Taniela 2:20 - Vakavakadewa Makawa

²⁰ Sa kaya ko Taniela, Me vakavinavinakataki tiko ka sega ni mudu na yaca ni Kalou: ni sa nona ga na vuku kei na kaukauwa:

Ai Vola Tabu (Vakadewa Makawa Vakavoutaki 2021)

²⁰ Sa kaya ko Taniela, “Me vakavinavinakataki tiko ka sega ni mudu na yaca ni Kalou, ni sa nona ga na vuku kei na kaukauwa.

AI VOLA TABU

²⁰ Sa vosa ko Tanieli, ka kaya, Na yacana na Kalou, me vakavinavinakataki tiko ka tawa mudu: ni sa nona ga na vuku kei na kaukauwa:

Vakavakadewa Vou kei na iVola tale eso

²⁰ Sa vuku ka kaukauwa na Kalou; Me vakavinavinakataki na yacana ka sega ni mudu.

Ai Vola Tabu Ena Vakavakadewa Vou

²⁰ Sa vuku ka kaukauwa na Kalou; Me vakavinavinakataki na yacana ka sega ni mudu.

Taniela 2:20 Iomraidhean Croise

Vakatekivu 14:20

me vakavinavinakataki talega na Kalou Cecere Sara, ko koya sa soli ira na nomu meca ki na ligamu. A sa solia vua ko Eparama nai katini ni ka kecega.

1 Tui 8:56

Me vakavinavinakataki ko Jiova, o koya sa solia na vakacegu vei ira na nona tamata na Isireli, me vaka na ka kecega ka yalataka ko koya: sa sega ni lutu e dua na vosa e na nona vosa ni yalayala vinaka kecega, ka vosataka ko koya e na gusu i Mosese na nonai talatala.

1 Veigauna 29:20

A sa kaya ko Tevita vei ira kece era soqoni tu, Ni mai vakavinavinaka vei Jiova na nomuni Kalou. A ra sa ia na vakavinavinaka ko ira nai soqosoqo taucoko kivei Jiova na nodra Kalou na tamadra, ka vakacuva na uludra, ka vakarokoroko vei Jiova, kei na tui.

2 Veigauna 20:21

Ia ni sa bose oti ko koya kei ira na tamata, sa lesia eso me sere vei Jiova, ka me ra vakavinavinaka e nai ukuuku ni yalosavasava, ni ra sa lako yani e na matadra nai valu, ka me ra kaya, Vakavinavinaka vei Jiova; ni sa sega ni mudu na nona loloma.

Niemaia 9:5

Sa qai kaya ko ira na Livai, ko Jesua, kei Katimieli, ko Pani, ko Esapinaia, ko Serepaia, ko Otaia, ko Sipanaia, ko Pecaaia: Ni tu cake; ni vakavinavinaka vei Jiova na nomuni Kalou ka tawa mudu: ia me vakavinavinakataki na yacamuni vakaiukuuku, sa uasivi cake a sa uasivi sobu na vosa ni veivakarokorokotaki kei na vakavinavinaka kecega.

Jope 12:13

Sa tu vei Koya na vuku kei na kaukauwa; Sa nona na lewa dina kei na yalomatua.

NA SAME 113:1

Dou ia vei Jiova na vakavinavinaka. Dou vakavinavinaka, oi kemudou na tamata i Jiova, Dou vakavinavinakataka na yaca i Jiova.

NA SAME 113:2

Me vakarokorokotaki na yaca i Jiova Mai na gauna oqo ka yacova na veigauna kecega emuri.

NA SAME 115:18

Ia koi keda ga, eda na vakavinavinaka vei Jiova Mai na gauna oqo ka sega ni mudu. Dou ia vei Jiova na vakavinavinaka.

NA SAME 147:5

Sa levu na noda Turaga, ka levu na nona kaukauwa: Ka sa sega ni kilai rawa na nona vuku.

NA SAME 41:13

Me vakavinavinakataki ko Jiova na Kalou ni Isireli, Mai na gauna sa sega ni tekivu ki na gauna sa sega ni oti. Emeni, Emeni.

NA SAME 50:23

O koya sa vakacabora na vakavinavinaka sa vakacaucautaki au: Ia ko koya sa lewa vakavinaka na nonai valavala Ka'u na vakaraitaka vua na bula sa mai vua na Kalou.

NA SAME 62:11

Sa vosa vakadua na Kalou; Io, ka'u sa rogoca vakarua oqo; ni sa nona ga na Kalou na kaukauwa;

Vosavakaibalebale 8:14

Sa noqu nai vakavuvuli, kei na vuku dina: Koi au na yalomatua; sa tu vei au na kaukauwa.

Jeremaia 32:19

sa uasivi e na vuku, ka kaukauwa e na cakacaka: ia na matamuni sa raica tiko na nodra i valavala kecega na luve ni tamata, mo ni solia vei ira yadua me vaka na nonai valavala, ka vaka na vua ni nonai valavala:

Isikeli 28:3

raica, sa vuku ko iko ka lialia ko Taniela; sa sega e dua na ka vuni me ra vunia vei iko:

Maciu 6:13

Ia kakua ni kauti keimami ki na vere, ka mo ni vakabulai keimami mai na ca: Ni sa nomuni na lewa, kei na kaukauwa, kei na vakarokoroko, ka sega ni mudu. Emeni.

Ai Vola I Juta 1:24

Me qai ia vua sa rawata me tauri kemudou mo dou kakua ni bale, me vakaraitaki kemudou talega e na matana vakaiukuuku e na marau vakaidina sara ni dou sa sega ni cala,

Vakatakila 5:12

era sa kaya e na domo levu, Sa yaga na Lami ka vakamatei, me soli vua na kaukauwa, kei nai yau, kei na vuku, kei na qaqa, kei na veidokadokai, kei na vakarokoroko, kei na vakavinavinaka.