Taniela 12:6 - Vakavakadewa Makawa

⁶ A sa kaya e dua vua na tamata sa vakaisulu lineni e tiko e cake ko koya sa tiko e ra na uciwai, A cava na kena dede me na qai yaco nai otioti ni veika oqo e veivakurabuitaki?

Ai Vola Tabu (Vakadewa Makawa Vakavoutaki 2021)

⁶ A sa kaya e dua vua na tamata sa vakaisulu lineni, o koya ka tiko e na uciwai ki cake, “A cava na kena dede me na qai yaco nai otioti ni veika oqo e veivakurabuitaki?”

AI VOLA TABU

⁶ A sa kaya e dua vua na tamata sa vakaisulu laino e dela ni wai ni uciwai, A cava na kena dede me qai yaco nai otioti ni veika o qo e veivakidacalataki?

Vakavakadewa Vou kei na iVola tale eso

⁶ Sa qai taroga e dua vei rau vei koya na agilosi ka tucake tu ena uciwai vakalailai ki cake, “A cava na kena dede me sa na qai oti kina na veika veivakurabuitaki oqo?”

Ai Vola Tabu Ena Vakavakadewa Vou

⁶ Sa qai taroga e dua vei rau vei koya na agilosi ka tucake tu ena uciwai vakalailai ki cake, “A cava na kena dede me sa na qai oti kina na veika veivakurabuitaki oqo?”

Taniela 12:6 Iomraidhean Croise

NA SAME 74:9

Keimami sa sega ni raica tiko na neimami vakatakilakila: Sa sega tale e dua na parofita: Ka sa sega e dua vei keimami e kila se na vakaevei na kena dede.

Isikeli 9:2

Ka raica, e lewe ono na tagane eratou sa lako tu mai na sala mai na matamata-ni-koro e cake, sa donuya na tokalau a ratou sa dui taura yadua e ligana na nonai yaragi ni ravuravu; ia e dua vei iratou na tagane sa vakaisulu e na lineni, ka sa tu vua e dua na tavaya wai ni volavola: a ratou sa curu ki loma, ka tu voleka ki nai cabocabo-ni-soro parasa.

Taniela 12:5

Ia ko iko, Taniela, ka'u a vakaraica, ka raica, sa lewe rua tale erau wavu tu, e dua e na bati ni uciwai oqo, ka dua e na bati ni uciwai ko ya.

Taniela 12:8

Ia koi au ka'u a rogoca, ia ka'u sa sega ni kila: au a qai kaya, Noqu Turaga, a cava sa na kenai vakataotioti ni veika oqo?

Taniela 8:13

Au a qai rogoca e dua sa yalosavasava ni sa vosa, ka sa vosa e dua tale na yalosavasava vua sa vosa eliu, Me bogi vica tiko na raivotu ni soro ni veisiga, kei na talaidredre sa vuna na veivakarusai, me soli vata kina na vale tabu kei nai vavakoso me buturaki sobu?

Taniela 8:16

Ia ka'u sa rogoca na domo ni tamata e na macawa ni bati ni uciwai ko Ulai, a sa kaci, ka kaya, Ko iko Keperieli, mo vakamacalataka vua na tamata oqo na raivotu.

Maciu 24:3

Ia ni sa tiko ko koya mai na ulu-ni-vanua ni veiolive, sa lako vuni vua ko ira na tisaipeli, ka kaya, Ni tukuna mai vei keitou, se na yaco ninaica na veika oqo? ia ka cava nai vakatakilakila ni nomuni lako mai, kei nai vakataotioti kei vuravura?

Marika 13:4

Mo ni tukuna mai vei keitou, se na yaco ninaica na veika oqo; ia ka cava na kenai vakatakilakila ni sa voleka ni yaco na ka kecega oqo.

Efeso 3:10

me yaco kina, e na gauna oqo, nai soqosoqo lewe ni lotu, mei vakatakilakila vei ira na turaga kei ira sa kaukauwa e na veiyasana vakalomalagi, ni sa takiveivinaka sara na vuku ni Kalou,

1 Pita 1:12

A sa vakatakilai vei ira, ni sa sega walega e na vukudra, ia ena vukuda era sa yaco me rai talatala e na veika sa qai tukuna mai vei kemudou ko ira era sa vunautaka vei kemudou nai tukutuku-vinaka, kei na Yalo Tabu sa talai mai lomalagi; a veika oqo era sa gadreva ko ira na agilose me ra dikeva.

Vakatakila 15:6

ia ko iratou na agilose e le vitu eratou sa lako mai na vale ni lotu, eratou sa taura na mate ca e vitu, eratou vakaisulu e na lineni savasava sara ka vulavula, a sa vau na lomaseredratou e na wa koula.

Vakatakila 19:14

Ia ko ira na matai valu mai lomalagi era sa muri koya, ni ra sa vodo e na veiose vulavula, a ra sa vakaisulu e na lineni matailalai, e vulavula ka savasava.

Vakatakila 6:10

era sa kaci e na domo levu, ka kaya, sa vakaevei na kena dede, na Turaga yalododonu ka dina, ni ko sa sega ni lewa ka cudruvaka na neimami dra vei ira era sa tiko e vuravura?