Taniela 2:45 - Vakavakadewa Makawa

⁴⁵ Ia ni kemuni a raica na vatu ni sa kavida mai na ulu-ni-vanua ka sega ni ta e na ligana e dua, ka sa vurumemeataka na aironi, na parasa, na tete, na siliva, kei na koula: sa vakatakila kina vua na tui ko koya na Kalou levu na ka ena yaco maimuri: ni sa ka dina na tadra, ka macala na kenai balebale.

Ai Vola Tabu (Vakadewa Makawa Vakavoutaki 2021)

⁴⁵ Ia ni kemuni a raica na vatu ni sa kavida mai na ulunivanua ka sega ni ta e na ligana e dua, ka sa vurumemeataka na kaukamea, na parasa, na tete, na siliva, kei na koula. Sa vakatakila kina vua na tui ko koya na Kalou levu na ka ena yaco mai muri. Ni sa ka dina na tadra, ka macala na kenai balebale.”

AI VOLA TABU

⁴⁵ Ia ni ko a raica na vatu ni sa kavida mai na ulu-ni-vanua ka tawa viritaki e na liga, ka sa vurumemea na aironi, na parasa, na tete, na siliva, kei na koula: o koya na Kalou levu sa vakatakila kina vua na tui na ka ena yaco maimuri: a sa mana na tadra, ka dina na kenai balebale.

Vakavakadewa Vou kei na iVola tale eso

⁴⁵ O ni a raica na kena tatiki tani vakaikoya ga na vatu o ya ka vorolaka na matakau a buli ena kaukamea, na parasa, na qele, na siliva kei na koula. Sa tukuna tiko vei kemuni na tui o koya na Kalou na veika ena yaco ena gauna mai muri. Na veika kece sara ga o ni a tadra, au sa qai tukuna oti oqo vei kemuni; ka'u sa vakaraitaka talega vei kemuni na kena i balebale dina.”

Ai Vola Tabu Ena Vakavakadewa Vou

⁴⁵ O ni a raica na kena tatiki tani vakaikoya ga na vatu o ya ka vorolaka na matakau a buli ena kaukamea, na parasa, na qele, na siliva kei na koula. Sa tukuna tiko vei kemuni na tui o koya na Kalou na veika ena yaco ena gauna mai muri. Na veika kece sara ga o ni a tadra, au sa qai tukuna oti oqo vei kemuni; ka'u sa vakaraitaka talega vei kemuni na kena i balebale dina.”

Taniela 2:45 Iomraidhean Croise

Vakatekivu 41:26

A pulumokau vinaka e vitu sa yabaki e vitu; kei na sola vinaka e vitu sa yabaki e vitu: sa dua bauga na tadra:

Vakatekivu 41:28

Oqo na ka ka'u sa kaya vei Fero: sa vakatakila vei Fero na ka sa voleka ni cakava na Kalou.

Vakatekivu 41:32

Ia ni sa vakarua vei Fero na tadra, sa ka ni sa vakataudeitaka na Kalou, ia sa na sega ni dede ena qai vakayacora na Kalou.

2 Samuela 7:22

O koya sa levu kina koi kemuni, Jiova na Kalou: ni sa sega e dua sa tautauvata kei kemuni, ka sa sega na Kalou, koi kemuni duaduaga, me vaka na ka kecega keimami sa rogoca e na daliga i keimami.

1 Veigauna 16:25

Ni sa levu ko Jiova, a sa dodonu me vakacaucautaki vakalevu: Me rerevaki vakalevu cake talega ko koya vei ira na kalou kecega.

Niemaia 4:14

Ia ka'u a rai voli, ka tu cake, ka kaya vei ira na turaga, kei ira na turaga e lewa tiko kei ira na tamata sa vo, Ni kakua ni rerevaki ira: ni nanumi Jiova, sa levu ka rerevaki, ia ni vala e na vukudra na wekamuni na luvemuni tagane, kei na luvemuni yalewa, na watimuni, kei na nomuni veivale.

Niemaia 9:32

Ia oqo, koi kemuni na neimami Kalou, na Kalou levu, ka kaukauwa, ka rerevaki, ka vakabauta tiko na vosa ni yalayala kei na loloma, me kakua ni ka lailai e matamuni na rarawa kecega sa yacovi keimami, kei ira na neimami tui, kei ira na neimami turaga, kei ira na neimami bete, kei ira na neimami parofita, kei ira na neimami qase, kei ira kecega na nomuni tamata, mai na nodra gauna na tui Asiria ka yacova na siga oqo,

Jope 36:26

Raica, sa levu na Kalou, ia eda sa sega ni kilai koya; Sa sega ni kilai rawa nai wiliwili ni nona yabaki.

NA SAME 135:5

Ni'u sa kila sa levu ko Jiova, Io na noda Turaga sa uasivi vei ira kecega na kalou.

NA SAME 145:3

Sa levu ko Jiova, a sa dodonu me vakavinavinakataki vakalevu; Ia sa sega ni kilai rawa na kena levu.

NA SAME 2:9

Ko na voroti ira e nai titoko kaukamea: Ko na vorolaki ira me vaka na bilo nei koya na dautuli kuro.

NA SAME 48:1

Sa levu ko Jiova, ka me vakavinavinakataki vakalevu E na koro ni noda Kalou, na nona ulu-ni-vanua tabu.

NA SAME 96:4

Ni sa levu ko Jiova, ka sa dodonu me vakavinavinakataki vakalevu: Me rerevaki vakalevu talega ka vakalailai na kalou kecega.

Aisea 28:16

O koya oqo sa kaya kina na Turaga ko Jiova, Raica, au sa viritaka mai Saioni na vatu ni yavu, na vatu sa vakatovolei, na vatu ni tutu-ni-vale sa talei, na yavu sa dei sara; ko koya sa vakabauta ena sega ni taqaya.

Taniela 2:24

Ia sa qai la'ki curu ko Taniela vei Erioki, o koya ka lesia na tui me vakamatei ira na tamata vuku e Papiloni, ka la'ki kaya vua; Mo kakua ni vakamatei ira na tamata vuku e Papiloni: mo kauti au mada vua na tui, ia ka'u na vakatakila vua na kenai balebale ni tadra.

Taniela 2:28

ia sa dua na Kalou mai lomalagi sa vakaraitaka na ka vuni, ka sa vakatakila rawa vei kemuni na tui ko Nepukanesa na ka ena yaco e na gauna maimuri. A nomuni tadra kei na raivotu ko ni a raica e na nomuni mocemoce, sa vakaoqo:

Taniela 2:29

A nanuma ni lomamuni kemuni na tui, e na nomuni mocemoce sa bale ki na ka ena yaco maimuri: ia ko koya sa vakaraitaka na ka vuni sa vakatakila vei kemuni na ka ena yaco mai.

Taniela 2:44

Ia e na nodra gauna na tui ko ya ena qai vakatura na Kalou ni lomalagi e dua na matanitu, ena sega sara ni vakarusai rawa: ia na matanitu ko ya ena sega ni biu tu me nodra na tamata tani, ia ena vurumemeataka ga ka vakaotia na veimatanitu oqori, ka na tu ga ka sega ni mudu.

Taniela 8:25

Ia ni sa qaseqase talega ko koya ena vakayacora tiko na vere ni ligana; ena daudokai koya talega e lomana, ia ni ra sa sautu tiko ena vakarusai ira kina na lewe vuqa: ena bolei koya talega na nodra Turaga na turaga; ia ni sa sega na liga e tarai koya ena musuki ga ko koya.

Akeai 2:22

ia ka'u na vukica nai tikotiko vakaturaga ni veimatanitu, ka vakarusa na kaukauwa ni veimatanitu e na veivanua; ka vukica na qiqi-ni-valu, kei ira era vodo kina: a ra na dui bale sobu na ose kei ira era vodo kina, na tamata yadua e nai seleiwau ni wekana.

Sakaraia 12:3

Ia e na gauna ko ya ka'u na lewai Jerusalemi me vatu dauveibitaki vei ira kecega na veimatanitu: ko ira kece era laveta era na mavoa vakaca kina, ia era na soqoni vata ga na lewe i vuravura kecega me ra mai kaba.

Malakai 1:11

Io, mai nai cadracadra ni mata-ni-siga ka yacova na kenai dromudromu ena vakalevulevui na yacaqu vei ira na lewe ni veivanua; ia e na veiyasana kecega ena vakacabori ki na yacaqu nai madrali boi vinaka, io, nai madrali savasava: ni na vakalevulevui na yacaqu vei ira na lewe ni veivanua, sa kaya ko Jiova ni lewe vuqa.

Maciu 21:24

Sa qai vosa ko Jisu, ka kaya vei ira, Au na tarogi kemudou talega e na dua na ka; kevaka dou na tukuna vei au, au na qai tukuna talega vei kemudou se kau sa lesi maivei meu cakava na veika oqo:

Maciu 24:35

Ena takali ko lomalagi kei vuravura; ia na noqu vosa ena sega ni takali.

Luke 17:20

Ia ni sa tarogi koya ko ira na Farisi, se na yaco ninaica na matanitu ni Kalou, sa kaya vei ira ko koya, A matanitu ni Kalou sa sega ni yaco mai me vaka na ka e vakarairaitaki:

Vakarua 10:17

Ni sa Kalou duaduaga vei ira na kalou ko Jiova na nomuni Kalou, ka sa Turaga vei ira kece na turaga, a Kalou levu, ka kaukauwa, ka rerevaki, ko koya sa sega ni digitaka vakailoa na tamata, se taura nai tautauri:

Vakatakila 1:19

Ia na veika ko sa raica oti mo vola, kei na veika sa tu, kei na veika ena yaco maimuri;

Vakatakila 19:17

Ia ka'u a raica e dua na agilose sa tu e na mata-ni-siga; a sa kaci e na domo levu ko koya, ka kaya vei ira kecega na manumanu era vuka e na maliwa kei lomalagi, Dou vakasoqoni kemudou vata mai ki nai vakayakavi ni Kalou levu:

Vakatakila 4:1

Sa oti oqo ka'u sa qai raica tale, ka raica, sa dola e dua na katuba mai lomalagi: ia na vosa taumada ka'u a rogoca sa vaka sa vosa vei au na davui; ka kaya, Lako cake mai ki ke, au na vakatakila vei iko na ka ena yaco e na gauna maimuri.