Taniela 4:27 - Vakavakadewa Makawa

²⁷ O koya oqo, na tui, me vinaka kina vei kemuni na noqu i vakavuvuli, ia mo ni muduka mada na nomuni valavala ca ka me kenai sosomi nai valavala dodonu, kei na nomuni caka cala me vakaisosomitaki e na loloma vei ira na dravudravua; de vakadedetaki kina na nomuni tiko vinaka.

Ai Vola Tabu (Vakadewa Makawa Vakavoutaki 2021)

²⁷ O koya oqo, na tui, me vinaka kina vei kemuni na noqu i vakavuvuli, ia mo ni muduka mada na nomuni valavala ca ka me kenai sosomi nai valavala dodonu, kei na nomuni caka cala me vakaisosomitaki e na loloma vei ira na dravudravua; de vakadedetaki kina na nomuni tiko vinaka.”

AI VOLA TABU

²⁷ O koya o qo, na tui, me vinaka kina vei iko na noqui vakavuvuli, ia na nomui valavala ca mo muduka e nai valavala dodonu, kei na nomu caka cala e na loloma vei ira na dravudravua; de vakabalavutaki beka kina na nomu tiko vinaka.

Vakavakadewa Vou kei na iVola tale eso

²⁷ O koya oqo oi kemuni na tui, mo ni qai muria mada na noqu i vakasala. Mo ni caka dodonu ka muduka na i valavala ca. Ni lomani ira na dravudravua. Oqo o ni na qai tubu cake tikoga kina.”

Ai Vola Tabu Ena Vakavakadewa Vou

²⁷ O koya oqo oi kemuni na tui, mo ni qai muria mada na noqu i vakasala. Mo ni caka dodonu ka muduka na i valavala ca. Ni lomani ira na dravudravua. Ena ka oqo o ni na qai sautu tikoga kina.”

Taniela 4:27 Iomraidhean Croise

Vakatekivu 11:4

A ra kaya, Tou ia mada, tou tara e dua na noda koro, ka dua na vale cecere, me yacovi lomalagi na delana; tou cakava me rogo kina na yacada, de sa da dui vakasevi yani e dela i vuravura taucoko.

1 Tui 21:29

O sa raica, se segai, ni sa vakamalumalumutaki koya vei au ko Eapi? ia ni sa vakamalumalumutaki koya vei au, ka'u na sega ni vakayacora na ca e na nona gauna; e na gauna ga ni luvena ka'u na vakayacora na ca vei ira na nona mataqali.

NA SAME 119:46

Ia ka'u na vosataka talega na nomuni tukutuku e matadra na tui, Ia ka'u na sega ni madua kina,

Vosavakaibalebale 11:2

Ni sa tubu mai na viavialevu, sa qai tubu talega na madua: Ia sa tu vei ira na yalomalumalumu na vuku.

Vosavakaibalebale 16:6

E na yalololoma kei na dina sa sava tani kina na caka cala: Ia e na rerevaki Jiova ga sa ra dro tani kina na tamata mai na ca.

Vosavakaibalebale 28:13

O koya sa ubia na nonai valavala ca ena sega ni tamata yaco: Ia ko koya sa vakatusa ka biuta ena lomani.

Aisea 10:13

Ni sa kaya ko koya, E na kaukauwa ga ni ligaqu kei na noqu vuku ka'u sa rawata na ka oqo; ni'u sa yalomatua: ia ka'u sa kisira nai yalayala ni veimatanitu, ka kovea na nodra i yau, ka'u sa vakasivoi ira na lewena me vaka na qaqa:

Aisea 47:10

Ia ko a vakararavi ki na nomu i valavala ca: ko a kaya, Sa sega e raici au. A nomu vuku kei na nomu daukila ka, oqori sa vakauti iko vakatani; ia ko a kaya e lomamu, Koi au, ka sa sega tale e dua, koi au ga.

Aisea 47:8

Ia mo qai rogoca na ka oqo, ko iko sa daumamarau, ka sa dautiko vakacegu wale, ka sa kaya e lomamu, Koi au ga, ka sa sega tale e dua, koi au ga; ka'u na sega ni tiko vakayada, ena sega talega ni yali vei au na luvequ:

Jeremaia 29:7

Ia dou gumatua me sautu na koro ka'u a lewa mo dou kau vakabobula kina, ka masulaka vei Jiova: ni sa sautu ko ya, dou na sautu talega:

Jeremaia 38:20

Sa qai kaya ko Jeremaia, Era na sega ni soli kemuni. Mo ni vakarorogo mada ki na vosa i Jiova, ka'u sa tukuna vei kemuni: ko ni na qai vinaka kina, ia ena bula kina na yalomuni.

Isikeli 18:7

ka sega ni vakasaurarataka e dua, ka sa vakasuka na kenai vakadinadina vua sa kerea e dua na ka, ka sega ni koveraka e dua, sa soli kakana vua sa viakana, ka sa vakaisulutaki koya sa luvawale;

Isikeli 29:3

mo kaya mada, Sa kaya vakaoqo na Turaga ko Jiova; Raica, koi au na nomu meca, ko iko Fero na tui Ijipita, na gata levu sa koto e na maliwa ni nona uciwai, o koya ka kaya, Sa noqu na noqu uciwai, ia koi au ka'u sa cakava ga me noqu.

Isikeli 29:9

Ia na vanua ko Ijipita, ena lala ka lekutu; ka ra na kila ni sai au ko Jiova: ka ni sa kaya ko koya, Sa noqu na uciwai, ia koi au ka'u sa cakava.

Joeli 2:14

O cei sa kila, se na lesu beka ga ko koya ka veivutuni, ka laiva ki muri na ka ni veivakalougatataki; io, nai madrali laukana kei nai madrali gunuvi vei Jiova na nomudou Kalou?

Emosi 6:13

oi kemudou sa marautaka na ka sa sega wale, ka kaya, Ni da sa kaukauwa eda sa sega li ni rawata kina na lewa me noda?

Jona 3:9

O cei e kila de sa na saumaki beka na Kalou ka veivutuni, ka lesu mai na nona cudru waqawaqa, me da kakua ni rusa?

Apakuki 1:11

Sa yalolevu kina ko koya, ka sa lako voli, ka na cala, ka kaya, sa nona kaukauwa mai vua na nona kalou.

Sefanaia 2:15

Sai koya oqo na koro daumarau ka dautiko wele, ka kaya e lomana, Sai au ga, ka sega tale e dua; na kena yaco me koro lala, mei davodavo ni manumanu kila! ko ira kece era lako volekata era na vakasiusiu, era na kurea na ligadra.

Maciu 3:8

o koya mo dou vuataka na vua e kilikili kei na veivutuni:

Luke 11:41

Ia mo dou solia na ka ni loloma me vaka dou sa rawata, ka raica, ena savasava vei kemudou na ka kecega.

Cakacaka 24:25

Ia ni sa vunautaka tiko ko koya nai valavala dodonu, nai valavala malua, kei na veilewai sa bera mai, sa sautaninini ko Filikesa, ka kaya, Lako tani mada edaidai; ia ni’u sa lalaga e na dua na gauna, ka’u na kacivi iko mai.

Cakacaka 26:20

ia ka’u sa tukuna mada eliu vei ira mai Tamasiko, kei Jerusalemi, kei na yasayasa kece vaka-Jutia, vei ira talega na veimatanitu tani, me ra veivutuni ka saumaki mai kivua na Kalou, ka kitaka nai valavala e kilikili kei na veivutuni.

Cakacaka 8:22

O koya oqo mo qai veivutunitaka na nomui valavala ca oqo, ka masu vua na Kalou, de sa rawa beka mo sega ni cudruvi e na nanuma ni yalomu.

2 Korinica 5:11

Ia ni keitou sa kila na veivakarerei ni Turaga, keitou sa vakamasuti ira na tamata; ia keitou sa vakaraitaki vua na Kalou; au sa dinata talega ni keitou sa vakaraitaki e na nomudou lewa-eloma.

Kalatia 5:13

Ni dou sa kacivi, na veiwekani, mo dou lalaga; ia dou kakua ni ia na lalaga me tubu kina na ka vakayago, ka dou ia tikoga na veivuke ni veilomani vakai kemudou.

Kalatia 5:22

Ia na vua ni Yalo Tabu na loloma, na reki, na vakacegu, na vosota vakadede, na yalomalua, na yalololoma, na vakabauta,

Kalatia 5:6

Ni da sa tu vata kei Karisito Jisu, sa sega ni yaga me cili, se me sega ni cili; sa yaga ga na vakabauta sa daucakacaka yaco e na loloma.

Efeso 4:28

Me kakua ni butako tiko ko koya ka daubutako, ka me daucakacaka ga, ka kitaka e na ligana na ka sa yaga, me so kina na nona ka me soli vei koya sa dravudravua.

Vakarua 24:13

mo ni solia dina vua nai vakadinadina ni ka sa soli me talevaki, ni sa dromu na mata-ni-siga, me moce rawa ko koya e nonai tutuvi, ka me vosavakalougatataki kemuni kina: ia ena wili oqo me nomuni cakacaka dodonu e na mata i Jiova na nomuni Kalou.

Vakarua 32:27

Kevaka ka'u sa sega ni rerevaka na cudru ni meca, De ra nanuma cala ko ira era vakasaurarataki ira, Io de ra kaya, Sa cecere na ligada, A sa sega ni kitaka na ka oqo ko Jiova.

Vakarua 8:17

ia de ko ni sa kaya e lomamuni, A noqu qaqa kei na kaukauwa ni ligaqu sa rawata me noqu nai yau oqo.

1 Pita 4:8

Ia na ka me liu oqo mo dou dauveilomani vakalevu vakai kemudou; ni na ubia nai valavala ca e vuqa na loloma.