Taniela 10:19 - Vakavakadewa Makawa

¹⁹ ka kaya, O iko, na tamata daulomani, kakua ni ko rere: mo vakacegu, mo kaukauwa ga, io, mo kaukauwa ga mai. Ia ni sa vosa oti vei au ko koya, ka'u sa qai kaukauwa mai ka kaya, Mo ni vosa tiko mai, na noqu turaga; ni kemuni sa vakaukauwataki au.

Ai Vola Tabu (Vakadewa Makawa Vakavoutaki 2021)

¹⁹ Ka sa kaya, “O iko, na tamata daulomani, kakua ni ko rere. Mo vakacegu, mo kaukauwa ga, io, mo kaukauwa ga mai!” Ia ni sa vosa oti vei au ko koya, ka'u sa qai kaukauwa mai ka kaya, “Mo ni vosa tiko mai, na noqu turaga, ni kemuni sa vakaukauwataki au.”

AI VOLA TABU

¹⁹ ka kaya, O iko, na tamata daulomani, kakua ni ko rere: mo vakacegu, mo kaukauwa ga, io, mo kaukauwa ga. Ia ni sa vosa oti vei au ko koya, kaʼu sa kaukauwa mai ka kaya, Me vosa mai, na noqu turaga; ni ko sa vakaukauwataki au.

Vakavakadewa Vou kei na iVola tale eso

¹⁹ A mani kaya vei au o koya, “Mo kakua ni taqaya se rere ni sa lomani iko na Kalou. Mo yaloqaqa ga.” Ni tauca oti ga na vosa oqo o koya, au vakila sara ga ni'u sa kaukauwa vinaka mai. Au a qai kaya vua, “Noqu Turaga, o ni sa vakaukauwataki au; ia, mo ni tukuna mai vei au na ka o ni via tukuna.”

Ai Vola Tabu Ena Vakavakadewa Vou

¹⁹ A mani kaya vei au o koya, “Mo kakua ni taqaya se rere ni sa lomani iko na Kalou. Mo yaloqaqa ga.” Ni tauca oti ga na vosa oqo o koya, au vakila sara ga ni'u sa kaukauwa vinaka mai. Au a qai kaya vua, “Noqu Turaga, o ni sa vakaukauwataki au; ia, mo ni tukuna mai vei au na ka o ni via tukuna.”

Taniela 10:19 Iomraidhean Croise

NA SAME 138:3

E na siga ka'u a tagi kina ko ni a vakarorogo vei au, Ka vaqaqataki au e na yaloqu e na kaukauwa.

Aisea 35:4

Dou kaya vei ira era yalolailai, Dou kaukauwa, dou kakua ni rere: raica na nomudou Kalou; ena yaco mai na veisausaumi, na veisausaumi sa ia na Kalou; ena lako mai ko koya ka vakabulai kemudou.

Aisea 41:10

kakua ni ko rere; ni'u sa tiko vata kei iko: kakua ni ko taqaya; ni'u sa nomu Kalou: ka'u na vakaukauwataki iko; io, ka'u na vukei iko; io, ka'u na tokoni iko e na ligaqu i matau sa daudina.

Aisea 41:14

kakua ni ko rere, Jekope na baca, kei kemudou na Isireli; ka'u na vukei iko, sa kaya ko Jiova, kei na nomu i Vakabula, na Yalosavasava ni Isireli.

Taniela 10:18

Sa baci mai tarai au tale e dua sa vaka na tamata na kenai rairai, ka sa vakaukauwataki au,

Taniela 9:23

Ni sa tekivu na nomu kere loloma sa yaco mai na vosa, ia ka'u sa lako mai me'u tukuna vei iko; ni ko sa tamata daulomani: o koya oqo mo kila kina na vosa, ka vakasamataka na raivotu.

Akeai 2:4

Ia mo gumatua mada ga Serupapeli, sa kaya ko Jiova; mo gumatua talega, Josua na luve i Jiosataki, na bete levu; mo dou gumatua kece talega, na lewe ni vanua, sa kaya ko Jiova, ia dou ia na cakacaka, ni'u sa tiko vata kei kemudou, sa kaya ko Jiova ni lewe vuqa.

Sakaraia 8:13

Ia ena yaco, me vaka dou a vu ni veivakarusai vei ira na veimatanitu, oi kemudou na mataqali i Juta, kei na mataqali i Isireli; au na vakabulai kemudou, ka dou na yaco vaka talega kina, mo dou vu ni veivakalougatataki; dou kakua ni rere, me kaukauwa ga na ligamudou.

Sakaraia 8:9

Sa kaya vakaoqo ko Jiova ni lewe vuqa; Me kaukauwa na ligamudou, oi kemudou sa rogoca e na gauna oqo na vosa oqo mai na gusudra na parofita, sa ra tukuna e na siga ka tauyavutaki kina na vale i Jiova ni lewe vuqa, io, na vale tabu me sa tara rawa.

Joni 11:3

Oqo sa talaki kina vei koya koi rau na ganena, ka kaya, Kemuni na Turaga, raica, ko koya ko sa lomana sa tauvi-mate.

Joni 11:36

Era sa qai kaya na kai Jutia, Raica na kena levu ni nona loloma vei koya!

Joni 11:5

A sa daulomani Marica ko Jisu, kei tacina, kei Lasarusa.

Joni 14:27

Au sa laiva vei kemudou na vakacegu, au sa solia vei kemudou na noqu vakacegu; au sa sega ni solia vei kemudou, me vaka sa solia ko vuravura. Me kakua ni rarawa na yalomudou, se rere.

Joni 16:33

A veika oqo kau sa tukuna vei kemudou, mo dou rawata na vakacegu e na vukuqu. Dou na kunea e vuravura na rarawa; ia mo dou vakacegu; au sa vakamalumalumutaki vuravura.

Joni 19:26

Ni sa qai raici rau ko Jisu, na tinana, kei na tisaipeli ka tu voleka, ko koya sa lomana ko koya, sa kaya vei tinana, Yalewa, raica na luvemu!

Joni 21:20

Sa qai vuki ko Pita, ka raica na tisaipeli sa lomana ko Jisu, ni sa muri tiko, ko koya ka vakararavi talega ki na lomaserena e nai vakayakavi, ka kaya, Kemuni na Turaga, ko cei ko koya ena soli iko yani?

1 Korinica 16:13

Dou vakatawa, dou tu dei e na vakabauta, dou tamata qaqa, dou gumatua.

2 Korinica 12:9

A sa kaya vei au ko koya, Sa rauti iko na noqu loloma: ni sa vakalevui na noqu kaukauwa, ni sa malumalumu e dua. O koya oqo sa yaloqu sara kina meu rekitaka na noqu malumalumu, me tiko kina vei au na kaukauwa i Karisito.

Efeso 6:10

Meu tinia, oi kemudou na wekaqu, mo dou kaukauwa tiko e na Turaga, kei na kena levu ni nona kaukauwa.

2 Timoci 2:1

O koya oqo, na luvequ, mo qai vakaukauwataki iko e na loloma sa tu vei Karisito Jisu.

Josua 1:9

Au sa sega li ni vakaroti iko kina? mo kaukauwa ka qaqa; mo kakua ni rere, se yalolailai: ni sa tiko vata kei iko ko Jiova na nomu Kalou e na veiyasana kecega ko sa lako kina.

Vakatakila 1:17

Ia ni'u sa raici koya, ka'u sa bale sara ki yavana me vaka e dua sa ciba. A sa tabaki au e na ligana i matau, ka kaya vei au, Kakua ni rere; Koi au ko koya sa liu sara, ko koya ena muri sara talega,

Dauveilewai 6:23

A sa kaya vua ko Jiova, Mo vakacegu ga; kakua ni rere: ko na sega ni mate.