Taniela 12:4 - Vakavakadewa Makawa

⁴ Ia ko iko, Taniela, mo maroroya na vosa, ka dregata nai vola, me yaco mada na kenai vakataotioti: era na veiciciyaki na lewe vuqa, ka na vakalevutaki talega na vuku.

Ai Vola Tabu (Vakadewa Makawa Vakavoutaki 2021)

⁴ Ia ko iko, Taniela, mo maroroya na vosa, ka dregata nai vola, me yaco mada na kenai vakataotioti. Era na veiciciyaki na lewe vuqa, ka na vakalevutaki talega na vuku.

AI VOLA TABU

⁴ Ia ko iko, Tanieli, mo tinia na vosa, ka dregata nai vola, me yaco mada na kenai vakataotioti: ena lewe vuqa era na veiciciyaki, ena vakalevutaki talega na vuku.

Vakavakadewa Vou kei na iVola tale eso

⁴ A sa qai kaya vei au, “Ia oqo, i Taniela, mo sogota na i Vola ka tuki dregata me yacova na gauna ni vakataotioti. Era na veiciciyaki na lewe vuqa ka levu sara na i valavala ca.”

Ai Vola Tabu Ena Vakavakadewa Vou

⁴ A sa qai kaya vei au, “Ia oqo, i Taniela, mo sogota na i Vola ka tuki dregata me yacova na gauna ni vakataotioti. Era na veiciciyaki na lewe vuqa ka levu sara na i valavala ca.”

Taniela 12:4 Iomraidhean Croise

Aisea 11:9

Era na sega ni ia na veivakacacani se na veivakamatei e na noqu ulu-ni-vanua tabu kecega: ni na roboti ko vuravura e na veikilai kei Jiova, me vaka sa ubia na wasa titobu na wai.

Aisea 29:11

Ia na raivotu kecega sa qai tautauvata vei kemudou kei na vosa ni vola sa dregati, era sa solia vua e dua sa kila na wili vola, ka ra kaya, Mo wilika mada oqo; a sa kaya ko koya, Au sa sega ni rawata; ni sa dregati tu:

Aisea 30:26

Ia na rarama ni vula ena qai tautauvata kei na rarama ni mata-ni-siga, kei na rarama ni mata-ni-siga ena qai vakavitu, me tautauvata kei na rarama ni siga e vitu, e na gauna sa vauca kina ko Jiova na nodra mavoa na nona tamata, ka vakabula na we ni kedra kuita.

Aisea 32:3

A matadra era rai rawa ena sega ni buawa, kei na daligadra era rogo rawa ena vakarorogo:

Aisea 8:16

Mo viviga nai vola ni tukutuku, dregata na vunau me nodra na noqu tisaipeli.

Jeremaia 5:1

Dou veiciciyaki e na sala ni koro ko Jerusalemi, ka raica mada, ka kila, ka vakasaqara e na kena saqata, se dou sa kunea rawa e dua na tamata, se dua sa ia na lewa dodonu, se goleva na ka dina; ka'u na qai sega ni cudruva.

Taniela 10:1

E nai ka tolu ni yabaki i Sairusi na tui Perisia sa dua na ka sa vakaraitaki vei Taniela, o koya ka vakayacani talega ko Pelitisasari; ka sa ka dina sara, io sa dua nai valu dede: ka sa kila na ka oqo ko koya, ka sa macala vua na raivotu.

Taniela 10:14

Au sa qai lako mai me'u vakatakila vei iko na ka ena yacovi ira na kai nomu e na gauna maimuri: ni na bogi vuqa mada na raivotu.

Taniela 10:21

Ia ka'u na tukuna vei iko na ka sa volai e nai vola dina: ka sa sega e dua sa veivuke kei au e na veika oqo, ko Maikeli ga na nomudou turaga.

Taniela 11:33

Ia ko ira na tamata yalomatua era na vakavulici ira na lewe vuqa: ia era na bale ga e nai seleiwau, kei na yameyame ni bukawaqa, kei na veivakabobulataki, kei na veikoveraki, ka bogi vuqa.

Taniela 11:40

Ia e na gauna ni kenai vakataotioti ena mai cumu vua ko koya na tui ni ceva: ia na tui ni tokalau ena cici vua me vaka na covulaca, o koya, kei na qiqi-ni-valu, kei na tamata sa vodo ose, kei na waqa e vuqa; ia ena curuma na vanua eso, ka luvuca, ka lako basika yani.

Taniela 12:13

Ia ko iko, mo lako ga me yaco mada nai vakataotioti: ni ko na vakacegu, ka tu e na nomu i votavota ni sa yaco na kenai otioti ni veibogi.

Taniela 12:5

Ia ko iko, Taniela, ka'u a vakaraica, ka raica, sa lewe rua tale erau wavu tu, e dua e na bati ni uciwai oqo, ka dua e na bati ni uciwai ko ya.

Taniela 12:9

A sa kaya ko koya, Mo lako ga, Taniela: ni sa maroroi tu ka dregati na vosa me yaco mada na gauna ni vakataotioti.

Taniela 8:17

A sa toro voleka mai ko koya ki na tikina ka'u sa tu kina: ia ni sa lako mai ko koya, ka'u sa rere, ka cuva vakatoboicu: ia sa kaya vei au, Mo kila, ko iko na luve ni tamata: ni sa bale ga ki na gauna ni vakataotioti na raivotu.

Taniela 8:19

Ka kaya, Raica, au na vakatakila vei iko na ka ena yaco e nai otioti ni cudru: ni na yaco ga na kenai otioti e na gauna sa loku.

Taniela 8:26

Ia sa dina ga na raivotu ni veiyakavi kei na veimataka sa tukuni oti: ia ko iko, mo maroroya nai vola ni raivotu; ni sa ka ni gauna ka yawa.

Maciu 24:14

Ia ena vunautaki mada e vuravura taucoko nai tukutuku-vinaka oqo kei na matanitu, mei vakadinadina ki na veivanua kecega; sa na qai yaco emuri nai vakataotioti.

Roma 10:18

Ia ka'u sa taroga, Era sa sega li ni rogoca? E dina sa vakakina, Sa lako na kedrai rogorogo ki vuravura taucoko, Kei na nodra vosa ki nai yalayala kei vuravura.

Vakatakila 10:4

Ia ni ratou sa cavuta na nodratou vosa na kurukuru e vitu, au sa vakarau me'u volavola: au sa qai rogoca na vosa mai lomalagi, sa kaya vei au, Mo dregata na ka sa cavuta na kurukuru e vitu, ka kakua ni vola.

Vakatakila 22:10

A sa kaya vei au ko koya, Kakua ni dregata na vosa ni parofisai ni vola oqo: ni sa voleka na kena gauna.

Vakatakila 5:1

Au a qai raici koya sa tiko e nai tikotiko-vakaturaga ka taura nai vola na ligana i matau, ko ya sa volai eloma e dakuna talega, sa dregati tu e na drega e vitu.