Taniela 3:15 - Vakavakadewa Makawa

¹⁵ Dou rogoca mada, kevaka dou na vakarau tu e na tiki-ni-siga dou na rogoca kina na domo ni koneti, na bitu-ni-vakatagi, na api, na lali e vakawa, na soliteri, na pakipaipi, kei na ka kecega sa rogo vinaka, mo dou cuva sobu ka vakarokoroko ki na matakau ka'u sa cakava, sa vinaka: ia, kevaka dou na bese ni vakarokorokotaka, e na tiki-ni-siga ko ya dou na biu ga ki na loma ni lovo ni bukawaqa; ia ko cei na kalou ko ya me na vakabulai kemudou mai na ligaqu?

Ai Vola Tabu (Vakadewa Makawa Vakavoutaki 2021)

¹⁵ Dou rogoca mada, kevaka dou na vakarau tu e na tiki-ni-siga dou na rogoca kina na domo ni koneti, na bitu-ni-vakatagi, na api, na lali e vakawa, na soliteri, na bekipaipo, kei na ka kecega sa rogo vinaka, mo dou cuva sobu ka vakarokoroko ki na matakau ka'u sa cakava, sa vinaka. Ia, kevaka dou na bese ni vakarokorokotaka, e na tiki-ni-siga ko ya dou na biu ga ki na loma ni lovo ni bukawaqa; ia ko cei na kalou ko ya me na vakabulai kemudou mai na ligaqu?”

AI VOLA TABU

¹⁵ O qo, kevaka dou na vakarau tu e na tiki-ni-siga dou na rogoca kina na domo ni davui, na bitu-ni-vakatagi, na api, na lali e vakawa, nai qiriqiri, na lali, kei na ka domo vinaka kecega, mo dou bale sobu ga ka sorova na matakau kaʼu sa cakava; ena vinaka: ia, kevaka dou na bese ni sorova, o na tiki-ni-siga ko ya dou na biu ga ki na loma ni lovo ni buka waqa; ia ko cei na kalou ko ya me na vakabulai kemudou mai na ligaqu?

Vakavakadewa Vou kei na iVola tale eso

¹⁵ Ia oqo, ena gauna sara ga o dou rogoca kina na domo ni davui, na bitu ni vakatagi, na laya, na tisita, na api kei na i vakatagi tale eso, dou cuva sobu sara ka vakarokoroko ki na matakau. Ia ke sega o dou na viritaki sara ga oqo ki na lovo bukawaqa. Ia o cei na kalou me na vakabula i kemudou rawa mai na ligaqu?

Ai Vola Tabu Ena Vakavakadewa Vou

¹⁵ Ia oqo, ena gauna sara ga o dou rogoca kina na domo ni davui, na bitu ni vakatagi, na laya, na tisita, na api kei na i vakatagi tale eso, dou cuva sobu sara ka vakarokoroko ki na matakau. Ia ke sega o dou na viritaki sara ga oqo ki na lovo bukawaqa. Ia o cei na kalou me na vakabula i kemudou rawa mai na ligaqu?

Taniela 3:15 Iomraidhean Croise

2 Tui 18:35

O cei vei ira kecega na kalou ni veivanua sa vakabula na nodra vanua mai na ligaqu, me vakabulai Jerusalemi ko Jiova mai na ligaqu?

Lako Yani 32:32

ia oqo, ke sa rawa mo ni bokoca na nodra i valavala ca; ia kevaka sa sega, mo ni bokoci au laivi mada mai na nomuni vola ko ni sa vola.

Lako Yani 5:2

A sa kaya ko Fero, Ko cei ko Jiova, me'u vakarorogo ki na domona, me'u laivi ira kina na Isireli me ra lako? au sa sega ni kilai Jiova, au na sega talega ni laivi ira na Isireli me ra lako.

Aisea 37:23

Ko sa vosavakacacataki cei, ka vakalialia? ia vei cei beka ko sa tabalaka na domomu, ka ta cake kina? vei Koya ga na Yalosavasava i Isireli.

Taniela 2:47

A sa kaya vei Taniela na tui, Sa dina ga sa uasivi na nomu Kalou vei ira kece na kalou, ka sa nodra Turaga na tui, ko koya talega ka vakaraitaka na ka vuni, ni ko sa vakaraitaka rawa na ka vuni oqo.

Taniela 2:9

Ia kevaka dou sa sega ni vakatakila vei au na tadra, sa dua bauga na kena lewa vei kemudou: ni dou sa vakarautaka na vosa lasu ka ca mo dou tukuna vei au, me dua tani mada kina na gauna: o koya oqo, mo dou tukuna kina vei au na tadra, ka'u na qai kila ni dou sa vakatakila rawa vei au na kenai balebale.

Taniela 3:17

Ke sa vakaoqori, ko koya na neitou Kalou o koya keitou sa qarava sa rawata me vakabulai keitou mai na lovo ni bukawaqa, ia ena vakabulai keitou mai na ligamuni, na tui.

Taniela 6:16

Sa qai vosa na tui, ka ra sa kauti Taniela mai, ka biuta ki na qara ni laioni. Sa qai kaya vei Taniela ko koya na tui, A nomu Kalou o koya ko sa qarava tikoga, ena vakabulai iko.

Taniela 6:20

Ia ni sa torova na qara, sa kaci vakatagi vei Taniela: ka sa kaya vei Taniela na tui, I Taniela, na tamata ni Kalou bula, sa rawata li, na nomu Kalou, o koya ko sa qarava tikoga me vakabulai iko maivei ira na laioni?

Maciu 10:19

Ia ni ra sa soli kemudou yani, kakua ni lomaocaoca se dou na vosa vakaevei se cava dou na kaya: ni na soli vei kemudou e na tiki-ni-siga ko ya na ka mo dou vosataka:

Maciu 27:43

sa dauvakararavi ko koya vua na Kalou; me vakabulai koya edaidai ko koya, kevaka e vinakati koya: ni sa kaya, Oi au na Luve ni Kalou.

Marika 13:11

Ia ni dou sa kau yani, ka soli me lewai, dou kakua mada ni lomaocaoca se cava mo dou kaya, dou kakua talega ni vakanananu kiliu; ia na ka kecega ena soli vei kemudou e na tiki-ni-siga ko ya, sai koya ga mo dou vosataka: ni dou sa sega ni vosa koi kemudou, sa vosa ga na Yalo Tabu.

Luke 12:11

Ia ni dou sa kau ki na veivale ni lotu, vei ira na dauveilewai kei ira na turaga, dou kakua ni lomaocaoca, se vakaevei mo dou kaya, se cava mo dou tukuna:

Luke 13:9

ia de qai vua; ia kevaka e sega, ko ni na qai mai taya sobu.

Cakacaka 4:19

Sa qai vosa ko Pita kei Joni, a rau sa kaya vei ira, Mo ni lewa ga se sa dodonu se segai e na mata ni Kalou me keirau vakarorogo vei kemuni ka kua vua na Kalou:

Cakacaka 5:29

Sa qai vosa ko Pita kei iratou nai apositolo, ka kaya, Sa kilikili kei keitou me keitou talairawarawa vua na Kalou, me kakua ga vei ira na tamata.

Cakacaka 6:15

Ia ko ira kecega sa tiko e na vale ni veilewai, ni ra sa vakaraica matua, era sa raica na matana ni sa tautauvata kei na mata ni agilose.