Taniela 11:2 - Vakavakadewa Makawa

² Ia ka'u na qai tukuna vei iko na ka dina. Raica, ena le tolu tale na tui me tui Perisia, ia na kenai kava ena vutuniyau vakalevu vei iratou kecega: ia ni na kaukauwa ko koya e na vuku ni nonai yau, ena vakauqeti ira kece kina me ra vala kei na matanitu ko Kirisi.

Ai Vola Tabu (Vakadewa Makawa Vakavoutaki 2021)

² “Ia ka'u na qai tukuna vei iko na ka dina. Raica, ena le tolu tale na tui me tui Perisia, ia na kenai kava ena vutuniyau vakalevu vei iratou kecega. Ia ni na kaukauwa ko koya e na vuku ni nona i yau, ena vakauqeti ira kece kina me ra vala kei na matanitu ko Kirisi.

AI VOLA TABU

² Ia kaʼu na qai tukuna vei iko na kena dina. Raica, ena tolu tale na tui me tui Perisia, ia na kenai kava ena vutuniyau vakalevu vei iratou kecega: ia ni na kaukauwa ko koya e na vuku ni nonai yau, ena vakauqeti ira kece kina me vala kei na matanitu ko Javana.

Vakavakadewa Vou kei na iVola tale eso

² Ia na ka au sa na tukuna oqo vei iko e ka dina ga. Sa na tolu tale na tui e ratou na lewai Peresia, ia o koya ena qai kedratou i kava, sa na tamata vutuniyau duadua vei iratou kece. Ia ni sa kaukauwa cake ena vuku ni nona vutuniyau, sa qai bolea na matanitu o Kirisi.

Ai Vola Tabu Ena Vakavakadewa Vou

² Ia na ka au sa na tukuna oqo vei iko e ka dina ga. Sa na tolu tale na tui e ratou na lewai Peresia, ia o koya ena qai kedratou i kava, sa na tamata vutuniyau duadua vei iratou kece. Ia ni sa kaukauwa cake ena vuku ni nona vutuniyau, sa qai bolea na matanitu o Kirisi.

Taniela 11:2 Iomraidhean Croise

Esera 4:24

Sa qai mudu na cakacaka ni vale ni Kalou mai Jerusalemi: ka sa mudu ka yacova nai karua ni yabaki ni lewa i Taraiase na tui Perisia.

Esera 4:7

Ia e na gauna i Atakisekise, eratou sa vola vei Atakisekise na tui Perisia, ko Pisalami, ko Miciritaci, ko Tapeli, kei ira na tamata tani sa nodratou i tokani; a sa volai nai vola e na vosa vaka-Siria, ka tukuni na kenai balebale e na vosa vaka-Siria.

Esiteri 1:1

Sa yaco e na gauna i Easuerosi (ko Easuerosi oqo ko koya ka lewa mai Idia ka yacovi Iciopea e na dua na drau ka ruasagavulu ka vitu na yasana:)

Vosavakaibalebale 22:21

Me'u vakatakila kina vei iko na kena dinadina ni vakavuvuli dina; Mo tukuna rawa nai vakavuvuli dina vei ira era sa talaki vei iko?

Taniela 10:1

E nai ka tolu ni yabaki i Sairusi na tui Perisia sa dua na ka sa vakaraitaki vei Taniela, o koya ka vakayacani talega ko Pelitisasari; ka sa ka dina sara, io sa dua nai valu dede: ka sa kila na ka oqo ko koya, ka sa macala vua na raivotu.

Taniela 11:25

Ia ena uqeta ko koya, na nona kaukauwa, kei na nona qaqa me vala kaya na tui ni ceva kei na nona mataivalu levu; ia na tui ni ceva ena vakauqeti me vala kaya kei na mataivalu levu sara ka kaukauwa; ia ena sega ni tu rawa ko koya, ni ra na vakananuma eso na kena vere me ca kina.

Taniela 7:5

Ka raica, sa dua tani tale na manumanu, na kenai karua, ka sa vaka na pera, ia sa duri tu e na dua na ligana, ka sa tolu na sui ni sarisari sa katia tu e gusuna: a ra sa kaya vua vakaoqo, Tu cake, kania vakalevu na lewe ni ka.

Taniela 8:21

Ia na me vutivuti, sai koya na tui Kirisi: kei nai leu levu e na maliwa ni matana, sa kenai matai ni nodra tui.

Taniela 8:26

Ia sa dina ga na raivotu ni veiyakavi kei na veimataka sa tukuni oti: ia ko iko, mo maroroya nai vola ni raivotu; ni sa ka ni gauna ka yawa.

Taniela 8:4

Au a raica na sipi tagane ni sa cumu tu vaka ki ra, kei na tokalau, kei na ceva; a sa sega so na manumanu sa tu rawa e matana, sa sega talega e rawata me kaliraka mai na ligana; sa cakacaka ga ko koya me vaka na nona veitalia, a sa tubu me levu.

Emosi 3:7

E dina, ena sega ni vakayacora e dua na ka na Turaga ko Jiova, ena vakaraitaka mada ga na nona vosa vuni vei ira na nonai talatala na parofita.

Joni 10:35

Kevaka sa vakatokai ira me kalou ko koya, ni sa yaco vei ira na vosa ni Kalou, (a sa sega ni biu wale rawa nai Vola Tabu;)

Vakatakila 21:5

Sa qai vosa ko koya sa tiko e nai tikotiko-vakaturaga, Raica, au sa vakavouya na ka kecega. A sa kaya vei au ko koya, Vola mada: ni sa vosa mana oqo ka dina.