Taniela 4:25 - Vakavakadewa Makawa

²⁵ Ia era na vakasavi kemuni tani mai vei ira na tamata, ia kemuni na tiko vata kei ira na manumanu, ka ra na vakani kemuni e na co me vaka ko ni sa pulumokau, ia kemuni na suasua e na tegu ni lomalagi, ka me oti mada vei kemuni e vitu na yabaki, mo ni kila mada kina ni sa lewa ko Koya sa Cecere sara e na matanitu ni tamata, ka sa solia vua sa lomana kina.

Ai Vola Tabu (Vakadewa Makawa Vakavoutaki 2021)

²⁵ Era na vakasavi kemuni tani mai vei ira na tamata, ia kemuni na tiko vata kei ira na manumanu, ka ra na vakani kemuni e na co me vaka ko ni sa bulumakau, ia kemuni na suasua e na tegu ni lomalagi, ka me oti mada vei kemuni e vitu na yabaki, mo ni kila mada kina ni sa lewa ko Koya sa Cecere Sara e na matanitu ni tamata, ka sa solia vua sa lomana kina.

AI VOLA TABU

²⁵ Ia ko iko era na vakasava tani mai na tamata, ia kei ira na manumanu ni vanua dou na tiko kaya, kei na co, me vaka na karavau, era na vakani iko kina, e na tegu ni lomalagi talega era na vakasuasuataki iko, ka me vitu na yabaki me na oti yani vei iko, mo kila mada kina ni sa lewa ko Koya sa Cecere sara e na matanitu ni tamata, ka vua sa lomana kina sa solia vua.

Vakavakadewa Vou kei na iVola tale eso

²⁵ O ni na vakasevi tani mai vei keimami na tamata mo ni la'ki tu vata kei ira na manumanu kila. O ni na kana co me vaka na bulumakau ka moce e tautuba me lutuki kemuni kina na tegu ka yabaki vitu. E muri ga o ni na qai vakadinadinataka kina ni sa lewa na Kalou Cecere na veimatanitu ni tamata ka sa solia na matanitu vei koya ga sa nanuma kina.

Ai Vola Tabu Ena Vakavakadewa Vou

²⁵ O ni na vakasevi tani mai vei keimami na tamata mo ni la'ki tu vata kei ira na manumanu kila. O ni na kana co me vaka na bulumakau ka moce e tautuba me lutuki kemuni kina na tegu ka yabaki vitu. E muri ga o ni na qai vakadinadinataka kina ni sa lewa na Kalou Cecere na veimatanitu ni tamata ka sa solia na matanitu vei koya ga sa nanuma kina.

Taniela 4:25 Iomraidhean Croise

NA SAME 103:19

Sa vakataudeitaka ko Jiova na nonai tikotiko vakaturaga mai lomalagi; Ka sa lewa na ka kecega na nona matanitu.

NA SAME 106:20

A ra sa vukica na ka ka nodra i ukuuku, Me tautauvata kei na pulumokau sa daukana co.

NA SAME 75:7

Ia na Kalou sa daulewa: Sa vakasivoya e dua, ka toroya cake e dua.

NA SAME 83:18

Me ra kila ko ira na tamata ni sai kemuni na yacamuni ga ko JIOVA, Sa Cecere sara duaduaga e vuravura taucoko.

Jeremaia 27:5

Koi au ka'u a buli vuravura, kei na tamata, kei na manumanu e dela ni vanua, e na noqu kaukauwa levu kei na ligaqu e dodo yani, ka sa solia vei ira ka'u vaka e dodonu kina.

Taniela 2:21

ka sa vukica ko koya na yabaki kei na gauna: sa vakasivoi ira na tui, ka sa lesi ira na tui: sa solia na vuku vei ira na lomavuku, kei na kila ka vei ira na yalomatua:

Taniela 2:37

Sai kemuni, na tui, na nodra tui na tui: ia ko koya na Kalou ni lomalagi sa solia vei kemuni na matanitu, kei na kaukauwa, kei na gumatua, kei na lagilagi.

Taniela 2:47

A sa kaya vei Taniela na tui, Sa dina ga sa uasivi na nomu Kalou vei ira kece na kalou, ka sa nodra Turaga na tui, ko koya talega ka vakaraitaka na ka vuni, ni ko sa vakaraitaka rawa na ka vuni oqo.

Taniela 4:16

me kakua tiko vua na yalo ni tamata, ia me solia vua na yalo ni manumanu; ka me oti mada vua e vitu na gauna.

Taniela 4:17

Ni sa nodra lewa oqo ko ira nai vakatawa; kei na taro e na nodra vosa na yalosavasava: me ra kila kina ko ira sa bula ni sa lewa ko Koya sa Cecere sara e na matanitu ni tamata, ka sa solia vua sa lomana kina, ia na tamata wale sa lesia ko koya me lewa kina.

Taniela 4:2

Au sa vaka e vinaka me'u tukuna nai vakatakilakila kei na ka mana sa cakava vei au ko koya na Kalou cecere sara.