Taniela 10:13 - Vakavakadewa Makawa

¹³ Ia sa vorati au na turaga ni matanitu ko Perisia ka bogi ruasagavulu ka dua: ka raica, sa lako mai me vukei au ko Maikeli, e dua vei ira na turaga ka liu; ka'u mani tiko ga yani maikea kei ira na tui Perisia.

Ai Vola Tabu (Vakadewa Makawa Vakavoutaki 2021)

¹³ Ia sa vorati au na turaga ni matanitu ko Perisia ka bogi ruasagavulu ka dua. Ka raica, sa lako mai me vukei au ko Maikeli, e dua vei ira na turaga liu, ka'u mani tiko ga yani mai kea kei ira na tui Perisia.

AI VOLA TABU

¹³ Ia na turaga ni matanitu ko Perisia sa vorati au ka ruasagavulu ka dua na bogi: ka raica, ko Mikaeli, nai matai ni turaga, sa lako mai me vukei au; kaʼu mani tiko ga yani maikea kei ira na tui Perisia.

Vakavakadewa Vou kei na iVola tale eso

¹³ Ia sa siga ruasagavulu kadua na nona mai saqati au tiko na agilosi dauveiyadravi ni Peresia. Oti a qai lako mai o Maikeli, e dua vei ira na agilosi liu, ka mai vukei au baleta ni'u a biu duadua tu ga ena matanitu o Peresia.

Ai Vola Tabu Ena Vakavakadewa Vou

¹³ Ia sa siga ruasagavulu kadua na nona mai saqati au tiko na agilosi dauveiyadravi ni Peresia. Oti a qai lako mai o Maikeli, e dua vei ira na agilosi liu, ka mai vukei au baleta ni'u a biu duadua tu ga ena matanitu o Peresia.

Taniela 10:13 Iomraidhean Croise

Esera 4:24

Sa qai mudu na cakacaka ni vale ni Kalou mai Jerusalemi: ka sa mudu ka yacova nai karua ni yabaki ni lewa i Taraiase na tui Perisia.

Taniela 12:1

Ia e na gauna ko ya ena tu cake ko Maikeli, na turaga levu o koya sa totaki ira na luvedra na kai nomu: ena qai yaco e dua na gauna rarawa, sa sega sara e vakakina mai nai vakatekivu ni matanitu ka yacova na gauna ko ya: ia e na gauna ko ya era na vakabulai na kai nomu, ko ira kece sa na kune ni ra volai e nai vola.

Efeso 6:12

Ni da sa sega ni veivala walega kei ira na tamata, eda veivala talega kei ira era sa liu, kei ira era sa kaukauwa, kei ira era sa veitaliataka na butobuto kei vuravura oqo, kei ira na veivavakoso yalo ca e na veiyasana vakalomalagi.

Kolosa 2:10

Ia dou sa vutu ni ka kecega vei koya; a sa liutaki ira kecega era sa liu kei ira sa kaukauwa ko koya:

1 Cesalonaika 2:18

O koya oqo keitou a via lako kina vei kemudou, oi au ko Paula, kau a vakakina vakadua, io vakarua; ia ka sa tarovi keitou ko Setani.

1 Pita 3:22

o koya sa lako ki lomalagi, a sa tiko e na liga i matau ni Kalou; ia sa vakamalumalumutaki tu vei koya ko ira na agilose, kei ira era sa lewa, kei ira era sa kaukauwa.

Ai Vola I Juta 1:9

Io ko Maikeli na agilose ka uasivi, ni sa veileti tiko kei na tevoro, ka veiletitaka na yago i Mosese, sa sega ni doudou me vosavakacacataki koya, sa kaya ga, Me cudruvi iko na Turaga.

Vakatakila 12:7

A sa tubu nai valu mai lomalagi; o Maikeli kei ira na nona agilose era sa veivala kei na gata levu; a sa ia vata nai valu na gata levu kei ira na nona agilose,