Taniela 10:1 - Vakavakadewa Makawa

¹ E nai ka tolu ni yabaki i Sairusi na tui Perisia sa dua na ka sa vakaraitaki vei Taniela, o koya ka vakayacani talega ko Pelitisasari; ka sa ka dina sara, io sa dua nai valu dede: ka sa kila na ka oqo ko koya, ka sa macala vua na raivotu.

Ai Vola Tabu (Vakadewa Makawa Vakavoutaki 2021)

¹ E nai ka tolu ni yabaki i Sairusi na tui Perisia sa dua na ka sa vakaraitaki vei Taniela, o koya ka vakayacani talega ko Pelitisasari. Ka sa ka dina sara, io sa dua nai valu dede. Ka sa kila na ka oqo ko koya, ka sa macala vua na raivotu.

AI VOLA TABU

¹ E NAI ka tolu ni yabaki i Koresi na tui Perisia sa dua na ka sa vakaraitaki vei Tanieli, na yacana sa vakatokai vua ko Pelitisasari; a sa ka dinadina, ia sa dua nai valu balavu: a sa kila na ka o qo ko koya, ni sa macala vua na raivotu.

Vakavakadewa Vou kei na iVola tale eso

¹ Ena i katolu ni yabaki ni tui Peresia i Sairusi, a vakaraitaki kina vei Taniela, yacana talega o Pelitisasari e dua na i tukutuku. Na i tukutuku o ya sai tukutuku dina, ia na kena i balebale ga sa rui dredre me kilai. A qai vakamacalataki vua na kena i balebale ena dua na raivotu.

Ai Vola Tabu Ena Vakavakadewa Vou

¹ Ena i katolu ni yabaki ni tui Peresia i Sairusi, a vakaraitaki kina vei Taniela, yacana talega o Pelitisasari e dua na i tukutuku. Na i tukutuku o ya sai tukutuku dina, ia na kena i balebale ga sa rui dredre me kilai. A qai vakamacalataki vua na kena i balebale ena dua na raivotu.

Taniela 10:1 Iomraidhean Croise

Vakatekivu 41:32

Ia ni sa vakarua vei Fero na tadra, sa ka ni sa vakataudeitaka na Kalou, ia sa na sega ni dede ena qai vakayacora na Kalou.

2 Veigauna 36:22

Ia e na kenai matai ni yabaki i Sairusi na tui Perisia, me vakayacori kina na vosa i Jiova e na gusu i Jeremaia, sa vakauqeta na yalo i Sairusi na tui Perisia ko Jiova, me kacivaki yani e na veiyasana kecega ni nona matanitu, ka sa vola talega ko koya ka vaka,

Esera 3:7

Era a solia talega nai lavo vei ira na matai ni vatu, kei ira na matai ni kau; kei na kakana, kei na medra, kei na waiwai, vei ira na kai Saitoni, kei ira na kai Taia, me ra kauta mai na vu ni sitari mai Lepanoni ki na wasawasa mai Jopa, me vaka na ka sa solia vei ira ko Sairusi na tui Perisia.

Esera 4:3

A sa kaya vei ira ko Serupapeli, kei Jesua, kei ira sa vo vei ira era liu vei ira na qase ni Isireli, Dou sa sega ni vakaitavi vata kei keimami e na tara vale vua na neimami Kalou; koi keimami ga ena tara vakataki keimami vei Jiova na Kalou ni Isireli, me vaka ka vakaroti keimami na tui ko Sairusi na tui Perisia.

Esera 4:5

ka volia na tamata vuku e na veileti, me ra tarova na ka era nakita, e na gauna kecega i Sairusi na tui Perisia, ka yacova na gauna i Taraiase na tui Perisia.

Esera 6:14

A ra sa tara ko ira na nodra qase na Jiu, ka cakacaka yaco, ni sa parofisai ko Akeai na parofita, kei Sakaraia na luve i Ito. A ra sa tara tiko, ka vakaotia, me vaka nai vakaro ni nodra Kalou na Isireli, ka vaka nai vakaro i Sairusi, kei Taraiase, kei Atakisekise na tui Perisia.

Esera 6:3

E nai matai ni yabaki i Sairusi na tui, sa vakarota ko Sairusi na tui e na vuku ni vale ni Kalou mai Jerusalemi, Me tara na vale oqori, na yasana ka vakacabori kina nai soro, ia me viritaki me kaukauwa na kena yavu: a kena cecere me onosagavulu na kiupiti, na kena raraba me onosagavulu na kiupiti;

Aisea 44:28

ka'u sa kaya e na vuku i Sairusi, Sai koya na noqu i vakatawa, ia na ka kece ka'u sa vinakata ena vakayacora ga ko koya, io ena kaya ki Jerusalemi, Ko na tara; ki na vale tabu talega, Ko na tauyavutaki.

Taniela 1:17

Ia sa solia na Kalou vei iratou na cauravou vava oqo na lomavuku kei na kila ka: ka sa vuku ko Taniela ka sa rawata me tukuna nai balebale ni raivotu kecega kei na tadra.

Taniela 1:21

A sa tiko ga ko Taniela ka yacova nai matai ni yabaki i Sairusi na tui.

Taniela 1:7

a sa vakayacani iratou na turaga ni matanivanua: sa vakayacani Taniela ko Pelitisasari; kei Enanaia, ko Setareki; kei Misaeli, ko Mesaki; kei Asaraia, ko Apeti-niko.

Taniela 10:14

Au sa qai lako mai me'u vakatakila vei iko na ka ena yacovi ira na kai nomu e na gauna maimuri: ni na bogi vuqa mada na raivotu.

Taniela 11:2

Ia ka'u na qai tukuna vei iko na ka dina. Raica, ena le tolu tale na tui me tui Perisia, ia na kenai kava ena vutuniyau vakalevu vei iratou kecega: ia ni na kaukauwa ko koya e na vuku ni nonai yau, ena vakauqeti ira kece kina me ra vala kei na matanitu ko Kirisi.

Taniela 12:4

Ia ko iko, Taniela, mo maroroya na vosa, ka dregata nai vola, me yaco mada na kenai vakataotioti: era na veiciciyaki na lewe vuqa, ka na vakalevutaki talega na vuku.

Taniela 12:9

A sa kaya ko koya, Mo lako ga, Taniela: ni sa maroroi tu ka dregati na vosa me yaco mada na gauna ni vakataotioti.

Taniela 2:21

ka sa vukica ko koya na yabaki kei na gauna: sa vakasivoi ira na tui, ka sa lesi ira na tui: sa solia na vuku vei ira na lomavuku, kei na kila ka vei ira na yalomatua:

Taniela 4:8

A sa curu mai emuri sara kivei au ko Taniela, a yacana ko Pelitisasari, me vaka na yaca ni noqu kalou, ia na yalodra na kalou tabu sa tiko vua: ka'u a tukuna talega vua na tadra, ka kaya,

Taniela 5:12

ka ni sa tiko vua e dua na yalo e uasivi cake, kei na vuku, kei na yalomatua, kei na vakamacalataka na tadra, kei na vakatakila na vosa dredre, kei na dausere ka bukubukuya, io ni sa kune vei Taniela ko ya, na yacana talega sa vakayacani koya kina na tui, ko Pelitisasari: me sa qai kacivi mada ko Taniela, ia ena vakatakila ko koya na kenai balebale.

Taniela 5:17

Sa qai vosa ko Taniela ka kaya vua na tui, A nomuni solisoli me sa nomuni ga, kei na nomuni yau mo ni solia ga vua e dua tani; ia ka'u na wilika ga na ka sa volai tu, vei kemuni na tui, ka vakatakila na kenai balebale.

Taniela 6:28

Ia ko Taniela oqo sa tamata cakacaka yaco ni sa lewa tiko ko Taraiase, ni sa lewa talega ko Sairusi na kai Perisia.

Taniela 8:16

Ia ka'u sa rogoca na domo ni tamata e na macawa ni bati ni uciwai ko Ulai, a sa kaci, ka kaya, Ko iko Keperieli, mo vakamacalataka vua na tamata oqo na raivotu.

Taniela 8:26

Ia sa dina ga na raivotu ni veiyakavi kei na veimataka sa tukuni oti: ia ko iko, mo maroroya nai vola ni raivotu; ni sa ka ni gauna ka yawa.

Luke 1:20

ka raica, ko na galu ga, ko na sega ni vosa rawa, me yaco mada na siga ena vakayacori kina na veika oqo, ni ko sa sega ni vakadinata na noqu vosa, o koya ena vakayacori ga e na kena gauna.

Vakatakila 19:9

A sa kaya vei au ko koya, Mo vola, Sa kalougata ko ira era sa kacivi ki nai vakayakavi ni vakawati ni Lami. A sa kaya vei au ko koya, Oqo gona na vosa dina ni Kalou.