na yalodra na kalou tabu sa tiko vua—ka'u a tukuna talega vua na tadra, ka kaya,

AI VOLA TABU

⁸ A sa curu mai emuri sara ki mataqu ko Tanieli, sa yacana ko Pelitisasari, me vaka na yaca ni noqu kalou, ia na yalodra na kalou tabu sa tiko vua: na tadra kaʼu a tukuna talega e matana, ka kaya,

Vakavakadewa Vou kei na iVola tale eso

⁸ A qai curu mai e muri o Taniela, a yacana talega o Pelitisasari e veiyacani kei na noqu kalou. Ia sa tiko vua na yalona na Kalou tabu, ka'u mani tukuna vua na noqu tadra.

Ai Vola Tabu Ena Vakavakadewa Vou

⁸ A qai curu mai e muri o Taniela, a yacana talega o Pelitisasari e veiyacani kei na noqu kalou. Ia sa tiko vua na yalona na Kalou tabu, ka'u mani tukuna vua na noqu tadra.

Taniela 4:8 Iomraidhean Croise

Vakatekivu 41:38

A sa kaya vei ira na nona tamata ko Fero, Eda na kunea li e dua vakaoqo, a tamata sa tiko vua na yalo ni Kalou?

Aisea 46:1

Sa cuva sobu ko Peli, sa vakalairoro ko Nipo; a kedrau matakau sa toka e na daku ni manumanu, kei na daku ni pulumokau; sa vakavodoki tu na nomudou i kaukau, sai colacola bibi ki na manumanu sa oca.

Aisea 63:11

A ra sa qai nanuma na veisiga eliu, na gauna i Mosese kei ira na nona tamata, a ra kaya, Sa evei ko koya ka kauti ira cake mai na waitui, kei ira nai vakatawa ni nona sipi? sa evei ko koya ka solia ki na lomadra na nona Yalo Tabu?

Jeremaia 50:2

Dou tukuna e na veimatanitu, ka vakarogoya, ka vakarewataka na kuila; dou vakarogoya, kakua ni vunia; dou kaya, Sa kabai ko Papiloni, sa taqaya ko Peli, sa ramusu sara ko Merotaki; sa taqaya na nona kalou lasu, sa ramusu sara na nona matakau.

Isikeli 17:23

ia ka'u na tea e na ulu-ni-vanua cecere nei Isireli: ka na tubu cake na tabana, ka vuataka na vuana, me sa vu ni sitari vinaka sara: ena tiko talega e rukuna na yavusa manumanu vuka kecega; ka ra na tiko ga e na rurugu ni tabana.

Taniela 1:7

a sa vakayacani iratou na turaga ni matanivanua: sa vakayacani Taniela ko Pelitisasari; kei Enanaia, ko Setareki; kei Misaeli, ko Mesaki; kei Asaraia, ko Apeti-niko.

Taniela 2:11

Ia na ka ko ni sa taroga na tui sa dredre, a sa sega e dua e vakatakila rawa vei kemuni na tui, o ira ga na kalou, era sega ni tiko vata kei na tamata.

Taniela 2:26

Sa qai kaya na tui vei Taniela, na yacana talega ko Pelitisasari, Ko sa rawata li mo vakatakila vei au na tadra ka'u a raica, kei na kenai balebale?

Taniela 3:14

Sa qai kaya vei iratou ko Nepukanesa, Sa ka dou a nakita, Setareki, kei Mesaki, kei Apeti-niko, ni dou a sega ni qarava na noqu kalou, ka ni dou a sega ni vakarokoroko ki na matakau koula ka'u sa vakaduria?

Taniela 4:18

A tadra oqo ka'u a raica koi au, ko Nepukanesa na tui. Ia ko iko, Pelitisasari, mo tukuna mai na kenai balebale, ni ra sa sega ni rawata ko ira kece na tamata vuku e na noqu matanitu me vakatakila vei au na kenai balebale: ia ko sa rawata ga, ni sa tiko vei iko na yalodra na kalou tabu.

Taniela 4:9

I Pelitisasari, na nodra turaga na daucaka mana, ni'u sa kila sa tiko vei iko na yalodra na kalou tabu ka sa sega e dua na ka vuni me dredre vei iko, me tukuna mai vei au na raivotu ni noqu tadra ka'u a raica, kei na kenai balebale.

Taniela 5:14

Au sa rogoci iko, ni sa tiko vei iko na yalodra na kalou, ka sa kune vei iko na rarama, kei na yalomatua, kei na vuku e uasivi cake.