Taniela 3:25 - Vakavakadewa Makawa

²⁵ Sa qai kaya tale ko koya, Raica, au sa kunea e lewe va na tamata sa sereki tu, ka ratou lako voli tiko e loma ni bukawaqa, ka sa sega na ca e yacovi iratou; ia na kenai rairai ni kenai kava sa vaka na luve ni Kalou.

Ai Vola Tabu (Vakadewa Makawa Vakavoutaki 2021)

²⁵ Sa qai kaya tale ko koya, “Raica, au sa kunea e lewe va na tamata sa sereki tu, ka ratou lako voli tiko e loma ni bukawaqa, ka sa sega na ca e yacovi iratou; ia na kenai rairai ni kenai kava sa vaka na luve ni Kalou.”

AI VOLA TABU

²⁵ Sa vosa ko koya ka kaya, Raica, au sa raica na tamata e lewe va sa sereki, sa ratou lako voli tu e na loma ni buka waqa, a sa sega na ca e tauvi iratou; ia nai tovo ni kenai kava sa vaka na luve ni Kalou.

Vakavakadewa Vou kei na iVola tale eso

²⁵ A tarogi ira tale na tui, ka vaka, “Ia a cava ga na vuna au sa raica kina ni sa lewe va na tamata e ratou lako wavoki tiko ena loma ni bukawaqa? E ratou sa sega ni vesu tu, ka sega ni bau dua na i vakatakilakila ni kama e kune vei iratou. Na kedratou i kava sa vaka na luve ni Kalou.”

Ai Vola Tabu Ena Vakavakadewa Vou

²⁵ A tarogi ira tale na tui, ka vaka, “Ia a cava ga na vuna au sa raica kina ni sa lewe va na tamata e ratou lako wavoki tiko ena loma ni bukawaqa? E ratou sa sega ni vesu tu, ka sega ni bau dua na i vakatakilakila ni kama e kune vei iratou. Na kedratou i kava sa vaka na luve ni Kalou.”

Taniela 3:25 Iomraidhean Croise

Jope 1:6

Ia sa dua na siga era sa lako mai kina na luve ni Kalou me vakaraitaki ira e na mata i Jiova, a sa lako talega mai kei ira ko Setani.

Jope 38:7

Ni ra a sere vata na kalokalo i volasiga, Ka ra kaila e na reki ko ira kecega na luve ni Kalou?

Jope 5:19

E na ka rarawa e ono, ena vakabulai iko ko koya: Ia e na kenai kavitu, ena sega na ca me tauvi iko.

NA SAME 34:7

Na agilose i Jiova, sa tiko vakavolivoliti ira era sa rerevaki koya, Ka sa vakabulai ira.

Vosavakaibalebale 30:4

Ko cei sa cabe cake ki lomalagi, se lako sobu mai? Ko cei sa kumuna na cagi ki ligana? Ko cei sa vauca na wai e nai sulu? Ko cei sa lesia kecega nai yalayala kei vuravura? Ko cei na yacana, ko cei talega na yaca i koya na luvena, kevaka ko sa kila?

Aisea 43:2

Ni ko sa lako e loma ni wai, ka'u na tiko kei iko; kei na loma ni veiuciwai, ena sega ni luvuci iko: ni ko sa lako e loma ni bukawaqa, ena sega ni kani iko; ena sega talega ni kati iko na yameyame ni buka.

Jeremaia 1:19

ia era na veivala kei iko; ka ra na sega ni gumatua vei iko; ni'u sa tiko vata kei iko, sa kaya ko Jiova, me'u vakabulai iko.

Jeremaia 1:8

Mo kakua ni rerevaka na matadra: ni'u sa tiko vata kei iko koi au, me'u vakabulai iko, sa kaya ko Jiova.

Jeremaia 15:21

ia ka'u na kaliraki iko mai na ligadra na tamata ca, ka vakabulai iko mai na ligadra na daurerevaki.

Taniela 3:18

Ia ke sega, mo ni kila, koi kemuni na tui, ni keitou sa bese ni qarava na nomuni kalou, keitou sa bese talega ni vakarokoroko ki na matakau koula ko ni sa vakaduria.

Taniela 3:24

Ia sa qai kidacala ko Nepukanesa na tui, ka sa tu cake vakasauri mai, ka kaya vei ira na nona lewe ni bose, Eda a sega li ni biuta e lewe tolu na tamata ka vesu tu ki na loma ni bukawaqa? Era kaya vua, Sa dina saka ga na tui.

Taniela 3:28

Sa qai kaya ko Nepukanesa, Me vakacaucautaki ko koya na Kalou i Setareki, kei Mesaki, kei Apeti-niko, o koya sa tala mai na nona agilose, ka vakabulai iratou na nona tamata eratou sa vakararavi vua, ka sa vakatanitaka na vosa ni tui, ka sa bese ni solia na yagodratou, me qarava se vakarokoroko vua e dua tale na kalou, na nodratou Kalou duaduaga.

Taniela 6:23

Sa qai reki vakalevu na tui e na vukuna, ka sa kaya me ra kauti Taniela cake mai na qara. A sa qai kau cake mai na qara ko Taniela, a sa sega ni kune vua e dua na tikina e ca, ka ni sa vakabauta na nona Kalou.

Marika 16:18

era na tomika na gata eso; ia kevaka era gunuva na ka e gaga sara, era na sega ni ca kina; era na tabaki ira talega sa tauvi-mate e na ligadra, a ra na bula kina.

Luke 1:35

A sa vosa na agilose, ka kaya vua, Ena lako sobu mai vei iko na Yalo Tabu, ena vakarurugi iko talega na kaukauwa i Koya sa cecere sara: ia ko koya ena sucu mai vei iko ena vakatokai kina me ka tabu na Luve ni Kalou.

Cakacaka 28:5

A sa qai kuretaka na gata ki na bukawaqa ko koya, a sa sega ni ca kina.

Roma 1:4

o koya sa vakatakilai vakaukauwa e na tu cake tale mai na mate, ni sa Luve ni Kalou, me vaka na yalona savasava:

1 Pita 3:13

Ia ko cei ena vakacacani kemudou, kevaka dou gumatua e na ka vinaka?