Taniela 3:1 - Vakavakadewa Makawa

¹ O Nepukanesa na tui sa cakava e dua na matakau koula, na kena cecere sa onosagavulu na kiupiti, na kena rabailevu sa ono na kiupiti: ka sa vakaduria ko koya e na buca ko Tura, e na yasana vaka-Papiloni.

Ai Vola Tabu (Vakadewa Makawa Vakavoutaki 2021)

¹ O Nepukanesa na tui sa cakava e dua na matakau koula, na kena cecere sa onosagavulu na kiupiti, na kena rabailevu sa ono na kiupiti; ka sa vakaduria ko koya e na buca ko Tura, e na yasana vaka-Papiloni.

AI VOLA TABU

¹ O NIPUKATINESARI na tui sa cakava e dua na matakau koula, na kena cecere sa caga dua na drau ka ruasagavulu, na kena rabailevu sa caga tinikava: sa vakaduria ko koya e na buca ko Tura, e na yasayasa vaka-Papiloni.

Vakavakadewa Vou kei na iVola tale eso

¹ Sa qai lewa o Nepukanesa na tui me buli e dua na matakau koula me 27 na mita na kena cere ka tolu na mita na kena raba, ka sa la'ki vakaduri tu mai na ena buca o Tura, ena yasana o Papiloni.

Ai Vola Tabu Ena Vakavakadewa Vou

¹ Sa qai lewa o Nepukanesa na tui me buli e dua na matakau koula me 27 na mita na kena cere ka tolu na mita na kena raba, ka sa la'ki vakaduri tu mai na ena buca o Tura, ena yasana o Papiloni.

Taniela 3:1 Iomraidhean Croise

1 Tui 12:28

Sa qai bose mada na tui, ka cakava kina e rua na luve ni pulumokau koula, a sa kaya vei ira, Sa rui dredre vei kemudou mo dou lako cake ki Jerusalemi: raica, koi rau na nomudou kalou, oi kemudou na Isireli, erau a kauti kemudou cake mai na vanua ko Ijipita.

Esiteri 1:1

Sa yaco e na gauna i Easuerosi (ko Easuerosi oqo ko koya ka lewa mai Idia ka yacovi Iciopea e na dua na drau ka ruasagavulu ka vitu na yasana:)

NA SAME 135:15

A nodra matakau na veimatanitu na siliva kei na koula, Na cakacaka ni liga ni tamata.

Lako Yani 20:23

Mo dou kakua ni cakava na kalou siliva me kequi kuri, mo kakua talega ni cakava vei kemudou na kalou koula:

Lako Yani 32:31

A sa lesu vei Jiova ko Mosese, ka sa kaya, Ulei na tamata oqo era sa kitaka nai valavala ca levu, ka cakava vei ira na kalou koula!

Aisea 2:20

E na siga ko ya ena biuta tani na tamata na nona matakau siliva, kei na nona matakau koula, ka cakava me soro kina ko koya, ki na kalavo kei na beka;

Aisea 30:22

Dou na qai vakacacana nai botani siliva ni nomu matakau siliva, kei nai ukuuku koula ni nomu matakau koula; ko na biuta laivi me vaka na ka velavela; ko na kaya kina, Mo lako tani.

Aisea 46:6

Era sa sova vakailoa na koula mai na taga, ka vakarauta na siliva e na kenai vakarau; era sa volia e dua na matai ni koula, ka sa cakava ko koya me kalou: era sa cuva sobu, io, era sa sorova:

Jeremaia 10:9

nai botani siliva sa kau mai Tasisi, kei na koula mai Ufasi, na cakacaka ni matai, kei na liga i koya na matai ni koula: na ka pelu ka lokaloka sa nodra i sulu: sa nodra cakacaka kecega na tamata vuku:

Jeremaia 16:20

Sa na dua beka na tamata me cakava me nona kalou na ka sa sega ni kalou?

Taniela 2:48

Ia sa qai vakalevulevui Taniela ko koya na tui, ka solia vua e vuqa na ka ni loloma levu, a sa lesi koya me lewa na yasana taucoko vaka-Papiloni, ka me liu talega vei ira na turaga ni tamata vuku kecega e Papiloni.

Taniela 2:49

Sa qai kerekere vua na tui ko Taniela, ka sa lesi ko Setareki, kei Mesaki, kei Apeti-niko, me ratou vakaitavi e na cakacaka vakamatanitu e na yasana vaka-Papiloni: ia ko Taniela sa tiko ga e na matamata-ni-koro ni tui.

Taniela 3:14

Sa qai kaya vei iratou ko Nepukanesa, Sa ka dou a nakita, Setareki, kei Mesaki, kei Apeti-niko, ni dou a sega ni qarava na noqu kalou, ka ni dou a sega ni vakarokoroko ki na matakau koula ka'u sa vakaduria?

Taniela 3:30

Ia sa qai vakayacori Setareki, kei Mesaki, kei Apeti-niko ko koya na tui e na yasana vaka-Papiloni.

Taniela 5:23

ko ni sa vakalevulevui kemuni vei koya na Turaga ni lomalagi, ka ra sa kauta mai ki matamuni na bilo ni nona vale, ka kemuni sa gunu waini mai kina, kei ira na nomuni tamata turaga, na watimuni dina, kei na watimuni lalai, ia kemuni sa vakacaucautaka na kalou siliva, kei na kalou koula, na kalou parasa, na kalou aironi, na kalou kau, kei na kalou vatu, na ka ka sega ni rai, se rogo, se kila ka rawa: ia na Kalou, sa tiko e ligana na nomuni cegu, ka sa lewa na nomuni lakolako kece, ko ni sa sega ni doka:

Taniela 5:4

Era sa gunuva na waini, ka vakacaucautaki ira na kalou koula, kei na kalou siliva, na kalou parasa, na kalou aironi, na kalou kau, kei na kalou vatu.

Osea 2:8

Ia na ka oqo sa lecava ko koya, ni sai au ga ka solia vua na sila kei na waini, kei na waiwai, ia ka'u a vakalevutaka vua na siliva, kei na koula, ia era sa vakayagataka vei Peali.

Osea 8:4

Era sa bulia eso na tui, ka sega ni vu vei au: era sa lesia na turaga, ia ka'u sa sega ni kilai ira: e na nodra siliva kei na nodra koula era sa cakava na nodra matakau, ka me ra muduki laivi kina.

Apakuki 2:19

Ena ca ko koya ka kaya ki na kau, Mo yadra mai! Ka kaya talega ki na vatu galu, Mo tu cake! Mei vakavuvuli li na ka ko ya? Raica, sa botani e na koula kei na siliva, ia sa sega sara ga e lomana nai cegu.

Cakacaka 17:29

Oqo, ni da sa kawa ni Kalou, e sega ni dodonu me da nanuma sa tautauvata na Kalou kei na koula, se na siliva, se na vatu, sa ceuta na matai se na tamata vuku.

Cakacaka 19:26

Ia dou sa qai raica ka rogoca, ni sa segai e Efeso duaduaga, sa vo e lailai ga me otivi Esia taucoko, ko Paula oqo, ka sa lewe vuqa sara sa rawa, ka sa saumaka tani, ni sa kaya, sa sega ni kalou na ka sa caka e na liga:

Vakarua 7:25

A veimatakau ceuceu ni nodra kalou mo ni vakama e na bukawaqa: mo ni kakua ni kocova na siliva se na koula era sa botani kina, se taura me nomuni, de ko ni sa coriti kina: ni sa ka vakasisila oqori vei Jiova na nomuni Kalou.

Vakatakila 9:20

Ia ko ira na tamata sa vo era sa sega ni vakamatei e na mate ca oqo, era sa sega ni veivutunitaka na cakacaka ni ligadra, me ra kua ni vakarokoroko ki na tevoro eso, kei na matakau koula, kei na siliva, kei na parasa, kei na vatu, kei na kau: oqori sa sega ni rai rawa, se rogo rawa, se lako voli: