Taniela 2:4 - Vakavakadewa Makawa

⁴ Era sa qai kaya vua na tui ko ira na kai Kalitia e na vosa vaka-Siria, Mo ni bula, na tui, ka sega ni mudu: mo ni tukuna mai na tadra kivei keitou na nomuni tamata, keitou na qai vakatakila na kenai balebale.

Ai Vola Tabu (Vakadewa Makawa Vakavoutaki 2021)

⁴ Era sa qai kaya vua na tui ko ira na kai Kalitia e na vosa vaka-Arameka, “Mo ni bula, na tui, ka sega ni mudu! Mo ni tukuna mai na tadra kivei keitou na nomuni tamata, keitou na qai vakatakila na kenai balebale.”

AI VOLA TABU

⁴ Era sa qai vosa na kai Kalitea vua na tui e na vosa vaka-Siria, Mo bula, na tui, ka tawa mudu: mo tukuna mai na tadra ki na nomu tamata, keitou na qai vakatakila na kenai balebale.

Vakavakadewa Vou kei na iVola tale eso

⁴ Era a qai sauma na vosa ni tui ena vosa vaka-Arameka, ka ra kaya, “Mo ni bula na tui, ka sega ni mudu! Ni tukuna saka mai na nomuni tadra, ka keimami na qai vakamacalataka vei kemuni na kena i balebale.”

Ai Vola Tabu Ena Vakavakadewa Vou

⁴ Era a qai sauma na vosa ni tui ena vosa vaka-Arameka, ka ra kaya, “Mo ni bula na tui, ka sega ni mudu! Ni tukuna saka mai na nomuni tadra, ka keimami na qai vakamacalataka vei kemuni na kena i balebale.”

Taniela 2:4 Iomraidhean Croise

Vakatekivu 31:47

A sa vakayacana ko Lepani ko Jikari-saetuca: ia ko Jekope sa vakayacana ko Kaleti.

Vakatekivu 41:8

Ia e na mataka sa kidroa na lomana: a sa talaki ka kacivi ira kece mai na daucaka-mana mai Ijipita, kei na tamata vuku kecega sa tiko kina: a sa tukuna vei ira ko Fero na nona tadra; a sa sega me vakaibalebaletaka rawa vei Fero.

1 Tui 1:25

Ni sa lako sobu edaidai ko koya, a sa ka levu na pulumokau, kei na manumanu uro, kei na sipi sa vakamatea ko koya a sa kacivi ira kecega na luvena na tui, kei iratou na kapiteni ni valu, kei Epaiaca na bete; ia raica, era sa kana ka gunu tiko e matana, ka kaya, Me bula ko Atonaija na tui.

1 Tui 1:31

A sa vakacuva na matana ki na qele ko Paci-sepa, ka vakarokoroko vua na tui, ka kaya, Me bula ga ka tawa mudu na noqu turaga ko Tevita na tui.

2 Tui 18:26

Eratou sa qai kaya vei Rapisake ko Elaiakimi na luve i Ilikaia, kei Sepina, kei Joa, Mo vosa mada vei keitou na nomu tamata e na vosa vaka-Siria; ni keitou sa kila: ia mo kakua ni vosa vei keitou e na vosa vaka-Juta e na daligadra na tamata era sa tiko e dela ni bai.

Esera 4:7

Ia e na gauna i Atakisekise, eratou sa vola vei Atakisekise na tui Perisia, ko Pisalami, ko Miciritaci, ko Tapeli, kei ira na tamata tani sa nodratou i tokani; a sa volai nai vola e na vosa vaka-Siria, ka tukuni na kenai balebale e na vosa vaka-Siria.

Niemaia 2:3

ka kaya vua na tui, Me bula na tui ka tawa mudu: me'u sega beka ni vakaveveku mata, ni sa rusa tu na koro, na yasana ni nodra i bulubulu na noqu qase, a sa kama e na bukawaqa na kena veimatamata-ni-koro? Sa qai kaya vei au ko koya na tui, A cava ko sa kerea?

Aisea 36:11

Sa qai kaya vei Rapisake ko Elaiakimi na luve i Ilikaia, kei Sepina, kei Joa, Mo vosa mada vei keitou na nomu tamata e na vosa vaka-Siria, ni keitou sa kila oqori: ia mo kakua ni vosa vei keitou e na vosa vaka-Jutia me ra rogoca ko ira na tamata era toka e na dela ni bai.

Aisea 44:25

ka'u sa vakatawayagataka na nodra ka mana na daulasu wale, ka'u sa vakalialiai ira na rairai, ka vakalesui ira ki muri na vuku, ka vukica na nodra vuku me lialia:

Taniela 1:4

na cauravou sa sega e dua na tikidra e ca, sa matavinaka, ka yalomatua e na vuku kecega, ka daukila ka, ka lomamacala e na vuli ka, ka tamata e kilikili me mai tu e na vale ni tui, ka me ra vakavulici e nai vola kei na vosa ni kai Kalitia.

Taniela 2:7

Era sa baci vosa tale, ka kaya, Mo ni tukuna mai na tadra vei keitou na nomuni tamata, koi kemuni na tui, ia keitou na vakatakila na kenai balebale.

Taniela 3:9

Era kaya vua na tui ko Nepukanesa, Mo ni bula, na tui, ka sega ni mudu.

Taniela 4:19

Ia ko Taniela, na yacana ko Pelitisasari, sa qai kidacala tiko ka dua na tiki-ni-siga, ia sa kidroa ko koya e na nanuma ni lomana. Sa qai kaya na tui vei Pelitisasari, mo kakua ni kidroa e na tadra, se na kenai balebale. Sa vosa ko Pelitisasari, ka kaya, Noqu turaga, me yacovi ira sa cati kemuni na tadra oqo, kei na kenai balebale, vei ira na nomuni meca.

Taniela 4:7

Sa ra qai curu mai na daucaka mana, kei ira na kai Kalitia, kei ira na dauparofisai vakailasu: ka'u a tukuna vei ira na tadra; ia era sa sega ni vakatakila vei au na kenai balebale.

Taniela 4:9

I Pelitisasari, na nodra turaga na daucaka mana, ni'u sa kila sa tiko vei iko na yalodra na kalou tabu ka sa sega e dua na ka vuni me dredre vei iko, me tukuna mai vei au na raivotu ni noqu tadra ka'u a raica, kei na kenai balebale.

Taniela 5:10

Ia e na vuku ni nodra vosa na tui kei na turaga, sa curu mai ko koya na ranadi ki na vale ni kana: ka sa kaya ko koya, Mo bula, na tui, ka sega ni mudu: me kakua ni vakidroataki iko na nanuma ni lomamu, ka me kakua ni dua tani mai nai rairai ni matamu:

Taniela 5:8

Era qai curu kece mai na nona tamata vuku na tui: ia era sa sega ni wilika rawa na ka sa volai, se vakatakila rawa na kenai balebale vua na tui.

Taniela 6:21

Sa qai kaya vua na tui ko Taniela, Mo ni bula, na tui, ka sega ni mudu.

Taniela 6:6

Ia ko ira na turaga lelevu kei ira na turaga lalai era sa qai soqoni vata vua na tui, ka ra kaya vakaoqo vua, Kemuni Taraiase na tui, mo ni bula ka sega ni mudu.

Taniela 6:7

Era sa bose vata kece na turaga lelevu ni matanitu, kei ira na kovana, kei na turaga lalai, kei na lewe ni bose, kei na turaga ni qali, me vakatura e dua na lawa ni tui, ka vakadreta e dua na sau tabu, ka vaka, O koya sa na kerea e dua na ka vua e dua na kalou se vua e dua na tamata ka bogi tolusagavulu, vei kemuni duaduaga, na tui; me sa biu ki na qara ni laioni.

Maciu 21:9

Ia ko ira na lewe vuqa sa liu, kei ira sa muri, era sa kaci, ka kaya, Osana vua na Luve i Tevita! sa kalougata ko koya sa lako mai e na yaca ni Turaga! Osana kicake sara!

1 Samuela 10:24

A sa kaya vei ira na tamata kecega ko Samuela, Dou sa raici koya sa digitaka ko Jiova, ni sa sega e tautauvata kaya vei ira na tamata kecega, se segai? A ra sa kaila ko ira na tamata kecega, ka kaya, Me bula na tui.