Taniela 12:7 - Vakavakadewa Makawa

⁷ Au a qai rogoca na tamata sa vakaisulu lineni e tiko e cake ko koya e ra na uciwai, ni sa dulaka ko koya na ligana i matau kei na ligana i mawi ki lomalagi, ka bubului, ka cavuti Koya sa bula ka sega ni mudu, ni na dua mada na gauna, ka so tale na gauna, ka dua na tiki ni gauna; ia ni sa musuka oti ko koya na nodra kaukauwa na mataqali tabu, ena qai vakayacori na ka kecega oqo.

Ai Vola Tabu (Vakadewa Makawa Vakavoutaki 2021)

⁷ Au a qai rogoca na tamata sa vakaisulu lineni ka tiko e na uciwai ki cake, ni sa dulaka ko koya na ligana i matau kei na ligana i mawi ki lomalagi, ka bubului, ka cavuti Koya sa bula ka sega ni mudu, ni na dua na gauna, kei na rua, kei na veimama ni gauna, ka gauna e musuka oti kina ko koya na nodra kaukauwa na tamata tabu, ena qai vakayacori na ka kecega oqo.

AI VOLA TABU

⁷ Au a qai rogoca na tamata sa vakaisulu laino e dela ni wai ni uciwai, ni sa laveta ko koya na ligana i matau kei na ligana i mawi ki lomalagi, ka vosavavakini, a sa cavuti Koya sa bula ka tawa mudu, ni na dua mada na yabaki, ka so tale na yabaki, ka dua na tiki ni yabaki; ia ni sa qai rawa na nona musuka na nodra kaukauwa na mataqali tabu, ena qai vakayacori na ka kecega o qo.

Vakavakadewa Vou kei na iVola tale eso

⁷ Sa qai laveta cake na ligana ruarua vaka ki lomalagi na agilosi, ka vosa yalayala ena yaca ni Kalou Tawamudu. Au a rogoca ni kaya vakaoqo, “Ena tolu veimama na yabaki na kena dede. Ni oti na nodra vakararawataki na tamata ni Kalou, sa na qai yaco na veika kecega oqo.”

Ai Vola Tabu Ena Vakavakadewa Vou

⁷ Sa qai laveta cake na ligana ruarua vaka ki lomalagi na agilosi, ka vosa yalayala ena yaca ni Kalou Tawamudu. Au a rogoca ni kaya vakaoqo, “Ena tolu veimama na yabaki na kena dede. Ni oti na nodra vakararawataki na tamata ni Kalou, sa na qai yaco na veika kecega oqo.”

Taniela 12:7 Iomraidhean Croise

Jope 27:2

Me vaka sa bula dina na Kalou, ko koya sa sega ni vialewa vei au; Ia ko Koya sa Kaukauwa, sa vakararawataka na yaloqu;

Aisea 62:12

A ra na vakatokai ira, Na mataqali yalosavasava, Ko ira sa vakabula ko Jiova: ia ko na vakatokai, Ko koya sa Domoni, na Koro sa sega ni biu.

Jeremaia 4:2

ia ko na ia na bubului ka vaka, Sa bula ko Jiova, ka ia e na lomadina, kei na yalododonu, kei na cakacaka dodonu; ia era na vosavakalougatataki ira e na vukuna ko ira na lewe ni veimatanitu, ko koya talega era na vakacaucautaka.

Isikeli 20:5

ka kaya vei ira, Sa vosa vakaoqo na Turaga ko Jiova; E na siga ka'u a digitaki ira kina na Isireli, ka dulaka cake na ligaqu e na vukudra na kawa i Jekope, ka vakatakilai au vei ira e na vanua ko Ijipita, ni'u a dulaka cake na ligaqu vei ira, ka kaya, Oi au ko Jiova na nomudou Kalou;

Taniela 10:5

au a qai ta cake, ka vakaraica, ka raica, sa dua na tamata sa vakaisulu e nai sulu lineni, ia na tolona sa vauci e na koula dina ni Ufasi:

Taniela 11:13

Ni na baci lesu tale na tui ni tokalau, ka mani tuvai ira na lewe levu ka ra lewe lailai eliu, ia ni sa oti na yabaki eso ena lako dina yani ko koya kei nai valu levu kei nai yau levu.

Taniela 12:6

A sa kaya e dua vua na tamata sa vakaisulu lineni e tiko e cake ko koya sa tiko e ra na uciwai, A cava na kena dede me na qai yaco nai otioti ni veika oqo e veivakurabuitaki?

Taniela 12:8

Ia koi au ka'u a rogoca, ia ka'u sa sega ni kila: au a qai kaya, Noqu Turaga, a cava sa na kenai vakataotioti ni veika oqo?

Taniela 4:31

Ni sa vosataka tiko na vosa oqo ko koya na tui, sa dua na domo sa rogo mai lomalagi, ka kaya, Sa tukuni vei iko, Nepukanesa na tui, Ni sa qai suka tani vei iko na nomu matanitu:

Taniela 4:34

Ni sa oti na kena gauna, koi au ko Nepukanesa, ka'u a ta cake ki lomalagi, ia sa lesu tale mai vei au na lomaqu, ka'u a qai vakavinavinakataki Koya sa Cecere sara, io ko koya sa bula ka sega ni mudu ka'u a vakacaucautaka ka vakarokorokotaka, ia sa sega ni mudu na nona lewa, kei na nona matanitu mai nai tabatamata ka yaco ki nai tabatamata:

Taniela 7:21

Au a raica nai leu ko ya, ni sa qai ia nai valu vei ira na yalosavasava, ka sa gumatua vei ira;

Taniela 7:25

Ia ena daucavuta ko koya na vosa ca vei Koya sa Cecere sara ka na dauvakacacani ira na yalosavasava nei Koya sa Cecere sara, ka vakananuma me vukica na gauna eso kei na lawa eso: ia ena soli ki na ligana ka me oti mada e dua na gauna ka so tale na gauna ka dua na tiki ni gauna.

Taniela 8:14

A sa kaya vei au ko koya, Me bogi rua na udolu ka tolu na drau; ena qai vakasavasavataki na vale tabu.

Taniela 8:24

Ia ena gumatua ko koya ni sa qaqa, ia sa sega ni nona dina na qaqa: ena ka vakaidina na nona dauveivakacacani, ena yaco ko koya, ka cakacaka tiko, ka vakarusai ira sa kaukauwa, kei na matanitu tabu.

Luke 21:14

O koya mo dou qai vakataudeitaka na lomamudou, mo dou kakua ni nanuma mada eliu na ka mo dou kaya:

Luke 21:24

A ra na vakamatei e nai seleiwau, a ra na kau vakabobula ki na veivanua: a ra na butuki Jerusalemi sobu ko ira na veimatanitu, me yacova nai vakataotioti ni nodra gauna na veimatanitu.

Vakarua 26:19

me laveti kemuni talega mo ni cecere vei ira na matanitu kecega sa cakava ko koya, ni kemuni sa vakavinavinakataki, ka sa rogo, ka sa vakarokorokotaki; ka mo ni matanitu tabu me nei Jiova na nomuni Kalou, me vaka na nona vosa.

Vakarua 32:36

Ena lewai ira na nona tamata ko Jiova, Ka veivutuni e na vukudra na nonai talatala, Ni sa raica sa oti na nodra kaukauwa, Ka sa sega e dua sa sogolati se dua sa lako voli.

Vakarua 32:40

Ni'u sa dodoka yani na ligaqu vaka ki lomalagi, Ka kaya, Oi au, ka'u sa bula ka tawa mudu.

Vakarua 7:6

Ni kemuni sa matanitu tabu me nei Jiova na nomuni Kalou: sa digitaki kemuni ko Jiova na nomuni Kalou mo ni sa nona matanitu talei, vei ira kecega na veimatanitu e dela i vuravura.

1 Pita 2:9

Ia koi kemudou nai tabatamata digitaki, a matabete vakaturaga, a matanitu yalosavasava, a tamata sa taukena na Kalou, mo dou vakaraitaka kina na nona vinaka sara o koya ka kacivi kemudou mai na butobuto ki nona rarama e veivakurabuitaki:

Vakatakila 12:14

A sa rua na taba ni ikeli levu sa soli vua na yalewa, me vuka kina ko koya ki na veikau ki na nona tikina, sa laki maroroi kina e na dua na gauna, kei na gauna tale eso, kei na veimama ni gauna, mai na mata ni gata.

Vakatakila 12:6

A sa dro na yalewa ki veikau, ki na dua na tikina ka vakarautaka na Kalou, me nona me ra vakani koya kina ka dua na udolu ka rua na drau ka onosagavulu na siga.

Vakatakila 13:5

A sa soli vua na gusu me vosataka na ka levu kei na vosa vakacaca sara; a sa soli vua me turaga ka vula vasagavulu ka rua.

Vakatakila 4:10

sa qai cuva sobu ko ira na qase e lewe ruasagavulu ka va e na mata i koya sa tiko e nai tikotiko-vakaturaga, ka vakarokoroko vei koya sa bula ga ka tawa mudu, ka biuta na nodra i sala e na mata ni tikotiko-vakaturaga, ka kaya,

Vakatakila 4:9

Ia ni ratou sa vakarokoroko ko iratou na ka bula ko ya vei koya sa tiko e nai tikotiko-vakaturaga, o koya sa bula tawa mudu, ka ratou sa dokai koya, ka vakavinavinaka vua,