Taniela 4:32 - Vakavakadewa Makawa

³² ia era na vakasavi iko tani mai vei ira na tamata, ia ko na tiko kei ira na manumanu ni vanua era na vakani iko e na co, me vaka na pulumokau, ka me oti mada vei iko e vitu na gauna, mo kila mada kina ni sa lewa ko Koya sa Cecere sara e na matanitu ni tamata, ka sa solia vua sa lomana kina.

Ai Vola Tabu (Vakadewa Makawa Vakavoutaki 2021)

³² Era na vakasavi iko tani mai vei ira na tamata, ia ko na tiko kei ira na manumanu ni vanua. Era na vakani iko e na co me vaka na bulumakau, ka me oti mada vei iko e vitu na gauna, mo kila mada kina ni sa lewa ko Koya sa Cecere Sara na matanitu ni tamata, ka sa solia vua sa lomana kina.”

AI VOLA TABU

³² ia mai na tamata era na vakasavi iko tani, ia kei ira na manumanu ni vanua ko na tiko kaya: na co, me vaka na karavau, era na vakani iko kina, ka me vitu na yabaki me na oti yani vei iko, mo kila mada kina ni sa lewa ko Koya sa Cecere sara e na matanitu ni tamata, ka vua sa lomana kina sa solia vua.

Vakavakadewa Vou kei na iVola tale eso

³² O sa na vakasevi tani mai vei ira na tamata, ka o sa na la'ki tu vata kei ira na manumanu kila. O sa na kana co me vaka na bulumakau me vitu na yabaki. E muri ga o na vakadinadinataka kina ni sa lewa na Kalou cecere na veimatanitu ni tamata, ka sa solia na matanitu vei koya ga sa nanuma kina.”

Ai Vola Tabu Ena Vakavakadewa Vou

³² O sa na vakasevi tani mai vei ira na tamata, ka o sa na la'ki tu vata kei ira na manumanu kila. O sa na kana co me vaka na bulumakau me vitu na yabaki. E muri ga o na vakadinadinataka kina ni sa lewa na Kalou cecere na veimatanitu ni tamata, ka sa solia na matanitu vei koya ga sa nanuma kina.”

Taniela 4:32 Iomraidhean Croise

2 Veigauna 33:13

Ka sa masu kivei koya: ka sa yalovinaka vua ko koya, ka rogoca na nona vakamamasu, ka kauti koya tale ki Jerusalemi ki na nona matanitu. Sa qai kila ko Manasa ni sa Kalou ko Jiova.

Jope 42:2

Au sa kila ni kemuni sa rawata na ka kecega, A sa sega ni tarovi rawa e dua na ka ko ni sa nanuma.

Jope 9:12

Raica, sa kauta tani ko koya, ia ko cei me tarova rawa? Ko cei me kaya vua, A cava ko ni sa kitaka?

NA SAME 115:3

Ia na noda Kalou sa tiko mai lomalagi: Sa cakava oti na ka kecega sa vinakata ko koya.

NA SAME 135:6

A ka kecega sa vinakata ko Jiova, sa cakava ga, Mai lomalagi, kei vuravura, e na wasawasa, kei na wai titobu kecega.

Lako Yani 8:10

A sa kaya ko koya, E na mataka. A sa kaya ko koya, Ena vaka na nomuni vosa: mo ni kila kina ni sa sega e tautauvata kei Jiova na neimami Kalou:

Lako Yani 9:14

Ni'u na tala e na gauna oqo na noqu mate veiveitauvi kecega ki na yalomu, vei ira talega era qaravi iko, kei ira na nomu tamata; mo kila kina ni sa sega e dua me tautauvata kei au e vuravura taucoko.

Lako Yani 9:29

A sa kaya vua ko Mosese, Ni'u sa yaco ki nai bili ni koro, au na dodoka yani na ligaqu vei Jiova; ena qai mudu na kurukuru, ka sega tale ni tau na uca-cevata; mo ni kila kina ni sa nei Jiova ko vuravura:

Aisea 37:20

Ia oqo, Jiova na neimami Kalou, mo ni vakabulai keimami mada mai na ligana, me kila kina na veimatanitu kecega e vuravura ni sai kemuni duaduaga ko Jiova.

Aisea 40:15

Raica, na veimatanitu sa nanumi me ra vaka e dua na mata ni wai e nai takitaki, ka vaka na kuvu-ni-soso e na dari ni vakarau; raica, sa tomika ko koya na veiyanuyanu me vaka sa ka lailai sara.

Aisea 40:17

A veimatanitu kece sa vaka na ka walega vua; io, sa nanumi me ka lailai vei koya ka levu na ka sa sega, ka sa ka wale sara ga.

Aisea 45:3

ka'u na solia vei iko na ka sa kumuni tu e na butobuto, kei nai yau vuni sa no e na yasana tabogo; mo kila kina ni sai au, ko Jiova, sa kacivi iko e na yacamu, ka'u sa Kalou ni Isireli.

Jeremaia 27:5

Koi au ka'u a buli vuravura, kei na tamata, kei na manumanu e dela ni vanua, e na noqu kaukauwa levu kei na ligaqu e dodo yani, ka sa solia vei ira ka'u vaka e dodonu kina.

Taniela 2:21

ka sa vukica ko koya na yabaki kei na gauna: sa vakasivoi ira na tui, ka sa lesi ira na tui: sa solia na vuku vei ira na lomavuku, kei na kila ka vei ira na yalomatua:

Taniela 4:31

Ni sa vosataka tiko na vosa oqo ko koya na tui, sa dua na domo sa rogo mai lomalagi, ka kaya, Sa tukuni vei iko, Nepukanesa na tui, Ni sa qai suka tani vei iko na nomu matanitu:

Taniela 5:21

ka sa vakasavi tani ko koya maivei ira na tamata; ka sa soli talega vua na yalo vakamanumanu, ia sa tiko ko koya kei ira na asa kila: ka ra sa vakani koya e na co, me vaka sa pulumokau, ia sa suasua talega na yagona e na tegu mai lomalagi; ka yacova mada na gauna sa kila kina ko koya, ni sa lewa na Kalou Cecere sara, e na matanitu ni tamata, ka sa lesia me lewa kina na tamata sa vinakata ko koya.

Josua 4:24

me ra kila kina na lewe ni veivanua kecega, ni sa kaukauwa na liga i Jiova, ka mo ni rerevaki Jiova kina na nomuni Kalou e na veigauna kecega.