Taniela 10:12 - Vakavakadewa Makawa

¹² Sa qai kaya vei au ko koya, Mo kakua ni rere, Taniela: ni sa rogoci na nomu vosa mai na kenai matai ni siga ko a vakasara kina na lomamu mo kila, ka vakararawataki iko e na mata ni Kalou, ia koi au ka'u sa lako mai e na vuku ni nomu vosa.

Ai Vola Tabu (Vakadewa Makawa Vakavoutaki 2021)

¹² Sa qai kaya vei au ko koya, “Mo kakua ni rere, Taniela, ni sa rogoci na nomu vosa mai na kenai matai ga ni siga ko a vakasara kina na lomamu mo kila, ka vakayalomalumalumutaki iko kina e na mata ni Kalou, ka'u sa lako mai kina koi au e na vuku ni nomu vosa.

AI VOLA TABU

¹² Sa qai kaya vei au ko koya, Mo kakua ni rere, Tanieli: ni sa mai na kenai matai ni siga ko a vakasara kina na lomamu me kila, ka vakararawataki iko e na mata ni Kalou, ka rogoci ga na nomu vosa, ia koi au kaʼu sa lako mai e na vuku ni nomu vosa.

Vakavakadewa Vou kei na iVola tale eso

¹² A qai kaya vei au o koya, “Kakua ni rere, Taniela. Sa rogoca na nomu masu na Kalou ena i matai sara ga ni siga o a lewa kina mo vakamalumalumutaki iko mada me rawa kina ni o kila na ka. Na i sau sara ga ni nomu masu au sa lako mai kina oqo.

Ai Vola Tabu Ena Vakavakadewa Vou

¹² A qai kaya vei au o koya, “Kakua ni rere, Taniela. Sa rogoca na nomu masu na Kalou ena i matai sara ga ni siga o a lewa kina mo vakamalumalumutaki iko mada me rawa kina ni o kila na ka. Na i sau sara ga ni nomu masu au sa lako mai kina oqo.

Taniela 10:12 Iomraidhean Croise

NA SAME 69:10

Ni'u a tagi, ka vakararawataka na yaloqu ni'u a lolo, Ka'u a vosavakacacataki kina.

Aisea 35:4

Dou kaya vei ira era yalolailai, Dou kaukauwa, dou kakua ni rere: raica na nomudou Kalou; ena yaco mai na veisausaumi, na veisausaumi sa ia na Kalou; ena lako mai ko koya ka vakabulai kemudou.

Aisea 41:10

kakua ni ko rere; ni'u sa tiko vata kei iko: kakua ni ko taqaya; ni'u sa nomu Kalou: ka'u na vakaukauwataki iko; io, ka'u na vukei iko; io, ka'u na tokoni iko e na ligaqu i matau sa daudina.

Aisea 41:14

kakua ni ko rere, Jekope na baca, kei kemudou na Isireli; ka'u na vukei iko, sa kaya ko Jiova, kei na nomu i Vakabula, na Yalosavasava ni Isireli.

Aisea 58:9

ko na qai masu, ka na rogoci iko ko Jiova; ko na qai tagi, ka na kaya mai ko Jiova, Koi au oqo! Kevaka ko biuta tani e na kemudou maliwa nai vua, na dusi qaqalo, kei na vosa ca;

Aisea 65:24

Ia ena yaco ni sa bera na nodra masu vei au, ka'u na rogo yani; ni ra sa vosa tiko, ka'u na rogoci ira.

Taniela 10:11

A sa kaya vei au, O iko Taniela, na tamata daulomani, mo kila na vosa ka'u sa tukuna vei iko, ka tu cake e na yavamu: ni'u sa qai talai mai vei iko. Ia ni sa vosataka na vosa oqo vei au ko koya, ka'u sa wavu tu ka sautaninini.

Taniela 10:19

ka kaya, O iko, na tamata daulomani, kakua ni ko rere: mo vakacegu, mo kaukauwa ga, io, mo kaukauwa ga mai. Ia ni sa vosa oti vei au ko koya, ka'u sa qai kaukauwa mai ka kaya, Mo ni vosa tiko mai, na noqu turaga; ni kemuni sa vakaukauwataki au.

Vunau ni Soro 16:29

Ia oqo me kenai lesilesi ka tawa mudu vei kemudou: mo dou vakamalumalumutaki kemudou e na kenai kavitu ni vula, e na kenai katini ni siga ni vula, ia mo dou kakua ni cakava kina e dua na cakacaka, e dua na kai nomudou, se na kai tani sa tiko vulagi kei kemudou:

Vunau ni Soro 16:31

Ena siga ni vakacecegu mo dou vakacegu kina, ia mo dou vakamalumalumutaki kemudou, oqo sai lesilesi vei kemudou ka tawa mudu.

Tiko mai na Lekutu 29:7

Me dua talega na nomudou i soqosoqo tabu e nai katini ni siga e nai kavitu ni vula oqo; ka dou na vakamalumalumutaka na yalomudou: dou kakua ni cakava kina e dua na cakacaka:

Maciu 28:10

Sa qai kaya vei rau ko Jisu, Drau kakua ni rere; drau laki tukuna ga vei ira na wekaqu me ra lako ki Kalili; ia era na raici au maikea.

Maciu 28:5

A sa qai vosa na agilose, ka kaya vei rau na yalewa, Drau kakua ni rere; ni kau sa kila drau sa vakasaqarai Jisu, ko koya ka lauvako ki na kauveilatai.

Marika 16:6

A sa kaya vei iratou ko koya, Dou kakua ni rere: dou sa vakasaqarai Jisu na kai Nasareci, ko koya ka lauvako ki na kauveilatai: sa tu cake tale ko koya: sa sega eke: raica na tikina era a vakotora kina!

Luke 1:13

Sa kaya vei koya na agilose, Kakua ni rere, Sakaraia; sa rogoci na nomu masu; ka na vakasucuma e dua na luvemu-tagane ko Ilisapeci na watimu, ia ko na vakayacani koya ko Joni.

Luke 1:30

A sa kaya vei koya na agilose, Kakua ni rere, Meri: ni ko sa kune loloma vua na Kalou:

Luke 2:10

A sa kaya vei ira na agilose, Dou kakua ni rere; raica, au sa kauta mai vei kemudou e dua nai tukutuku vinaka mo dou reki vakalevu kina, kei ira kecega na tamata.

Luke 24:38

A sa kaya vei ira ko koya, Dou sa kidroa e na vuku ni cava? ka sa tubu na vakanananu e na lomamudou e na vuku ni cava?

Cakacaka 27:24

a sa kaya, Kakua ni rere, Paula; o na kau ga kivei Sisa: ka raica, sa soli ira kecega vei iko na Kalou o ira dou sa soko vata.

Vakatakila 1:17

Ia ni'u sa raici koya, ka'u sa bale sara ki yavana me vaka e dua sa ciba. A sa tabaki au e na ligana i matau, ka kaya vei au, Kakua ni rere; Koi au ko koya sa liu sara, ko koya ena muri sara talega,