Taniela 2:2 - Vakavakadewa Makawa

² Sa qai kaya na tui me ra kacivi mai na daucaka mana, kei ira era dauvakarai mata ni lomalagi, kei ira era daucakai sausau, kei na kai Kalitia, me ra vakatakila vua na tui na nona tadra. Ka ra sa qai mai tu e na mata ni tui.

Ai Vola Tabu (Vakadewa Makawa Vakavoutaki 2021)

² Sa qai kaya na tui me ra kacivi mai na daucaka mana, kei ira era dauvakarai mata ni lomalagi, kei ira era daucakaisausau, kei na kai Kalitia, me ra vakatakila vua na tui na nona tadra. Ka ra sa qai mai tu e na mata ni tui.

AI VOLA TABU

² Sa qai vosa na tui me kacivi ira mai na tamata vuku, kei na rairai, kei na daucaka-mana, kei na kai Kalitea, me ra vakatakila vua na tui na nona tadra. A ra sa mai tu e na mata ni tui.

Vakavakadewa Vou kei na iVola tale eso

² A qai talatala me ra la'ki lako mai vua o ira na nona daukilakila, na daucaka mana, na daucaka i sausau kei ira na tamata vuku me ra mai vakamacalataka vua na nona tadra. Ia ni ra sa tadu yani,

Ai Vola Tabu Ena Vakavakadewa Vou

² A qai talatala me ra la'ki lako mai vua o ira na nona daukilakila, na daucaka mana, na daucaka i sausau kei ira na tamata vuku me ra mai vakamacalataka vua na nona tadra. Ia ni ra sa tadu yani,

Taniela 2:2 Iomraidhean Croise

Vakatekivu 41:8

Ia e na mataka sa kidroa na lomana: a sa talaki ka kacivi ira kece mai na daucaka-mana mai Ijipita, kei na tamata vuku kecega sa tiko kina: a sa tukuna vei ira ko Fero na nona tadra; a sa sega me vakaibalebaletaka rawa vei Fero.

Esiteri 1:13

Sa qai kaya vei ira na tamata vuku ko koya na tui, vei ira era sa daukila na veigauna, (ni sa dauvakakina nai valavala ni tui vei ira kecega era daukila na vunau kei na lewa;

Lako Yani 7:11

Sa qai kacivi ira na tamata vuku ko Fero, kei ira era daucakaisausau: a ra sa kitaka vakakina na daucaka-mana mai Ijipita e na nodra i valavala vuni.

Aisea 19:3

Ia ena oca sara na yalo i Ijipita e lomana; ia na kena vuku ka'u na vakaotia: a ra na la'ki taroga na kalou lasu, kei ira na daulawaki, kei ira na daucurumi, kei ira na rairai.

Aisea 8:19

Ia ni ra na kaya vei kemudou, Dou la'ki tarogi ira sa curumi, kei ira na rairai era sa tagi ka kudru: me ra kakua li ni tarogi koya na nodra Kalou ko ira na tamata? me ra lako li vei ira na mate e na vukudra na bula?

Taniela 1:20

Ia e na kila vuku kecega kei na kila ka sa tarogi iratou kina na tui, sa kunei iratou ni ratou vuku vakatini cake vei ira kecega na daucaka mana, kei na dauvakarai mata ni lomalagi, era tiko e na nona matanitu taucoko.

Taniela 1:4

na cauravou sa sega e dua na tikidra e ca, sa matavinaka, ka yalomatua e na vuku kecega, ka daukila ka, ka lomamacala e na vuli ka, ka tamata e kilikili me mai tu e na vale ni tui, ka me ra vakavulici e nai vola kei na vosa ni kai Kalitia.

Taniela 2:10

Era sa kaya tale vei koya na tui ko ira na kai Kalitia, Sa sega na tamata e vuravura taucoko me na vakatakila rawa na ka oqo vei kemuni na tui: ka sa sega e dua na tui, se na turaga, se dua e lewa, me na taroga na ka vakaoqo vua e dua na daucaka mana, se na dauvakarai mata ni lomalagi, se na kai Kalitia.

Taniela 2:27

Sa kaya ko Taniela vei koya na tui, Na ka vuni ko ni sa taroga na tui, era sa sega ni vakatakila rawa vei kemuni ko ira na tamata vuku, se ko ira na dauvakarai mata ni lomalagi, se ko ira na daucaka mana, se ko ira na dauparofisai vakailasu;

Taniela 3:8

E na tiki-ni-siga ko ya era sa qai toro mai eso na kai Kalitia, ka beitaki ira na Jiu.

Taniela 4:3

Na kena levu ni nonai vakatakilakila! na kena kaukauwa ni nona ka mana! a nona matanitu na matanitu e sega ni mudu, kei na nona lewa mai nai tabatamata ka yaco ki nai tabatamata.

Taniela 4:6

O koya oqo sa dua kina na noqu lewa ka'u sa vakatura, me ra kau mai kivei au na tamata vuku kecega e Papiloni, ia me ra vakatakila vei au nai balebale ni tadra.

Taniela 5:7

Sa qai kaci vakadomoilevu mai na tui me ra kau mada mai ko ira na dauvakarai mata ni lomalagi, kei ira na kai Kalitia, kei na dauparofisai vakailasu. Ka sa kaya na tui vei ira na tamata vuku ni Papiloni, O koya sa na wilika nai vola oqo, ka vakatakila vei au na kenai balebale, ena vakaisulutaki e nai sulu kulakula, ka na vakaitaubetaki e na sinucodo koula, ka na lesi talega me kenai katolu vei keitou ka lewa na matanitu.

1 Samuela 6:2

Ia era sa kacivi ira na bete kei ira na rairai ko ira na kai Filisitia, ka kaya, A cava me da cakava e na vuku ni kato i Jiova? dou vakatakila vei keitou se keitou na vakauta vakaevei ki na kena tikina.